2 SAMUEL 22:51 - Allah Wene Fano Wene Hupla Inane

⁵¹ At Allah nen raja Aren unggul sebelogo menfikhe mene ebikhit agasik omame hokho mene wogetemo alonget fikhe. Aren he ap Aren menfikhe mene, Daud inom at eisok erokwe mene inom, a'nogo endawi hundik hilinginafu mondok logogin,” iluk wuni wati lagaikhe.

2 SAMUEL 22:51 ပူးပေါင်းရင်းမြစ်များ

2 SAMUEL 22:2

”Tuhan neisena, an nen Hat hoba nendawi hundik mondok welagirek andi nen he, an nomame re Hat hebeat welagen o.

2 SAMUEL 23:1

At Yakub eisena Allah nen ap Isai amlogo Daud ebe kain enupogot logouwagaluk menfesihkesik he, ebe ap hokho enuwerek mene logouwageluk hilingisogo fesikhe. Nen, at Daud enat he wuni afuni Israel mene faget felalogo wati lagaikhe. Nen at Daud ane elugun oba isikhe re yi'nogo:

2 SAMUEL 7:16

Haren hagainafuri hokhorogo taginafi logoinogoluk hilinghafik, afuni Israel mene ferinarek mondok-mondok logoinogoluk homametfigik, ikhi logogin o, iluk igi mene andi, Daud yagasi lano o,” iluk yagatikhe.

MAZMUR 144:10

Harenat it raja-raja omanogo inoba inalonget fisegendek, nen Hat hamingmingengge Daud ogo fikhalogo wulak fikhi lagenat.

MAZMUR 18:50

Andiba re it afuni inunggulenu lombok welagaikharekwe andoma Hat henu nek sagarik laga logogun, nen Hat hobaget wuni fogethafu awuni nek wulakfuluk fogethafi logogun.

MAZMUR 21:1

Afuni nen wuni wulakfuluk inebe seberogo ugunem melalinafu mene faget, Daud Awuni a'nogo.

MAZMUR 3:3

It inebe fena hokhorogo nen ikhi logolik he, Allah nen at lebethagain lego iluk ili'lagwi.

MAZMUR 48:3

Allah andom Sion oba andi re, eil mondok fanore'ma re wolonghogo liabek. O kota Raja Lego mondok welagarek mene awi andi re, yi afuni ti afuni o kweangma welagaikharek mene nen inagaiyegetarek awi wurik.

MAZMUR 89:20

O attagat andoma inabikanggo wokhagarek hak, Haren hamingmingengge tiphogo hilingitarek mene inoba yagaisikhi logolik he, ”Ap misik ekhe ambong siserek mene kware-kware mintago ungguloba puget figi o. Afuni inanggele'ma nen ap misik ekhe An nen heragaisogo figi mene a'nogo arat menfigi o.

MAZMUR 89:24

At aselei mene re inebe mondogat An nen wulil tagalogo leget fisagain. Nen at oba inapsiri wat fisili'lagwi mene andoma re An nen it inebe inoasigin.

MAZMUR 89:26

Aren ferinarek logogin oba o kerajaan andi re An nen hokhot fikhi logogin. I laut yenggelegen pikhit i Efrat huli andomaba ferinarek logouwagaluk hilingfagain.

MAZMUR 89:29

An nen he, at oba nendawi hundik mondok logogin. Wene waretigi mene andi taganet lasigin mondok lek.

MAZMUR 89:36

Mondok-mondok logogin mene faget nane misigam igi yi re, neranen wene Daud yagasigin lek iluk, nonggwarek nenu horek mene a'nogo hombuk palogo igi o.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

YEREMIA 30:9

Hit he An hineisena Tuhan Allah nobaget hilingiti logolik logogun, nen ap misik ekhe Daud ambisangmangge mene re An nen raja menfagain.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.