2 SAMUEL 23:1 - Allah Wene Fano Wene Hupla Inane

¹ At Yakub eisena Allah nen ap Isai amlogo Daud ebe kain enupogot logouwagaluk menfesihkesik he, ebe ap hokho enuwerek mene logouwageluk hilingisogo fesikhe. Nen, at Daud enat he wuni afuni Israel mene faget felalogo wati lagaikhe. Nen at Daud ane elugun oba isikhe re yi'nogo:

2 SAMUEL 23:1 ပူးပေါင်းရင်းမြစ်များ

KEJADIAN 49:1

Hobuk at Yakub en againafuri wolisasikhemo wagaukwama mel yagaisasikhe: ”Hit hobuk hinoba hilinglagunem hikhi logogun mene yagahisagen he, an noba horokhogo ya andogosi we'ni,” iluk isikhesik wuni agarek hak nginugane yi'nogo yagaisasikhe:

2 SAMUEL 22:34

An neisok rusa eisok hakhogo wurik mene hilingnobagaikherek. An nebe tom ebene fano nikhi logouwageluk wo'narek mondok nikherek.

2 SAMUEL 22:51

At Allah nen raja Aren unggul sebelogo menfikhe mene ebikhit agasik omame hokho mene wogetemo alonget fikhe. Aren he ap Aren menfikhe mene, Daud inom at eisok erokwe mene inom, a'nogo endawi hundik hilinginafu mondok logogin,” iluk wuni wati lagaikhe.

1 TAWARIKH 16:7

Fem attak-attak at Daud en it hun Asaf agaila'lak inom, wuni Tuhan fogeratarek awuni wasuageluk menfisasikhe mene re a'nogo andi.

1 TAWARIKH 16:9

Wuni Tuhan obaget wa'ni, e hu Aran elalin aple hilingiterek mene andoma fagesi lani, e hu

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 72:20

At Isai amlogo Daud en samban oba Allah ayonggo fikhi lagaikhe menere huli yiba.

MAZMUR 89:20

O attagat andoma inabikanggo wokhagarek hak, Haren hamingmingengge tiphogo hilingitarek mene inoba yagaisikhi logolik he, ”Ap misik ekhe ambong siserek mene kware-kware mintago ungguloba puget figi o. Afuni inanggele'ma nen ap misik ekhe An nen heragaisogo figi mene a'nogo arat menfigi o.

MAZMUR 89:21

An nen namingmingengge Daud ebe wenatirik he, minyak unggul oba kweisalogo ebe menfigi.

AMOS 6:5

Hiren he at Daud en hilingiti lagaikhe hak, wuni anggup hunogo mene felalogo gitar watik, no kecapi ba abologet fuluk watik, ugu aple nek hinagaiyek welagep.

LUKAS 20:42

At Daud onggwaregen Mazmur weneba ikhi logolik he, mel isikhe: An Neisena Tuhan nen an noe Enupogot yagati logolik he, Afuni hat haselei mene omanogo heisogen al perelogo fisanogen, an nen oan hoba inobagai wagi'lek werek kwelek, An nera'lu nenggi ebekwe hebe kainat logoinok, iluk Tuhan nen Kristus yagatikhe, iluk lisu palogo fesikhe andi re,

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

ULANGAN 33:1

A'nogo yagatikhemo, at Musa Allah nen ayonggo fesikhe mene a'nogo ebe oan wa'lagi'lek logolik, afuni inunggulenu Israel mene Allah nen fanorinafi logouwagaluk wene yi'nogo isikhe:

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

YAKOBUS 5:13

Hit ekhe hinendawinggen weak welagep halok he, samban ikhi logoino o. Nen, hit ekhe hinendawimo hinagaiyek hikhi lagep halok he, wuni Allah awuni wati logoino o.

1 SAMUEL 17:12

At Daud andi ap Efrata mene, Isai amlogo. Aiba re, o it afuni Yehuda mene inaiba andoma, o sili enu Betlehem mene. At Isai andi againafuri ap inebe 8 nen taginafikhe. A'nogo taginafikhemo re, at Saul en afuni Israel mene ferinarek welagaikhe andem sambul he, at Isai ebe mondok yaman agaikhesik welagaikhe.

1 SAMUEL 18:7

A'nogo wati logolik yi'nogo isukwa: At Saul en ninaselei mene beribu-ribu nek inoate, oba nen he, at Daud en enek he, perpuluh-puluh ribu nen inoate,” iluk ilik wulibi waga lagaukwa.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.