2 SAMUEL 22:33 - Allah Wene Fano Wene Hupla Inane

³³ At Allah andi nen enek an nomamet nobagagik, an kwe nailo legengge loageluk hilingnobagagik ikherek.

2 SAMUEL 22:33 ပူးပေါင်းရင်းမြစ်များ

2 SAMUEL 22:2

”Tuhan neisena, an nen Hat hoba nendawi hundik mondok welagirek andi nen he, an nomame re Hat hebeat welagen o.

AYUB 22:3

Nen, haren At Allah endawimo agaiyek anggili'lago mene hilingiti lagen halok he, At Allah nen hela mene ekhe werega? Nen, hat hebe mondok fano nek hilingitu mene welagen halok ogore, andiba ambisangma At hela mene ekhe weregara? Mondok lego.

MAZMUR 101:2

An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

MAZMUR 101:6

Afuni Allah ba tiphogo hilingitarek mene nek he an nen nendawirinafirek, it ariginik mene nek he An naiba ninom logogun fano. It afuni inebe weak hilingiti lek werek mene nek he, An nobaget hilingiti logogun fano.

MAZMUR 119:1

It afuni nen Tuhan Awene melalek yi'nogo hilingi'no ti'nogo hilingi'no iluk palek werek mene a'nogoba nek hologo hilingiti logolik, inebeba weak mene ekhe hilingiti'lek werek mene andoma re inagaiyek hikhi logouwak.

MAZMUR 18:32

At Allah andi re we Tuhan amu nek werek, nen nit ninili wo'ninaferek mene ogore we At alegat werek.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 32:8

At Tuhan nen yaganeti logolik he, ”Kwe fanokwe lagaikharekwe andi re, An nenat yagahesigin o, hat hebe fetharek logolik, yi'nogo hilingiti logoino iluk, yagahetik, komothafik, ikhi logogin o.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

KELUARAN 15:2

Tuhan nineisena homame hokho mene a'nogoba, An elele wo'nafen o, Harenat an telnafen. An neisena Allah harat ma, an harat fogethabigin, An nombalagen Allah fogethati lagaukwa hak, An nen hat henu esinet habigin.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

2 KORINTUS 12:9

aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

ULANGAN 18:13

Arigini'mo re hit hinendawinggenma nen hineisena Tuhan Allah oba tiphogo hilingiti logolik fogerati logoni.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.