2 SAMUEL 22:14 - Allah Wene Fano Wene Hupla Inane

¹⁴ A'nogo wulibi wagunem At Tuhan ebe tulem omanogo nen unggunggu suphogo anethugunem he, At Esin Lego welagarek mene a'nogo nen esanggo holherek.

2 SAMUEL 22:14 ပူးပေါင်းရင်းမြစ်များ

AYUB 40:9

An nomame werek andi hak, hat homame andi higit werek nogo? An nane unggunggu ane hangge igirek andi hangge hat hane u hak nogo?” iluk yagatikhesik he,

KELUARAN 19:6

hinebe an nonggwarek faget eisewerek logolik an faget hilingiti logogun o. Wene mondogat yagaheti mene andi afuni Israel mene yagaisano o,” iluk yagatikhe.

YESAYA 30:30

Tuhan nen ane mondok omame mene a'nogo holuageluk hilingfoumo re afuni inebe lombogen elalinhogo ugunem holhi logogun, At anini re endu nen o hali ninggerek hak hilingiti logolik he, meiso hokho mene inom, meiso sogenggen es mene inom, sogoi sielu mene inom lakfei wesumo re, mondok elo'lekhogo hilingitunem hogoin.

YEHEZKIEL 10:5

Kerub andoma inogolabi lambun hugunem abolok he, Allah Omame Mondok Hokho mene a'nogo ane ugunem hangge o senggelek hokho mene a'nogo abel endakwe fikhiren holhi lagaikha.

WAHYU 11:19

A'nogo ugunem isigirik yethigi hak he, pogoroba Allah awi wuri'mo kwe hu'lagunem he, Allah nen wene komotninafikhe wene lisu palek peti elonggoma kwalek welagaikhe a'nogo weinam aga. A'nogo weinam agunem he, eilabut hobugalep yararethigik, unggunggu ane pak ilugen ane lulu lagik, lugul lang-fanget higik, meiso sogonggen hokho mene pelafik ninggik ugunem yethigi o.

HAKIM–HAKIM 5:20

A'nogo yafu kwelek, it hesagal pogoroba mene re it inebe werekwe andoma laga logolik, ap Sisera wasuogoluk, it inom weim yafaat.

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.

1 SAMUEL 7:10

A'nogo holhikhemo, at Samuel wam a'nogo oan noletunem ap Filistin mene nen Israel mene arat inoasuogoluk horok-horok kwi wagaukwa. Kwi wagaukwama, aremnogoat Tuhan nen ap Filistin mene inunggulmo higit unggunggu ane hokhorogo pak uagaluk hilingitikhesik he, inobabut mondok nong-honghogo hilingfisasikhemo, inobakheindok palagaukwasik heise wulifukwa.