2 SAMUEL 22:10 - Allah Wene Fano Wene Hupla Inane

¹⁰ O pogot heal haluk he, At ebe pi wagarek, Nen, At ebe lagain kwe re ohena muli mene ebene eisok filik lagarek.

2 SAMUEL 22:10 ပူးပေါင်းရင်းမြစ်များ

1RAJA-RAJA 8:12

A'nogo hilinglagaikhemo, at Salomo nen samban Allahba yi'nogo yagatikhe: ”Tuhan neisena, o mo pogoroba fesigin mene. Oba nen he Hat hebe ohena mumeak mene anggele'ma werek aplere, hamolo welagen.

MAZMUR 104:3

nen Hat hawi re o pogoroba andoma, i amboloba ambe palhigik wurogo fesigin. Kereta ba lagaikharek andi hak, Hat hanggwe nikhi logogin kwere, ohena elalogo fesigin. Sue ogolabiba tarogo lagarek hak, hogolabi sogoi oba tarogo nikhi lagen.

MAZMUR 144:5

Tuhan neisena, pogot heal haluk he Hebe pi me o, tom-tom andoma endu so'le wilibuageluk henggi senhan.

MAZMUR 97:2

Ohena inom, o mum inomen he At ebe maserogo kwelabek werek, At ebe lego logolik melalinaferek mene andi ero re Aren wene katokhogo hilingiterek mene andi inom Awene melalek werek mene andi inom oba werek.

KELUARAN 19:16

O inenggi henaganek mene weirogo hubet-habet he, unggunggu hokho mene ane pak igik, eilabut kulung higik hilingitikhe. A'nogo hilingiti logolik, ohena mumweak mene tom oba weinam agaikhesik he, pinggong ane hokho mene isikhe. A'nogo ugunem afuni hokhorogo o sabu wurikwe welagaukwa mene omanogo inesanggo holhukwasik he inailo hokho mene agaukwasik inoak lei'leik hilingitukwa.

KELUARAN 20:21

Yagaisasikhesik, it afuni omanogo inebe yatkwe mendek werek kwelek, at Musa a'nogo nek he, o hena eil mondok mum hik-hak se'ma At Allah ebe werek higit asi lagaikhe.

YESAYA 63:19

Nit ninebe hat henggiba fetninarek welagi'lek meneh hangge hilingninafik, afuni nen, Hat henu uluk, ”It inebere At againafuri o,” iluk agarek lek mene hangge hilingninafik ikhi lagen o,” iluk yagatukwa.

NAHUM 1:3

Eberogo nenat At Tuhan andi re a'mage weak-weak lagaikherek lek. A'nogo meneat he, o yi awi ti awi At enek sagarek werek andi nen he afuni ekhe nen weak hilingitu halok he Aren unggum inoba fisikherek mene a'nogoba nen ekhe longgo u lek hak. At Tuhan ebe koma kwe lagu halok he, andoma sogoi sielu wiliferek. Nen At eisok sebelhugukwe andoma re, wul age hena higit palogo lagaikherek.

MATIUS 27:45

A'nogo yagatu were'ma re, o lingge tulem jam 12 oba o mum agaikhesik he, o andoma mondogat huli jam 3 mumat welagaikhe.

ULANGAN 4:11

Hit tom ohena mondok mumweak mene nen sebelek welagarek hak so'le mondok mumweak mene nen sebelhinarek were'ma endu amuilok pogot halianggen oba lagagunem wagagipsik mendek logolik hasigip a'nogo, hinendawimo eberek logolik he, Nit yi'nogo hilingitugu, iluk hinagainafuri, yagaisikhi logoino o.