2 SAMUEL 22:4 - Allah Wene Fano Wene Hupla Inane

⁴ An nen nane hokhoba neisena Tuhan enu hombuk paligin obaat hombuk palhi lagi. Arenat an naselei mene inoba nen lologo nobagali'lago.

2 SAMUEL 22:4 ပူးပေါင်းရင်းမြစ်များ

2 TAWARIKH 20:22

A'nogo it wuni wati lagaukwa inap a'nogo nen wuni ero wulagaisogo watunem he, Tuhan nen it ap inaselei mene inanggelek kwe lakfei wagaikhemo nalek-falek isasikhe.

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

MAZMUR 106:2

At Tuhan andungdang werek mene andi faget he ap sa nen waluk sagarik la hak nogo? nen ap sa hagen At obaget mondok higithogo foget fou hak nogo?

MAZMUR 116:13

An telnafikhe mene andi faget, an nen neisena Tuhan hai wati logolik, anggur amusu wogosi wesigin.

MAZMUR 116:17

An samban hayonggo fikhi logolik, hai wathafi lagi, iluk, Hat faget ekhe hobagai wesigin o.

MAZMUR 116:2

Telnabuagaluk hundik-handik ayonggo fugu were'ma Aren nane esanggo holherek,

MAZMUR 116:4

A'nogo logolik, ”Neisena Tuhan an nebe telnabime o,” iluk enu hombuk palhi logolik, ayonggo fugu welagi.

MAZMUR 18:3

At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

MAZMUR 48:1

It inunggulenu Korah mene inawuni.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 55:16

Andi nen he, it an naselei mene andoma re inaiba inom, it inanggelekwe inom weak mene nek were'ma re, it afuni an ninom weim palek mene andoma re inebe ineluk oan werek kwelek wa'lagik, nen inebe inelugengge wa'la'luk lagaikharek oba andoma pi lagik, ikhi logouwago.

MAZMUR 56:9

An nebe leil warik nikhi lagi andi re Haren linggene ti nen iluk henggi wenago welagen, nen an neil amusu tephogo pili'lago mene andoma mondogat he Haren mondogat wenagaisogo fikhi lagen lek nogo?

MAZMUR 66:2

Wuni wati logolik At enek legeisogo fikhi logoni, Wuniba agaugwerati logolik At enu nek fogerati logoni.

MAZMUR 96:4

At Tuhan ebe hokho agun werek andi nen he At enu legeisogo fagarek. Ma re dewa omanogo sebelek hak hilingik kwelek, At enek he hokhorogo inailoti logogun.

ROMA 10:13

Aren ikhi logolik, ”It ekhe nen an hineisena Nenupogot Allah nenu hombuk palharek mene halok, mondogat telinabigin enego,” iluk isikhemo lisu palogo fesukwa.

WAHYU 4:11

”Nineisena Allah Henupogot, Yi mene ti mene mondogat, Hat hendawimo anggasigindigen elalhigin, Elalogo fesiginmo werek andi, Harat kain homame hokho welagen andi nen, Fogethafik, agaugwethafik, ikhi logogun,” iluk apne waganogo fogerati lagaikha isigi.

WAHYU 5:12

”Domba Eak watukwa mene andi nek he, yi mene ti mene awe a'ma fisigik, eilmo werek welagik, wene endawimo kagalek enek welagik, omame hokho welagik, ikherego. Halok, at enek he, elok agaugweratik, fogeratik, hai watik, ikhi logogun o,” iluk fogerati lagaikha.