2 SAMUEL 22:24 - Allah Wene Fano Wene Hupla Inane

²⁴ An weak noba le'ma, weak ekhe hilingiti hanogoluk an nebe heise wulifirek andi re, At mondok elu o.

2 SAMUEL 22:24 ပူးပေါင်းရင်းမြစ်များ

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

KEJADIAN 6:9

Nuh nen hilingitikhe re, yi'nogo. At Nuh againafuri ap inebe henagan mene taginafikhe. Inenu re, Sem inom, Yafet inom, Ham inom. Nen, at Nuh ebe obabut he, at Allah inom horokhogo hundik logolik, weak ekhe hilingiti'lek higithogo nek hilingiti lagaikhe. Andem sambul he, at amunek fano hilingiti lagaikhe.

KEJADIAN 7:1

A'nogo hilingitikhemo, nineisena Tuhan nen Nuh mel yagatikhe: ”O yogondak ya, hat hamunek he, An nendawimo anggikhi lagi mene higithogo hilingiti lagenma re, yogondak hat hagainafuri hinebe mondogat kapal elema kwi lani o.

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

MAZMUR 17:1

Wene eberogo mene nek hilingnobagain, iluk henu hombuk palhi lagi mene andi hesanggo holnafi logoin o, Neisena Tuhan, an nendawinggen mondok pikhithogo hilingik logolik samban hoba kino yagaheti lagi mene andi re futnobagakhi logoin o.

MAZMUR 51:6

Hat hane sagalogo weak hilingiti o, Hane sagalogo figirik Hat helokhoma weak hilingiti o. Hat hendawimo weak anggikhi lagen meneat, heilhanem weak hilingitimo aro. Haren wene noba fegen andi re, fou higit obaat noba fegen o.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

AMSAL 4:23

Hendawinggen andi nen kwe fanorogo lagaikharekwe yagaheti logogin enggere, hendawinggen andire fanorogo halikhi logoino.

YOHANES 1:47

A'nogo yagatikhemo, at Nataniel Yesus oba wesigeluk wagunem at Yesus nen eilenggen yethasikhesik at abok mel yagaisasikhe: ”Ap ari ebe Israel eberogo mene. Ane pire ikherek mondok lek mene ari yethani!” iluk yagaisasikhemo,

2 KORINTUS 5:11

It andi nen he, ninoe Enupogot ebe ninailorogo logogun iluk futfikhi logolik he, afuni nen wene andi futfouwageluk inendawimo kagalogo yagaisilik nikhi lago. Nit ninobabut hilingiti lago andi re, at Allah eilhanem weinam andi hak, hit hinendawimo nen nit futninobagakhi logogun anggikhi lagio.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

KOLOSE 1:21

Attak he, hit hinendawimo weak wene ebeti logolik, hinobabut weak hilingiti lagagip andiba, Allah hinom heksek logolik weim palek hak welagagip.

KOLOSE 1:22

A'nogo meneat he, hit hinebe at Allah onggwarek faget fakhaluk, at eilhanem enekhogo wene hinoba legengge fano tegelek logouwageluk, amlogo ebe wa'lagaikhe andiba, onggwarek hinom lambulogo hinobagasikhemo welagep andi.

IBRANI 12:1

It afuni attak hilingirik wagaukwa mene inabok ilik wago andi, inebe esa hokhorogo ninera'lukwe yiling-waling ineilenggen kwelakninarek werek andi nen he, sa awewerek-sa awewerek louwogeluk yi mene ti mene inoba enggin mene korogo fuluk lagaikharek andi hak, nit ninoba enggin-fenggin welagarek mene andi inom, ninobabut weak hilingitorek mene ninoba laberek mondok welagarek mene andi inom, mondogat korogo herakfisaluk, Allah nen, ”Huli yi huli lano,” iluk yaganisasikhe andi, ninendawimo nen he, ”Ninelokhoma pikhit huli andibaat louwok,” iluk, ninomamerogo laga logouwogo.