2 SAMUEL 22:31 - Allah Wene Fano Wene Hupla Inane

³¹ At Allah nen hilingiterek mene andi re endebengge iluk ogo ekhe taganet lagarek lek, Tuhan nen abok wene wa'nisasikhe mene andi re eberogo anggikhi logogun fano. Afuni At a'ma hina'lasi kwagarek mene re sing itarek hak ferinarek werego.

2 SAMUEL 22:31 ပူးပေါင်းရင်းမြစ်များ

2 SAMUEL 22:3

An nebe welagirek oba leget pa'leget omamerogo waganek mene hangge, Tuhan hebe welagen, An nebe logouwageluk helep tom eil hak he Allah hebeat welagen, nen an fano logouwagaluk Aren sing itarek hangge laberogo fetnarek werego. Nen nailo legengge logouwageluk hundik-handik fetnarek mondok werego.

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

AYUB 34:10

Yago, ap hinendawi wenggelek mene omanogo hinesanggo holino! At Allah Omame Mondok Hokho mene andi re weak hilingisu hak nogo a? Mondok lego.

MAZMUR 119:140

Haren wene watnisasigin mene andi re mondok omame hilingi'mo re andiba eberogoat anggogorek, an he mondok nendawi hundik welagi.

MAZMUR 12:6

Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

MAZMUR 145:17

At Tuhan andi re Aren hilingiterek mene andoma mondok katokhogo nek hilingiterek, Aren yi'nogo ti'nogo hilingiterek mene andomaba re endawi hundik mondok welagarek.

MAZMUR 18:30

It afuni an naselei mene warogo lakfisoageluk he Harenat nomame wo'neti lagen, At Allah nen lebetniikherek oba nek it naselei mene inomame were'ma eroma a'nogoat tolulurogo kwi laga lagi.

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

MAZMUR 35:2

Haren he handok peiyengge abuk-abuk waganek mene inom, nen mothogo hilingik mene inom wanimbik he, an lebetneame o.

MAZMUR 84:9

Neisena Tuhan, Allah Homame Hokho mene, Allah Yakub eisena a'nogo hayonggo fikhi lagi andi, an nane hesanggo holin o.

MAZMUR 91:4

Aren he sue nen eak ogolabi a'ma fuluk sebelek welagarek andi hak, hat hebe At a'ma hobagaluk fetharek were'ma, hat hebe fano logogin. Hebe hoasinogo iluk sing itarek andi hak, aren tiphogo nek hilingiterek mene andiba, ma'murogo fetharek logogin o.

AMSAL 30:5

At Allah re wene warisikherek mene omanogo tiphogo nek hilingiterek, athe afuni At awea'ma hina'lasi wagaikharek mene andoma inobaget inasing itarek hakhogo kwe palengge higit werek.

PENGKHOTBAH 3:14

At Allah nen yi'nogo ti'nogo hilingiterek mene andoma re mondok-mondok logogin andi nen he an nelu o. Nit afuni nen ekhe oba to'motfigik, misik ekhe pelakfigik hilingisu mo re elo'lek. Nen At Allah nen a'nogo hilingiterek mene andi re niren At oba ninailorogo logouwageluk hilingiterek.

DANIEL 4:34

At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

MATIUS 5:48

Halok he, nineisena Allah pogoroba mene obabut fano mondok higithogo logolik endawirinaferek hak, hit a'nogoat hinendawirinafi logoino o,” iluk yagaisasikhe.

ULANGAN 32:4

Nineisena Tuhan, omamerogo hinebikhit agarek mene, Aren yi mene ti mene, katokhogo nek hilingiterek, mondok higithogo nek hilingiterek, Nineisena Allah obabut he, obokhogo herakninobagaikherek lek, weak ekhe hilingiterek legat, at fano nek hilingiterek, eberogo mene nek hilingiterek.

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.