2 SAMUEL 21:15 - Allah Wene Fano Wene Hupla Inane

¹⁵ It afuni Filistin mene inom Israel mene inom, omanogo weim nekhengge yafukwama, at Daud inom agoromi inom a'nogo it ap Filistin inap inom weim yabi lagaukwa. Yabi lagaukwama nen yafu kwelek a'nogo re at Daud a'nogo omame mondok lek agaikhesik oba lebelekhogo hilinglagaikhe.

2 SAMUEL 21:15 ပူးပေါင်းရင်းမြစ်များ

2 SAMUEL 21:16

A'nogo hilinglagaikhesik were'ma nen he, ap ekhe oagese uan agun enu re Yisbi-Benob andi wagaikhe. Arige re no perunggu helep hangge mene enggin he 3 kilo mene fisogongge a'nogo welagaikhe. Nen at andi nen enggarok he ket mene ouwa'ma kelik welagaikhe, nen at endawimo anggikhi logolik he, eberogoat at Daud he an nen wasigin iluk, anggasikhesik wagaikhe.

2 SAMUEL 5:17

Afuni ekhe nen he, ”Afuni Israel mene nen, Daud ebe it inoe raja logouwageluk menfaga,” iluk isukwama ap Filistin mene inesa-nggo holhukwasik he, Daud ebe fakfouwogoluk wagaukwama, at Daud esanggo holhikhesik he, ebe leget pa'leget wuri'mo omanogo lagaikhe.

2 SAMUEL 5:22

A'nogo hilingitukwasik, inenggi welagi'legat, it ap Filistin mene omanogo hobuk o Refaim tonggoma andoma wagaukwasik welagaukwaat.

2 SAMUEL 5:25

A'nogo yagatikhemo, at Daud en Allah nen yagatikhe higithogo hilingiti logolik, it ap Filistin mene omanogo o Geba nen inoarik-inoarik, huli o Gezer huli fisa lagaikhe.

2 SAMUEL 8:1

Enggi miren hakhogo welagaikhesigen he, at Daud a'nogo nen ap Filistin inap a'nogo inoasi lagaikhe. Inoasi lagaikhesik aren it inomame leget fisasikhesik he it mene inanggweang omanogo at helasikhe.

1 TAWARIKH 20:4

A'nogo hilingitukwasik oba nen welagaukwasigenat he hobuk weim a'nogo ap Filistin mene nen o Geser andoma nen erotukwa. Andi sambul he ap ekhe enu Sibkai awi Husa agun andi nen he ap hokho mene oakhuse mondok uan agun enu Sipai andi watikhe. A'nogo watikhemo re it Filistin mene inebikhit a'nogo maben agaukwa.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

MAZMUR 71:9

It naselei mene nen nabok palhu welagik, nen an nebe noasuogeluk inane seberogo mati logolik werek enggere, An nebe yaman agi halok he, neisena Haren hu'nea fugo, nen nomame mondogat legagi halok he an nebe oboget nea fugaro.

MAZMUR 73:26

An nebe inom, nendawinggen inom maben agirek meneat he, an nomame kwela'nafu mene re neisena Allah hebeat welagen o. Yi mene ti mene eise logou hak he, hat hebeat eise mondok-mondok asimbik logogin.

PENGKHOTBAH 12:3

Henggi leik leigenggetunem he hambuget ha mene ekhe logogin lek. Heisok omame logogin mene a'nogo omame legasimbik lebelek asigin. Nen haik he wuthogo hilingik le'ma nunggungge sagalure elo'lek aga logogin, heilenggen he mum asumo yethugu aplere mondogat mum hikhak ikhi logogin.