2 SAMUEL 23:15 - Allah Wene Fano Wene Hupla Inane

¹⁵ A'nogo sebeli kwisukwama at Daud a'nogo aiba faget endawi ou agaikhemo aren ikhi logolik he yi'nogo isikhe, ”Eige, an he o Betlehem kwe kuguba i mogo habuli'mo a'nogo mene hinagongge ekhe wo'nelepma noba lombukhogo nele agwi!,” iluk ikhi lagaikhe.

2 SAMUEL 23:15 ပူးပေါင်းရင်းမြစ်များ

KEJADIAN 35:19

He Rahel a'nogo wa'lagaikhemo kwe o Efrata lagaikharek oba yogondak he, enu Betlehem agarek oba kwe esanggoma andoma salfesukwa.

2 SAMUEL 23:16

A'nogo ugunem it ap sikhe fisogo mene inogogwi perwira inebe henagan aremnogo nen inesanggo holhukwasik he, it ap Filistin mene inawi tenda salogo were'ma omanogo soganisaluk kwi lagaukwasik i a'nogo hinagaisogo waluk Daud wogosi wagaukwa. Meneat he, at Daud en he i a'nogo ninggi'lek kweisalogo Tuhan faget iluk wogetikhe.

1 TAWARIKH 11:17

A'nogo lagaukwama re at Daud awi eroma faget endawi nunggu nen he aren ikhi logolik mel isikhe, ”Eige, an he o Betlehem kwe kwi laguba i mogo habuli'mo a'nogo mene hinagongge ekhe nele e,” iluk isikhe.

MAZMUR 119:81

Haren an nagap telnabi we'lep iluk an nendawimo warikhi logolik welagi, an he Haren wene watnetigin mene a'nogoba eberek logolik welagi.

MAZMUR 63:1

Daud ebe o Yehuda leimo logolik wuni watikhe mene.

YESAYA 41:17

O andem sambul he ap inenggi lek mene inom enggin-fenggin hagarek mene inom i herati logogun mene re, inelokhoma aga logogin le'ma re, inagai nele nen inamelinggen pukhogo logogun. Oba nen he iren An nenu hombuk palogo yaganetu halok he, An hineisenaTuhan nen inane onggo yagaisikhi logogin. An Israel mene ineisena Allah a'nogo nen he, nagainafuri herak fisaluk laga logogin mondok lek.

YESAYA 44:3

An nen kweang iringikwe andoma i wulagaisogo lakfei wagik, nen kweang agai nele pelerogo werekwe andoma meiso sogenggen mene oba sakhoratik, igin o. Nen An Nomame re haren tagongge mene inoba wogisigik, hombawi hobuk ta'lasugun mene inoba fanoet fisigik, igin o.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.