2 SAMUEL 22:43 - Allah Wene Fano Wene Hupla Inane

⁴³ An nen he, it inebe wulil tagalogo inoatunem kweang aling hakhogo hesangge-pesangge hilinglagaikharego. Nen it inebe fesi ebekhe kwe andi hakhogo felelenghogo lakfisigirego.

2 SAMUEL 22:43 ပူးပေါင်းရင်းမြစ်များ

2 SAMUEL 7:9

Halok he, An nen hat hebe we komakwe lagen halok setharek mondok logolik, hat haselei mene mondogat hinom weim yafunem, inebe mondok legetfisikhi lagagi andi. Ma re, it afuni o yi awi ti awi inogogwi kaindek logolik inenuwerek welagaikharek andi hak henuwerek hilinghobagagin andi.

2 RAJA-RAJA 13:7

Nen raja Siria mene Aram a'nogo nen he it afuni Israel mene mondogat wolelenggenhogo leget fisasikhemo re, at Yoahas agoromi weim yafarek mene re kuda ba lagaikharek mene inebe 50 nen, kereta ba lagaikharek mene inebe re 10 nen, kweang kwe ineisok oba lagaikharek mene inebe 10.000 nen welagaukwa.

MAZMUR 18:42

Iren inane humeri'lagwi, oba nen he aben ekhe leberisili'lagwi lek, nen iren Tuhan oba inane yagari'lagwi, oba nen he Aren inane onggo yagaisili'lago legat.

MAZMUR 35:5

It andi re sogoien amongmong engge furisikherek hak, Tuhan agoromi malaikat omanogo nen mugusogo yinhun isoago.

YESAYA 10:6

It afuni An nagainafuri mene An inambot wo'ne'luk lagaikharek mene inom, na'mage kwelafarek mene inom andoma inoasuageluk An nen Asyur lakfei wesigin o. Nen, afuni An nunggulenu mene andoma inangge hugul heligik, hinakhigik, nen kweang age ebekhe kwe were'ma sebelisagarek hak, sebelisigik, hilingisuageluk An nen Asyur lakfei wesigin o,” ikhe.

YESAYA 26:15

Tuhan nineisena, Haren he nit ninagainafuri mene inebe ekhe inom sik pikhogo hilingninobagagik, nit ninaiba wilayah ekhe inom wogolhigik, hilingninobagasigin andi nen he Hat legeisogo hobagakhi lago.

YESAYA 41:2

Ap sa nen timur fikhit omame werek mene a'nogo abologet higik, hundik-hundik at enek omame aga logouwageluk hilingitik, ikherek nogo? Ap sa nen hilingituba aren it ekhe inunggulenu mene omanogo mabenet fisigik, nen it raja-raja omanogo at a'ma nek sebelogo pelak fisigik, ikherek nogo? At enggarok oba nen he, ap at aselei mene wul hakhogo wolelenggenhogo fisigik, Nen At andok oba nen he it inebe engga iringik mene sogoien funhugunem hilingiterek hak telfol isigik, ikherek.

YESAYA 41:25

An nen he ap misik ekhe timur fikhiren lakfei wesigin, aren abel utara fikhiren weim kwi wesuageluk An nen ayonggo fagain. Ap inomame werek mene re fesi ineisogen sogoberisagarek hakhogo hilingfisigik, kweang tanggeba waruk hilingitarek mene nen hilingitarek hakhogo alperelogo fisigik hilingisigin.

DANIEL 2:35

Aremnogoat he, posiemanggen inom, kweang tangge mene inom, tembaga inom, perak inom, emas inom, omanogo mondogat wolelenggen tagalogo hilinglaga andi. A'nogo hilinglaga andi, o hibiba afuni nen gandum enggen folhi logolik afulfulengge wulakfisugunem sogoien funhogo waluk lagarek andi hak waluk lagama re, obuluk ekhe welaga hegen mondok lek andi. A'nogo meneat he, helep, afuni inalik waganek mene ebe wolelenggen tagalogo legetfikhe mene andi nek he, mondok hokho tom hangge hilinglagasik o kweangma yi awi ti awi mondogat sebelek were'ma yethegen andi, noe.

MIKHA 7:10

Attak he, it inaselei mene nen nit pilipninafi logolik yi'nogo ikhi lagaukwa, ”Hit hineisena Tuhan Allah andi re ebe koma werek nogo?” iluk ikhi lagaukwa. Oba nen yogondak he, nit nineisena Tuhan nen nit ninobaget hilingninaferek mene andoma nisambik he iren inenggali asugun. Nen, it ninaselei mene andoma re fesi ebekhe kwe were'ma sebelharek andi hakhogo sebelisamo nineilenggen isogoin.

ZAKHARIA 10:5

Afuni Yehuda mene re, ap inomamerogo weim yafarek mene inaselei mene fesi ebe khalem sebelisagarek hakhogo sibil-sebelisambik, inomame asugun. It he, An Tuhan nen leberisugunem he, iren inomamerogo hilingiti logogun. Nen, iren inaselei mene esa wam kuda amboloba lagaluk lagaikharek mene omanogo mondogat inomame leget fisikhi logogun.” iluk ikhe.

ZAKHARIA 2:6

Tuhan nen At againafuri inoba ikhi logolik he, ”An nen hit hinebe o onggut-onggut, esanggo-esanggo telfol hisasigi. Oba nen, yogondak he, yago! Hit afuni hele warogo fisagarek oba welagep mene andoma re, o Babel en heise wilibimbik weak-weak hinambotkwe o Yerusalem we'ni o.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

LUKAS 21:24

Afuni fena re, karok oba inoatik, fena re, hele warogo o yi awi ti awi fisa lagik, ugun o. Nen, o kota Yerusalem ari, afuni endakwe mene ineisogen alperelogo fembik, o sebeli kwi wesimbik logogun meneat he, mondok sebelek logogun lego. We, Allah nen, It afuni endakwe mene, o Yerusalem huli andi hulibaat sebelek logogun, iluk anggasikhe higithogoat logogun o,” iluk Yesus nen yagaisasikhe.

ULANGAN 32:26

It afuni ekhe nen, inoba ebeti'lek, inonggoret fisambik logouwageluk, an nen it legetfisagain.