2 SAMUEL 21:16 - Allah Wene Fano Wene Hupla Inane

¹⁶ A'nogo hilinglagaikhesik were'ma nen he, ap ekhe oagese uan agun enu re Yisbi-Benob andi wagaikhe. Arige re no perunggu helep hangge mene enggin he 3 kilo mene fisogongge a'nogo welagaikhe. Nen at andi nen enggarok he ket mene ouwa'ma kelik welagaikhe, nen at endawimo anggikhi logolik he, eberogoat at Daud he an nen wasigin iluk, anggasikhesik wagaikhe.

2 SAMUEL 21:16 ပူးပေါင်းရင်းမြစ်များ

KEJADIAN 14:5

A'nogo wasuogeluk isukwa meneat he, tahun ekhe 14 oba re, at kain Kedorlaomer inom fanorogo lambul fesukwasik inagoromi tentara mene inom waga logolik he, afuni inunggulenu Refaim mene, o Asyerot-Karnaim andoma mabenetfisigik, afuni inunggulenu Zuzim mene o Ham andoma mabenetfisigik, afuni inunggulenu Emim mene, o Syawe-Kiryataim andoma mabenetfisigik,

KEJADIAN 6:4

O huli attak andem oba inom, hobuk oba inom, afuni kweangma inobakhe hokhondek mene ekhe welagaukwa. It afuni inebe inobakhe hokhondek andi re, hemi fano mondok it ap Allah againafuri mene nen woginafukwa mene omanogo nen taginafukwa mene. It ap inobakhe hokhondek andi re, attak welagaukwa andem oba inasialok weak logolik, inenu werek welagaukwa andi.

2 SAMUEL 21:18

A'nogo yagatukwama nen he, nekhengge weim it Filistin inap inom, o Gob andoma yafukwa. Weim andi yafi logolik he, hun Sibkhai o Husa agun nen he ap oagese uan agun ekhe enu re Saf andi warogo fesikhe.

2 SAMUEL 21:20

Andi nen it Filistin inap inom, a'nogo nekhengge o Gat kwe weim yafukwa. Andoma re ap oagese uan mene weim yafu aple faget nonou sek-segerogo hilingiterek agun ekhe welagaikhe.

2 SAMUEL 21:22

At Daud agoromi inomen ap inebe 4 en inoatukwa mene andem he, it ap inoagese uan mene o Gat inap omanogo inambisangma mene inoatukwa.

2 SAMUEL 5:18

Lagaikhesik werek kwelek, ap Filistin mene omanogo o Refaim tonggoma andoma asi wagaukwasik welagaukwa.

BILANGAN 13:22

Attak-attak he it inebe o kweang andi nen abel selatan fikhit andoma lagaukwasik he o kota Hebron afuni Ahiman mene inom, Sesai mene inom, Talmai mene inom, hun Enak ambisangma mene andoma were'ma asi lagaukwa. O kota Hebron andi re o Zoan Mesir oba a'nogo oan wuti'lek logolik, o andi wutu kwelek 7 tahun nen hilingitukwa.

BILANGAN 13:28

A'nogo meneat he, it afuni o andoma welagaikharek mene inebe re, inomame hokho mene nek were'ma isogo. Nen inawi kota re, mondok hokhondek hilingi'mo re, helep pa'leget waganogo kwelabe'ma hogo. Nen, inebe inobakhe re, mondok hokhondek inoakhuse uandek mene nen tagongge mene were'ma isogoat.

ULANGAN 1:28

Arigini'mo re, nit he nenahalok o andoma logoin ogo? Ap niren o andoma lak fisogo mene omanogo nen aleik kwe lagaisogo ninailo asuageluk yaganisikhi logolik he, afuni o andoma werek mene re nit ninom he higitsek lego, it he inomame mondok hokho logolik, inalong-pinalong inap werego, nen inawi kota inebe welagaikharekwe andoma re inaleget mondok omamerogo wokhigik pogot higithogo liabe'ma re, it inebe ogo re mondok hokhondek inoakhuse yatek-patek were'ma isogo, iluk isukwama hiren he nit he nenahalok o andoma kwi logoin? iluk isigip.

ULANGAN 2:10

O Ar andire attak it ap Emim inap welagaukwaba. Nen it inobabut inom inebe hilingik aple inom he it ap Enak inap hakhogo logolik he, it inunggulenu hokho inoakhuse yatek-patek inap welagaukwa.

ULANGAN 2:11

It afuni Enak inap hakhogo it faget Refaim inap ikhi lagaikhaba nen he, it Moab inaben he Emim inap iluk salinarek welagaukwa.

ULANGAN 2:21

It afuni Enak inap hakhogo re it inoak yatek-patek, inebe hokhondek, inomame hokho mene logolik esa hokho mene welagaukwa oba nen he, At Tuhan nen it inebe leget fisasikhemo it afuni Amon mene nen kweang andi helasukwasik o andoma welagaukwa.

ULANGAN 3:11

(Hun raja Og andire it afuni Refaim mene omanogo wurep kobokhogo re hun andi welagaikhe. At ebe wa'lagaikhemo re ebe kwelafu mene peti re helep mene wurep uanhogo 4 meter en, nen elonggo wogologo re 2 meter ilirengge waleti logogun iluk werek meneba waletukwa. At ebe warek kwelafukwa mene andi re yogondak huli nen o Raba it afuni Amon mene inaiba andoma were'ma ineil hili'lagwi.)

ULANGAN 9:2

Nen, afuni inebe inobakhe mondok hokhondek mene re, inomame mondok hokho were'ma, afuni ekhe nen he, it andi weim inom yafi logolik mabenetfisogoin mondok elo'lego, iluk inabok ugunem hinesanggo lombok holhep anggigi.

YOSUA 11:22

It inunggulenu Enak inap andi menere ap misik ekhe ogo it Israel mene were'ma andoma welagaukwa mondok lek, we inebe miren hakhogo o Gazaba inom, Gat oba inom, Asdod oba inom welagaukwa.

YOSUA 15:14

At Enak andi ambisangma mene re ap Sesai inap inom, Ahiman inap inom, Talmai inap inom welagaukwa mene, at Kaleb en he it ap andoma mondogat o Hebron nen mugusogo wulak fisasikhe.

1 SAMUEL 17:7

Nen, arige hokho mene kabelogo enggat posiemanggen meneba merenghogo magongge enggin he 7 kilo mene waluk nugu kwelek, ap aselei mene nen Goliat wasinogo iluk at agot tentara mene ekhe nen e sabelek mene waluk attak-attak elokhoma nikhi lagaikhe.