2 SAMUEL 21:6 - Allah Wene Fano Wene Hupla Inane6 Arigini'mo re, at Saul en tagomangge mene andoma nen ap mene nek inebe 7 nen andem niren Tuhan elokhoma nen o Gibea kota at raja Saul onggwarek aiba andoma nen inoasimbik inebe eba kologo fisouwogen he wo'nisan o,” iluk yagatukwa. A'nogo yagatukwama at raja nen ikhi logolik he, ”Fano, enggere it inebe an nen hit wokhisagain o,” iluk yagaisasikhe. အခန်းကိုကြည့်ပါ။ |
2 SAMUEL 21:6
22 ပူးပေါင်းရင်းမြစ်များ
Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.
An hamingmingengge neisena inom, nagainafuri inom inebe mondogat haren wene ninoba fesigindik felelenghogo ninoatigin meneat he, it inoati logolik, an enek he, hat haiba sumburu ninggi logouwagaluk yaganetigin andi. A'nogo mene re, yogondak an hamingmingengge nen yi'nogo ti'nogo hat kino ekhe yagahesu re elo'lego, noe,” iluk yagatikhe.
It inogogwi melalinafi lagaukwa mene re hun Ahiezer inom, Yoas inom, hun Semaa amlogomi inawi Gibea mene andem inom. It ap Daud inom hilingiti lagaukwa inap andi inebe re yi: Yeziel, Pelet, hun Azmawet amlogomi andem inom. Nen Berakha, Yehu, inawi Anatot mene andem inom, Yismaya awi Gibeon mene weim mondok anini agun it ap Tridasawira esa misik ekhe faget kepala welagaikhe agun andi inom. Yeremia, Yehaziel, Yohanan, Yozabad, inawi Gedera meneandem inom. Eluzai, Yerimot, Bealya, Semarya, Sefaca inom, inawi Harufi mene andem inom. Elkana, Yisia, Azareel, Yoezer, Yasubam Korah ineisok erokwe mene andem inom. Yoela, Zebaja, hun Yeroham amlogomi inawi Gedor mene andem inomen hilingiti lagaukwa.
An nen, yi'nogo wogisikhi logoino, iluk wene yagahisigi mene andi sa nen esanggo hologo hilingite lek halok he, at andi awi ebe werek oba andi mene langoak misik ekhe henogo waluk he enggat merenghogo kabelogo at onggwarek ebe agaukwe tiaganhogo wa'no. A'nogo watfuluk he, at awi ebe werek oba andi re meisalogo potfisugunem he ologoilong engge obalik he andoma hugesi laga logogun o.
Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.
A'nogo yagatikhemo, kamo isikhemo re, at Samuel en minyak zaitun amusu i oak oba hinago mene wanhikhesik he, Saul unggul oba kweisalogo watfesikhesik, hai ambe saluk wati logolik mel yagatikhe: ”Nineisena Tuhan nen At againafuri inoe raja logouwageluk menhobagaikhe o. Andi nen he, hat At againafuri inoe raja logolik he, afuni it inaselei mene nen ferinarek logoinogo iluk haren ferinarek logogin o. Haren he, Neisena Tuhan nen at againafuri inoe raja logolik ferinarek logouwagaluk eberogoat mennobagaikhemo, iluk enegat asuagaluk yi'nogo hilinglagunem hagain a'naga.
A'nogo hilinglagaikhemo, at Samuel en he, afuni omanogo mel yagaisasikhe: ”Ap nineisena Tuhan nen wenagaisogo menfikhe mene ebere yi aro. Nit ap Israel mene mondogat at ninom higit mene ekhe lego,” iluk yagaisasikhe. A'nogo yagaisasikhemo, it afuni omanogo mondogat inane ami'mit suphogo re, ”Wa, wa, wa, ninoe kain henupogot hat aro,” iluk elokhe wanhukwa.
ကြော်ငြာတွေ