2 SAMUEL 22:15 - Allah Wene Fano Wene Hupla Inane

¹⁵ Aren he andok omanogo sup-sap isigik, aselei mene omanogo hesangge-pesangge hilingfisigik ikherek. Aren he aselei mene omanogo heise loageluk eilabut kulunghogo lakfigik-wakfigik ikherek.

2 SAMUEL 22:15 ပူးပေါင်းရင်းမြစ်များ

MAZMUR 18:14

A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.

MAZMUR 45:5

Hane liolek oba katokhogo tegetik, nen eberogo weneba nek tipsek logouwageluk ninget figik, hilingfuluk he, hat hebe halong-palonghogo hilingfuluk homame asigin mene faget ninghogo hilingiti logoin. Nen elalin hilingiti lagen andomaba re hat homame hokho mene logouwageluk telogo fakhano o!

HABAKUK 3:11

Handok pisingethugunem ombak-bak he furung warogo lagik, harigeba fangetunem amulit yabelanget higik, ugunem he, mo inom, tugi inom, lagi'lek aloksek werek andi.

ULANGAN 32:23

An nen yi mene ti mene weak inailo mene, it inoba lakfei wagu mondok logogin, An nandok mondogat, it inoba pisinget isugu mondok logogin.

YOSUA 10:10

A'nogo wulifunem he, nineisena Tuhan nen afuni Amori mene inobabut mondok nonghonghogo hilinginafikhemo re, ineilenggen tentara Israel mene yerisasukwasik he inobakhe eintok palagaikhe. A'nogo hilinglagaikhemo, it Israel mene nen afuni inebe mondok hokhorogo o Gibeon nen inoatukwa. A'nogo inoatukwasik, fena ineluk mene re muginarek o tom Bet-Horon alema andoma pelakfisasukwasik, huli yatmaat o Azeka inom, Makeda inom, i ambutmo higit andoma mugisogo pelakfisasukwa.

1 SAMUEL 7:10

A'nogo holhikhemo, at Samuel wam a'nogo oan noletunem ap Filistin mene nen Israel mene arat inoasuogoluk horok-horok kwi wagaukwa. Kwi wagaukwama, aremnogoat Tuhan nen ap Filistin mene inunggulmo higit unggunggu ane hokhorogo pak uagaluk hilingitikhesik he, inobabut mondok nong-honghogo hilingfisasikhemo, inobakheindok palagaukwasik heise wulifukwa.