2 SAMUEL 22:20 - Allah Wene Fano Wene Hupla Inane

²⁰ Aren an noba endawi hundik logolik he, fikhalogo wulak nobagagik, weak meneba nen telnobagagik ikherek.

2 SAMUEL 22:20 ပူးပေါင်းရင်းမြစ်များ

KEJADIAN 26:22

Andoma herakfisaluk at higilogo o ale'ma asi lagaikhesik i mogo henaganek mene ekhe habulhikhe. Habulhikhemo nen attak hilinglagaikhe a'nogo hakhogo hilingitukwa le'ma aren ikhi logolik he, ”Yogondak nit Nineisena Tuhan nen seleget ninobagaikhemo o kweang yomaba logolik ninenggi werek hilingninobagali'lago,” iluk i mogo a'nogo nit ninaneba, ”Lologo” u hak Rehobot salhikhe.

2 SAMUEL 15:26

A'nogo meneat he, At Tuhan nen an nebe endawit nafi'lek halok he, an nebe faget andi re At endawimo anggagain mene higithogo hilinglasuak anggikhi lagi o,” iluk yagatikhe.

2 SAMUEL 22:37

An afuni nen hele warogo wo'narek lanogoluk Haren halnafunem, an neisok yagan-tagan pule pu lek hak.

1 TAWARIKH 4:10

Oba nen he at Yafes nen Allah it afuni Israel mene nen fogerati lagaukwa mene a'nogo ba samban ikhi logolik he yi'nogo isikhe, ”Neisena Allah, an fanot nobagambik an nawi wilayah elonggo wogologo hokhot nobagain o. An ou-pou higi hanogoluk enggin mene andi an noba nen korogo lakfigik, an nebe kwe palogo fetnarek welagik, hilingiti logoin o, neisena,” iluk samban isikhe. A'nogo samban isikhemo re at Allah nen kino yagatikhe mene a'nogo higithogo hilingfesikhe.

MAZMUR 118:5

An noba yi enggin ti enggin hikhi logolik, neisena Tuhan nen, telnabuagaluk ayonggo fugunem, nane esanggo holheresik, an nebe telnaferek.

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 149:4

At Tuhan nen he againafuri faget endawimo agaiyek anggili'lago, Aren he afuni inendawinggen sebelfakhagarek mene inoba re inenu werek mene hilingfisikherek.

MAZMUR 22:8

Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

MAZMUR 31:9

It afuni naselei mene nen hele warogo wo'narek loageluk oboget niikhi lagen lek, athe an wene yi wene ti wene noba lek engge selekhogo laga logouwageluk hilingnobagakhi lagen.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

HOSEA 4:16

Yago, hit afuni Israel mene yi sani, hit he hinungguloak mondok helep higit welagep! Ariginik welagepma re, An nen ninggi'nogo domba engga noageluk o leimo halharek hakhogo halhinafi logogin nogo?” iluk ikhe.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.