2 SAMUEL 21:1 - Allah Wene Fano Wene Hupla Inane

¹ At Daud ebe raja logolik ferinarek were'ma andem he sumburu ouwak mondok elo'lekhogo lagasikhesik tahun henagan inukhogo welagaikhe. A'nogo hilingik were'ma re at Daud en he a'nogo agaikhe mene andi faget Tuhan nen yi'nogo ti'nogo yaganesuageluk kinotikhemo, At Tuhan nen ikhi logolik he, ”Sumburu ouwak lagaikhe andi erore at Saul inom at eisok erokwe mene inom weak hilingitaba o, iren he ap Gibeon mene mondogat inoata andi nen,” iluk yagatikhe.

2 SAMUEL 21:1 ပူးပေါင်းရင်းမြစ်များ

KEJADIAN 12:10

A'nogo wagaikhe meneat he, o Kanaan andoma sumburu mondok ouwak hokho mene lagasikhemo sik asumo nen wesigin iluk, o Mesir ap pok higit logoigeluk lagaikhe.

KEJADIAN 26:1

O andomaba attak hun Abraham logolik hilinglagaikhe a'nogo hakhogo nekhengge sumburu ouwak lagasikhemo, at Ishak en an o Gerar andoma logogin fano a, iluk hun Abimelekh raja Filistin mene andiba heinok wani lagaikhe.

KEJADIAN 41:57

A'nogo palhu were'ma, afuni o yi awi ti awi mondogat sumburu ouwak mondok weak agaikhe andi nen he, afuni o elima yoma mene mondogaren sumburu Yusuf oba onggo paluogeluk o Mesir kwikhi lagaukwa.

KEJADIAN 42:5

O Kanaan oba ogo sumburu ouwak hokho mene lagasikhemo at Yakub amlogomi inom afuni fena amu mene inom o Mesir gandum onggo pali wagaukwa.

KEJADIAN 43:1

Hun Yakub amlogomi inomen gandum o Mesir en waluk lagaukwa mene aremnogo nunggu were'ma mondogat legagaikhemo, o Kanaan oba sumburu ouwak huterogo inoatunem he at Yakub en at amlogomi omanogo yagaisikhi logolik, ”Nekhengge o Mesir hinambotkwe lambik nit faget gandum onggo pali lani,” iluk yagaisasikhe.

2 SAMUEL 16:8

Haren at Saul en ferinarek welagaikhe mene andi telogo wanhigindik, ap Saul oe agot inebe mondok hokhorogo inoatigin andi nen, nineisena Tuhan nen afuni haren ferinarek welagen mene andi hamlogo Absalom en ferinarek logouwagaluk arat wogetemo o. Ma re, yogondak hat arat nongagen o. I'hii! Afuni inoare mene yi. Nongagen,” iluk wenagetikhe.

2 SAMUEL 20:26

Nen imam o istana at onggwarek werek oba omanogo faget he ap Ira awi kota Yair mene menfesikhe.

2 SAMUEL 21:5

Iren onggo ikhi logolik he, ”At Saul Tuhan nen wenagaisogo raja menfesikhe mene a'nogo nen he, nit mondogat leget ninobagaigeluk hilingninafi lagama re, afuni Israel meneba nen he nit mondogat legarik logoin anggikhi lago o.

2 SAMUEL 24:1

Tuhan nen it afuni Israel mene inoba a'mage lagakhi lagaikhesik, it inunggulenu andi mene inoba enggin mene lakfei wesigiluk at Daud a'nogo konogo hakhogo hilingitikhesik, At Tuhan nen wene at Daud oba yagati logolik he, ”It afuni Israel mene were'ma inom, Yehuda mene were'ma inom, inenu lisu palogo wenaginabin o,” iluk yagatikhe.

2 SAMUEL 5:19

Werek kwelek, at Daud en eisena Tuhan oba mel yagatikhe: ”An nen ap Filistin mene andi inoasi lagain anggegen a? Haren he, an nen it inoasuagaluk nenggiba fagain a? Lega,” iluk heinok wokhasikhemo, Aren he, ”Inoasi lan o. An nen it inebe henggiba fagain o,” iluk yagatikhe.

2 SAMUEL 5:23

A'nogo werek kwelek, at Daud eisena Tuhan nen, ”Yi'nogo hilingi'no,” iluk yagasuageluk heinok wokhasikhemo, At Tuhan nen he, ”Hat hebe yikwe nen inoasi lagun o. We, hebe inambotkwe higit kwanirogo lambik, e malibet hangge mene eroma andoma horokhogo lambik kwe andi kwe nen inoasi kwino o.

1RAJA-RAJA 17:1

A'nogo hilinglagaikhe andem sambul he, ap ekhe Allah ane yagaisikhi lagaikhe mene enu Elia, aiba Gilead mene, o kota enu Tisbe andi welagaikhe. Logolik, inenggi ekhe sambul he, at Elia andi ap raja Ahab oba lagaikhesik mel yagatikhe: ”Nit afuni Israel mene nineisena Tuhan Allah eluk mondok welagarek mene, an nen At obaget hilingitirek mene a'nogo oak. Hobuk tahun pire hea? henagan hea, logogun andem oba re, lilengge engga bene ekhe welagik, o meiso endebat halok ekhe ninggik, igin mondok lego. We, an nen lilengge hea, moiso hea, wesuak igin halok enek he, wesigin o,” iluk yagatikhe.

1RAJA-RAJA 18:2

A'nogo yagatikhemo, at Elia wagaikhe. Andem sambul he, o Samaria sumburu ouwak hokho mene were'ma wagaikhe.

2 RAJA-RAJA 6:25

O a'nogo labetukwa andi nen, o andoma sumburu ouwak mondok hokhorogo agaikhemo, wam keledai ungguloak onggo uang perak mene 80 nen fikhi lagaukwa. Nen, sue pel al onggo uang perak mene 5 nen fikhi lagaukwa.

2 RAJA-RAJA 8:1

Linggene ekheba re, Tuhan en sumburu ouwak afuni Israel mene were'ma lakfei wagaikhemo ouwak mondok werek kwelek enek he tahun sabiren hilingitukwa. Sumburu ouwak andi oan agi'lek werek kwelek at Elisa nen he Sunem mene eak wa'lagaikhemo nen eluget fesikhe mene a'nogoba hilinglasigin iluk andi re yagatikheat. Nen, at Elisa nen he, ”A'nogo hilinglasigin enggere hat he heisok erokwe mene hinom o ekhema lambik pok mene higit o ekhe heragaisogo logoino o,” iluk yagatikheat.

AYUB 10:2

Neisena Allah, Haren an weagerogo nobagau fuk. At he ero yi faget hat ninom weim palek logolik hilinghafi lagi iluk weinamhogo yaganom.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

IMAMAT 26:26

An nen hit nunggu mene lek hilingisogo foumo re, it hemi inebe 10 mene nen roti it inoba werek mene aremnogo nek obuluk misi'mo werati logogin. Werakfuluk higithogo sumburogo ninggi logogun oba nen he nekhengge nele aga logogin.

BILANGAN 27:21

Wogetunem he, at Eleazar en An namolo mene elu asigeluk inendawi wenggelagarek mene enu Urim inom Tumim inom wanimbik he, An heinok wo'niikhi logouwak. Heinok a'nogo wo'niugunem he, An nen yagasigin mene, at Eleazar en Yosua inom, afuni Israel mene mondogat inom, yi wene ti wene higithogo hilingisuageluk yagaisikhi logogun o,” iluk yagatikhe.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

YOSUA 9:20

Niren wene mondogat watoma re inebe pinggi inoasuok lek, andi nen wene wato mene andi taganet foumo Allah nen nit wene ninoba feinogo.

RUT 1:1

O attagat he, afuni Israel mene inoe raja ekhe menlagi'lek werek kwelek, inogogwi kaindek en ferinarek welagaukwa. A'nogo ferinarek were'ma, afuni Israel mene inaiba Kanaan yi awi ti awi andoma mondogat sumburu ouwak hokho mene lagasikhe. Andem sambul he, ap ekhe unggulenu Efrata mene enu Elimelekh o wilayah Yehuda ba kota Betlehem andoma welagaikhe. A'nogo were'ma, sumburu ouwak agaikhe andi nen, at ebe inom, agwe Naomi inom, amlogomi inebe pire, Mahlon, Kilyon inom, Moab mene inaiba lagaukwa. Lagaukwasik a'lima were'ma,

1 SAMUEL 10:22

A'nogo legen he, it afuni omanogo nen nineisena Tuhan mel yagatukwa: ”Nineisena, ap Haren wenaten mene andi ebe yoma werega? Lega,” iluk heinok wokhasukwama aren he, ”At Saul ebere sunggwe andogorogo fegep oba ambotma andoma hinago werek a'naga o,” iluk yagaisasikhe.

1 SAMUEL 23:11

Wene a'nogo ugunem holhigi mene andi re eberogo a? Neisena, Tuhan Allah afuni Israel mene ineisena nen an yaganom o,” iluk samban isikhe. A'nogo samban isikhemo Tuhan nen onggo yagati logolik he, ”Eberogo, at Saul ebe wesigiluk ili'lago o,” iluk yagatikhe. A'nogo yagatikhemo at Daud en ekhe inom heinok wokhikhi logolik he, ”It afuni o kota Kehila yoma mene nen he an inom an nagoromi inom he, at Saul enggim wogosugun a? Lega. Iluk heinok wokhasikhemo At Tuhan nen ikhi logolik he, ”Io, iren he hat hebe waganogo at enggiba fogoin o,” iluk yagatikhe.

1 SAMUEL 23:2

aren Tuhan heinok wokhikhi logolik he, ”An nen it afuni Filistin mene andi inoasi lagain fano a, lega?” iluk heinok wokhasikhemo, At Tuhan nen onggo yagati logolik he, ”Fano, haren it inoasi laga logolik he it afuni Kehila mene andi telinabi lan o,” iluk yagatikhe.

1 SAMUEL 23:4

Andiba re at Daud en ekhe inom Tuhan nen yi'nogo hilingisin iluk yaganesuageluk he kinotikhemo, At Tuhan nen onggo yagati logolik he, ”Hendawinggen fitun o, it Filisitin inap sikhe fisogo mene andoma re An nen hat henggiba fagain enggere o kota Kehila andi kwi lambik inoasi lan o,” iluk yagatikhe.