2 SAMUEL 20:21 - Allah Wene Fano Wene Hupla Inane

²¹ Wene andi niren wenggelho mene re lek oba nen he, nit he ap misik ekhe enu Seba hun Bikri amlogo, awi o Efraim tom oba mene andi nen, at raja Daud a'nogo inom weim palek logolik weak-bekahogo hilingfisugu weregen herarik wagosi'mo re, at andi werek halok he an nenggim foumo o kota yi herakfuluk nambotkwe naiba lagain o,” iluk isikhe. A'nogo yagatikhemo at he a'nogo nen ikhi logolik he, ”Ap andi unggul palek he niren leget fak waganek ariba nen hukhesi wesugun o,” iluk yagatikhe.

2 SAMUEL 20:21 ပူးပေါင်းရင်းမြစ်များ

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

2 SAMUEL 20:2

A'nogo humetunem it afuni Israel mene omanogo nen at Daud a'nogo herakfuluk he at Seba ombo'ne lagaukwa. Oba nen it Yehuda inap enek he at Daud oba tipsek logolik i Yordan ima nen waga lagaukwasik pikhit o Yerusalem kwi wagaukwa.

2 SAMUEL 20:20

A'nogo yagatikhemo re at Yoab en ikhi logolik he, ”We ibi-eberogo nen he mondok lego! An nen hit hinawi kota ari weaget figik, wolelenggen hogo figik igin iluk he eberogo nen anggigi lego!

2 SAMUEL 23:18

Nen, it ap inebe 30 nen it sikhe fisogo mene inogogwi perwira aremnogo inunggulenu re, ”Esa 30” nen andem salinarek welagaukwa. It andi inebe re at Abisai Yoab agot hun Seruya amlogo a'nogo inoe kain logolik melalinafi lagaikhe. Aren he arige kabelek oba re ap inebe 300 nen inoatikhe. Andiba re at afuni nen legeisogo fogetfikhi lagaukwa. Oba nen he at he it inenu, ”Esa Henagan” ikhi lagaukwa mene andi nen inomamerek welagaukwa andi hak he, hilingik welagaikhe lek.

1RAJA-RAJA 11:26

”Salomo raja logogin lek. An logogin,” iluk ap ekhe at agoromi mene nenat ikhi lagaikhe andi, enu re, Yerobeam. Athe, ap Nebat aiba Efrayim mene re o enu Zereda andi mene amlogo. Agaisa re, agun nen souge fesikhemo welagaikhe mene enu Serua andi.

2 RAJA-RAJA 10:7

Nen, iren at Yehu nen lisu palhikhe mene a'nogo wanhukwasik iren hun Ahab againafuri inom, togongge mene inom inebe 70 nen aremnogo inoatukwasik, it inunggul palek omanogo re si ugu mene elema kwelagaisogo hun Yehu oba o Yizreel were'ma lakfesukwa.

2 RAJA-RAJA 5:22

aren he, ”Eige, noe. Ap Allah ane yagaisagarek mene inebe pire o Efrayim tom oba andoma nen yogondak yaat wagaikhama o. A'nogo wagaikhama nen haren uang perak mene tiga ribu nen inom, nen su mondogat waluk wagen mene fano mene halok ebe pire halok inom, wo'netunem he, ap andi faget wogisa loageluk hat kino yagahesuageluk an noe nen laknobagai wagama wagi o, noe,” iluk yagatikhe.

YEREMIA 4:15

O kota Dan oba nen inom punu Efraim oba nen inom ap yonggo wene weak mene waluk wagaikha o.

YEREMIA 50:19

An nen he afuni Israel mene it inonggwarek inanggweangma nekhengge fisa lagain. It he kweang tomkwe o Karmel inom, Basan inom andomaba nen enggen ugu ninggi logogun. Nen kweang o Efraim inom, Gilead inom oba nen enggen ugu mene andoma nen he it inoba homot fisikhi logogin.

YOSUA 24:33

Nen, hobuk at Harun amlogo enu Eleazar ebe wa'lagaikheat. Wa'lagaikhemo o kota enu Gibea, o afuni inunggulenu Efraim mene inaiba tom oba andoma salhukwa. o kota andi, ap Eleazar amlogo Pinehas wogetukwa meneba andoma salhukwa andi.

HAKIM–HAKIM 2:9

A'nogo wa'lagaikhemo at ebe warek he, at onggwarek anggweangma o enu Timnat-Serah afuni inunggulenu Efraim mene inandom oba punu enu Gaas abel elikwe i elesi fikhit andoma salhukwa.

HAKIM–HAKIM 7:24

A'nogo mugisikhi logolik, at Gideon nen ap Israel mene o Efraim tomkwe ekhema-ekhema mondogat welagaikharek mene inoba weim yonggo yi'nogo lakfisasikheat: ”Ap Midian mene andi inoasuogen he, hinebe pi wisimbik, kwe elugunkwe, i Yordan inom, i endep-endepkwe mondogat inom, huli o Bet-Bara yatmaat andoma kagalek hinenggi fago logobagaigen weak-weak pi we'no o. A'nogo were'ma, ap Midian mene ekhe ineluk wulibinogo iluk kagalek logoino o,” iluk weim yonggo lakfisasikheat. A'nogo lakfisasikhemo lagaukwasik, yagaisasukwama re, ap Efraim mene nen he, yonggo fesukwasik, esa logalogo re, kwe elugunkwe i Yordan ima inom, i mage-magengge mene mondogat inom, sebelik-sebelik huli o Bet-Bara yatmaat andoma inenggi fago welagaukwa.

HAKIM–HAKIM 9:55

It ap Israel mene nen kwelakhasukwa re, ap Abimelekh a'nogo mondogat wa'lagaikhemo hasukwasik he, it inebe mondogat inaiba lagaukwa.

1 SAMUEL 24:6

A'nogo tiliphogo wanhikheba nen, hobugen at Daud endawimo nen he eige an nen a'nogo hilingiti andi re weagat hilingiti o, iluk anggasikhe.

1 SAMUEL 26:9

Oba nen he Daud en ikhi logolik, ”Haren at oba yi'nogo ti'nogo ekhe hilingfou fuk! Afuni nen ap raja Tuhan nen wenagaisogo menfikhe meneba weak mene hilingfisugu halok he Tuhan nen unggum wogisikherek enggere.