2 SAMUEL 22:17 - Allah Wene Fano Wene Hupla Inane

¹⁷ Tuhan ebe legoma poma nen enggi pelabi waga logolik, i agum uan meneba nen sen nobagaikhesik lisogo liak nobagai wagaikhe.

2 SAMUEL 22:17 ပူးပေါင်းရင်းမြစ်များ

2 SAMUEL 22:18

Ap an naselei mene inomame mondok hokho mene inenggimo nen inom, it an inabit nabi'lagwi mene inoba nen inom, it inebe inomame hokhorek logolik, an ninom walha elo'lek mene inom andomaba nen, an nili wo'nafikhe.

MAZMUR 130:1

Allah awi wuri'mo lagakhi logolik wuni watukwa awuni. An nebe kiling elema hangge weak mondok hikhi logolik, neisena Tuhan henu hombuk palhi lagi o.

MAZMUR 144:7

Hat hebe pogoroba nen henggi sen nobagai we'luk, i fu weri'lagoba nen lugurogo nobagain o. Ap pok mene andoma inomameba nen telogo nobagain o,

MAZMUR 18:16

At Tuhan nen aselei mene inoba ane pararak etik, eleage ambisang elekwe nen furisigik ugunem he, kweang i laut fem a'ma ma'lima mene mondogat weinam agik, nen kweang ero talek mene omanogo mondogat weinam agik, ikherek.

MAZMUR 32:6

A'nogo hilingiti lagen andi nen, afuni inebe lombok Hat hoba inailorogo werek mene re, yi enggin ti enggin hikhi logolik, Hat hayonggo fikhi logogun halok, i fu waga logolik, yi mene ti mene sebelherek hak, inebe sebelogo fisagain lego.

KELUARAN 2:10

A'nogo wogoti lagaikhesik, omalik a'nogo arat alue agaikhemo, agaisa nen he, at raja Firaun a'logo a'nogo wogosi lagaikhe. Wogosi lagaikhemo re, at eak hangge kulikhi logolik mel isikhe: ”An neak yi re, ima were'ma heligi mene andi u hak, enu Musa,” iluk salhikhe.

YESAYA 43:2

An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.

RATAPAN 3:54

A'nogo hilingnobagagunem i yenggelik nunggul huli lagagunem, an nen ebeti logolik, ’An a'nogo yogondak huli nen neiloak legasigin andi iluk ebeti!’

WAHYU 17:15

At malaikat a'nogo nen a'nogo yaganetesik, ekhe mel yaganete: ”At he yanani nilik nikherek mene hangge andi, ebe kain welagarek oba i hegen andi ebe re, afuni mondogat inunggulenu lombok, inagap lombok, inawi lombok, inane lombok mene heilenggen isegen o.