2 SAMUEL 22:44 - Allah Wene Fano Wene Hupla Inane

⁴⁴ Haren an afuni Hat hane sagalogo fuluk hilingiri'lagwi mene inoba nen fikhalogo wulak nobagagik, afuni inunggulenu hokhorogo inoe kain lego logouwageluk nobagagik ikhi lagen. Afuni inunggulenu amu mene an inonggot meneba nen ogore, an na'ma namingmingengge asi weri'lagwi.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Wene a'nogo lakfei wagaikhe andiba, at Daud en afuni Yehuda mene mondogat inendawinggen wanhikhemo, iren he, at Daud ebe inom, agoromi tentara mene inebe mondogat inom, inomat inambotkwe o at Daud ebe welagaikheba wesuagaluk wene warogo lakfesukwa.

2 SAMUEL 19:9

A'nogo agaikhemo re it afuni Israel mene werekwe a'nogo re inane hokhorogo sagalhi logolik, mel isukwa: ”At raja Daud en he, nit afuni Filistin mene nen inom, ninaselei mene ekhe nen inom, inawe a'ma fetninarek were'ma telninafikhe lek nogo? Arenat telninafikhe o. A'nogo meneat he, at ebe ap Absalom agaiserogo o yoma herakfisaluk heise wele'ma lagaikhe andi.

2 SAMUEL 20:22

A'nogo yagatikhesik at he a'nogo inom, ap inawenggelek mene omanogo inom he lagaukwasik, at Yoab endawimo anggasikhe mene a'nogo yagaisa lagaukwama re, at Seba unggul a'nogo tegetukwasik he at Yoab ambit hugesi wagaukwama, Yoab en trompet ane futhasikhemo, it agoromi omanogo o kota a'nogo herakfisaluk he inawi lombok pugulhukwa. Nen, at Yoab ogore o Yerusalem raja ba yagasi lagain iluk lagaikhe.

2 SAMUEL 3:1

It a'nogo asi lagaukwama nen he afuni it Saul ebikhit aga lagaukwa mene inom, Daud ebikhit aga lagaukwa mene inom, omanogo nen he weim a'nogo palfigi'legengge yafu mondok welagaukwa. At Daud fikhit mene a'nogo re inomame ekhe inomat hokho agunem he at aselei mene fikhit he maben aga lagaikhe.

2 SAMUEL 5:1

A'nogo hilingi'luk, afuni inunggulenu Israel mene inogogwi mondogat Daud ebe o Hebron were'ma oba wagaukwasik he, mel yagatukwa: ”Helurogo, nit yoma re hat ninom ninamep minggilik mene welago o.

MAZMUR 110:6

Aren afuni inunggulenu lombok wene inoba fuluk inebe mondok inoatunem, inebe warek enek fitfat ikhi logogin. Aren he afuni kweangma mene inogogwi kaindek o yi awi ti awi welagaikharek mene inebe mondogat leget fisagain.

MAZMUR 18:43

Wul age palogo lagarek andi hak an nen mondogat alperelogo fisikhi lagi, nen fesi ebekhe kwe werek andi hak an nen sibil sebelhogo fisikhi lagi.

MAZMUR 2:8

Haren kino yaganetunem he, yi afuni ti afuni inunggulenu lombok andoma Hat wokhesigin o. Nen o kweangma mondogat andi re Hat honggwarek hangge mene asigin o.

YESAYA 55:4

Ebe eberogo mene re, at andi An nen melalinafu mene inom sikhe fisogo inap inoe panglima inom logouwageluk hilingfigi, An nomame welagi mene a'nogo it inunggulenu amu mene werekwe andoma fakhogo yagaisikhi logouwageluk hilingiti.

YESAYA 55:5

Hiren he it inunggulenu amu mene inayonggo fisamo re, iren weak-weak hit hinambit wesugun, An Tuhan Allah Israel mene ineisena horek mondok welagirek mene a'nogo nen hit hinenu legeisogo hinobagasigimo re nonggwarek nenuba igi o,” ikhe.

YESAYA 60:12

Inunggulenu mene inom o kerajaan oba andoma inom hat hobaget hilingisu inabit mene andoma re, inebe weagerinabumo re mondogat longgo ugun.

YESAYA 65:1

Tuhan nen ikhi logolik, ”An he nagainafuri nen yaganetunem onggo yagaisagain iluk foukhogo welagiba nen he iren An noba samban ili'lagwi lek. An he it ninom ambi asugun iluk nenangorinafu welagiba nen he, it An hera'nabi weri'lagwi legat. An nen it inoba yagaisikhi logolik: An nebe yi o, An nebe yi o! Igin iluk foukhogo welagiba nen, unggulenu andi re An wolnabi'lago lego.

DANIEL 7:14

Andi nen at a'nogo legeisogo fikhi logouwageluk, ebe raja menfikhesik, afuni mondogat At enggiba logouwageluk wogetunem higi. A'nogo wogetemo, afuni mondogaren inunggulenu lombok, inagap lombok, inane lombok, At awe a'ma logolik At faget hilingitunem yethigi. Aren omameba ferinarek mondok logolik inoe kain raja were'ma, it ekhe nen mabenet fisogoin mondok lek mene yethigi.

HOSEA 2:23

An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

ROMA 15:12

Nen, ekhe re, at Yesaya nen he, mel iluk lisu palogo fesikheat: ”E mutarek mene andimiba nen asimit lagaikherek hak, at Isai nen tagongge mene ekhe weinam asigin. Weinam agunem he, it afuni endakwe mene at awe a'ma logolik, aren fano'ninabigin, iluk at oba eberek logogun o,” iluk lisu palogo fesikhe.

ROMA 9:25

A'nogo iluk at Allah nen he, wene ekhe mel isikhe: ”Afuni welek mene an nagainafuri aro, iluk igik, inebe nendawirinafi'lek mene, nendawi aro, iluk igik, igin o.

ULANGAN 28:13

Hit hineisena Tuhan Allah nen he it ap inogogwi it inunggulenu amu mene inanggele'ma ferinarek logouwageluk menhinobagaumo hit he it inagoromi mene logogun lek. Hiren ambi an nen Tuhan awene yi'nogo hilingi'no ti'nogo hilingi'no iluk yagahisikhi lagi mene andi hologo higithogo hilingiti logolik tiphogo nek hilingiti logogun halok he, hit hinoba yi mene ti mene weregenek logolik hinambot fikhit ekhe higilogo laga logogun lek.

WAHYU 11:15

A'nogo isigiri'mo nen, it malaikat inebe 7 nen omanogo, inebe falfalik mene inambinggong arat anet hagasi'mo nen, ekhe ambinggong anet hugunem he, pogoroba nen inane hokhorogo yi'nogo ugunem holhi: ”Attak afuni kweangma mene nen inawe a'ma fisaluk ferinarek welagaukwa mene re, yogondak nineisena Enupogot Allah nen ninoe Kristus nen telninabuageluk menfesikhe mene a'nogo emberegen inawe a'ma arat ninobagagasik, at Kristus nen fetninarek mondok-mondok logogin o,” iluk ikhi lagaikha.