2 SAMUEL 21:12 - Allah Wene Fano Wene Hupla Inane

¹² at Daud en he hun Saul oak siling inom, Yonatan oak siling inom, omanogo afuni o kota Gilead meneba nen wani lagaikhe. (It afuni andoma nen he o kota Bet-San kweang wogole'ma nen it Filistin inaben at Saul Tom Gilboa oba nen omame lek hilingisogo fuluk, ap warek omanogo taganogo fesukwasik, ap inoak andoma hinatukwasik fisogo were'ma wani lagaukwa).

2 SAMUEL 21:12 ပူးပေါင်းရင်းမြစ်များ

2 SAMUEL 1:21

Hat tom Gilboa nen, an nane ikhi lagi mene yi hesanggo holin o: Meiso nen inom, henanggalugen inom hoasi wesi nogo. Heabukwe inom, hawi leikwe inom, mondogat iringisogo puk logouwak. O andoma re hun ilil-mulil en aselei mene inandok inoasi wesinogoluk ma'murogo laga lagaikhengge a'nogore andem salenggare'ma o. Nen hun Saul en tok ma'mungge a'nogo amusu warek le'ma ibeti logolik werek oba o.

2 SAMUEL 1:6

A'nogo heinok wokhasikhemo, aren he, ”Fano asuak an hamingmingengge o andi sambul he nebe tom Gilboa ba logolik neilenggen were'ma nen he, at Saul ebe arigeba timirogo were'ma, ap selei mene kereta ba inom, wam kuda oba inom, wagaikhasik fak fouwogeluk horogat wagaikha.

2 SAMUEL 2:4

A'nogo wagaukwasik were'ma, afuni Yehuda mene o Hebron wagaukwasik, at Daud ebe it inoe raja logouwagaluk menfesukwa. A'nogo menfesukwama afuni nen he, ”At Saul ebe warek a'nogo re afuni Yabesh mene o Gilead werek mene omanogo nen kweangma salha,” iluk isukwama esanggo holhikhesik he,

2 SAMUEL 21:11

A'nogo hilingitikhemo re at hele Rizpa nen hilignitikhe mene a'nogo at Daud oba yagasi lagaukwama,

2 SAMUEL 21:13

At Saul oak inom, Yonatan oak inom, omanogo andem en waluk wagaukwasik he it inebe 7 nen kelogo fisasukwa mene omanogo inoak inom misi'mo andogorogo fesukwa.

1 TAWARIKH 10:1

Afuni Israel mene inom it ap Filistin mene inom he o Gilboa tomkwe omanogo weim yafukwa. Andoma weim yafi logolik he, it Israel mene hokhorogo inoatukwama wa'lagaukwa, nen, fena re at raja Saul a'nogo inom at onggwarek againafuri omanogo inom he heise wilifukwa.

1 TAWARIKH 10:12

it ap inailo lek mene nek folhigik he at Saul ebe warek a'nogo inom, at amlogomi warek omanogo inom, woginabi lagaukwasik waluk he o Yabes wagaukwa. Wagaukwasik he iren andoma e hokho mene ekhe wulibik were'ma a'ma andoma salinafukwasik, it inebe fong watu inenggi sabiren sumburu heang fesukwasik welagaukwa.

1 TAWARIKH 10:8

Ohealekwe weirogo re it ap Filistin mene nen it Israel mene inebe warek omanogo helogoin iluk wagunemen he, at Saul inom amlogomi inebe henagan aremnogo inom o Gilboa tom oba andoma warek were'ma heraginafukwa.

YOSUA 17:11

Nen wilayah Asyer en mene inom, Isakhar en mene inom andomaba re kweang Manasye nen mene ogo welagaikheat. Kweang andoma re: Bet-Sean inom, Yibleam o sili-sili esanggokwe andoma inom. Nen ekhe o kota Dor i laut esanggoma welagaikhe mene andi inom, Taanakh inom, Megido o sili esanggokwe welagaikharek mene inom andoma.

1 SAMUEL 28:4

A'nogo were'ma nen, ap tentara Filistin mene ap Israel mene inoasuogoluk, inebe andogotukwasik, inawi tenda o kota Sunem horokhogo andoma wusi wagaukwa. A'nogo wusi wagaukwama, at Saul ogore, ap Israel mene andogerinafikhesik, inawi tenda Tom Gilboa oba andoma wutukwaat.

1 SAMUEL 31:1

A'nogo hilingitu kwelek, ap Filistin mene nen it Israel mene inoasuogeluk o Gilboa andoma wagaukwa. Wagaukwasik, inom weim yafi logolik, ap Israel mene inebe hokhorogoat andoma inoatukwa. A'nogo inoatu kwelek, it ap fena Saul againafuri inom heise poloksek wulifukwa.

1 SAMUEL 31:3

A'nogo inoarik waga logolik at Saul werekwe a'nogo re weim mondok inaninirogo inoarik waga logolik, at Saul ebe tok mondok fanoma watukwama enggin tung isikhe.

1 SAMUEL 31:4

A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.