2 SAMUEL 22:1 - Allah Wene Fano Wene Hupla Inane

¹ At Daud ebe ap Saul en ogo, aselei mene nen ogo inebe mondogaren wasuogoluk ugunem, nineisena Tuhan nen telogo filik waga lagaikhe andi nen he, Allah fogerati logolik, wuni yi'nogo watikhe:

2 SAMUEL 22:1 ပူးပေါင်းရင်းမြစ်များ

2 SAMUEL 12:7

A'nogo yagatikhemo, at Natan nen Daud mel yagatikhe: ”Ap enggi werek mene igi andi, hat hebe aro. Halok he, nit afuni Israel mene nineisena Tuhan nen he, mel yagahete: An nen he, hat ebe afuni Israel mene inoe raja logouwageluk menhobagagi, hat ebe Saul en hoasigiluk ikhi lagaikhe mene re, telhafigi anggigi.

2 SAMUEL 22:49

Aren he an naselei mene ninom weim yaforek mene inenggiba nen, telogo nobagali'lago. Tuhan neisena, it naselei mene inenggimo nen Harenat an nalonget obagakhi lagen, funi inobabut inawulagam mondok weak mene inoba nen Haren ma'murogo fetnarek mondok welagen.

1 TAWARIKH 16:7

Fem attak-attak at Daud en it hun Asaf agaila'lak inom, wuni Tuhan fogeratarek awuni wasuageluk menfisasikhe mene re a'nogo andi.

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

MAZMUR 50:14

Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

KELUARAN 15:1

Afuni Israel mene inomen Allah fogerasuogeluk he, Musa nen wuni yi'nogo isikhe: ”Tuhan nineisena homame fogethafarek mene a'nogoba, Arat mabenetfisegen andi nen, An hat faget wuni wasigin o, Afuni Mesir mene mondogat inanggo kuda oba lagagasik wagaikha omanogo, Mondogat i yenggelek a'nogo ima lakfisegen.

2 KORINTUS 1:10

Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.

2 TIMOTIUS 4:18

A'nogo telnafesik, hobuk afuni nen yi weak ti weak hilingnabuogeluk ugunem, arenat telnafi logombik he, telogo wo'narek pogoroba at awe a'ma logogun oba andoma kwigin andi faget, at fogeratu mondok logouwok, iluk, ”Amin,” igi andi.

HAKIM–HAKIM 5:1

A'nogo legetfisasukwasik, o andi sambul he Debora inom ap Abinoam amlogo Barak inomen wuni yi'nogo watukwa.

1 SAMUEL 23:14

A'nogo lagaikhesik at Daud a'nogore Tom oba o Sif leimo helep elema andoma welagaikhe. At ebe Saul en sirok-murok nikhi lagaikheba nen he Allah nen raja andi enggiba fikhi lagaikhe lek.

1 SAMUEL 24:15

Afuni Israel mene inoe raja hebe nenat an hamingming engge nebe noasigiluk ikhi lagen andi futfein o. An nebe noasigiluk mu'narek nikhi lagen a'nogo nebe yi heilenggen nean. An hamingmingengge nebe re mene unggul misik warek mene hangge inom, nen no pisang hangge inom, welagi yi.

1 SAMUEL 25:29

Nen, ap ekhe nen neisena hebe hoasugun iluk mukhiugu halok he, neisena hat hebe At Tuhan Allah nen afuni nen inangge onggo hokho mene foukhogo fetaluk welagaikharek a'nogo hak hili waganogo fetharek logogin o. Oba nen he neisena haselei mene re At Tuhan nen yatma huk-hak isigik, it yei epayuk oba inoatarek mene nen yatma hugisigik ikhi logouwago.

1 SAMUEL 26:24

Arigini'mo re, yogondak yiba an nen neisena hebe hoasigin lek iluk heluk hobagagi andi hakhogo an hamingmingengge yi ogo a'nogoat Tuhan nen nili waganogo fetnarek logolik enggin noba werek mene fikhalogo wulak nobagakhi logouwago!” iluk isikhe.

1 SAMUEL 27:1

At Daud a'nogo laga logolik he, endawimo yi'nogo wenggelik lagaikhe, ”Andem a'nogo ogoba nen he hilingik kwelek at Saul en an nebe noasu hak. Nen, an nen amurogo hilingisu mene ekhe werek legat, we it afuni Filistin inaiba andoma wulibi layok. A'nogo hilingisigin andiba re at Saul en an it afuni Israel mene were'ma andoma ekhe hira'nabik lagain lek, nen an ogo andoma nailo legengge fano logogin,” iluk wenggelhikhe.