2 SAMUEL 20:15 - Allah Wene Fano Wene Hupla Inane

¹⁵ At Yoab agoromi nen holhasukwa re, at Seba a'nogo andoma werek ugunem holhukwasik he iren o kota a'nogo hukhogo kwelabi lagaukwa. Lagaukwasik iren he o kota leget pa'leget abel endakwe haningisogo omanogo kweang kabogerik lagasukwasik he, leget fak waganek a'nogo sunukhogo pelabugun iluk he kweang a'makwe habulik kwisukwa.

2 SAMUEL 20:15 ပူးပေါင်းရင်းမြစ်များ

2 SAMUEL 20:14

Nen, at Seba re it afuni inunggulenu Israel mene werekwe omanogo mondogat ya kwigik ta kwigik lagaikhesik he o Abel-Bet-Maakha asi lagunem it hun Bikri unggulenu mene omanogo re mondogat inom lagaukwa.

1RAJA-RAJA 15:20

A'nogo lak fesikhemo re at Benhadad en raja Asa nen kino isikhe mene andi faget fano anggasikhesik aren he ap agoromi sikhe fisogo inap inom inogogwi melalinafu mene perwira inom he, it afuni Israel mene inawi kota ba omanogo weim sineli loageluk miminginafikhe. A'nogo miminginafikhe mo iren he o Iyon inom, Dan inom, Abel-Bet-Maakha inom, o Kinerot i Galilea yenggelek mene era'lukwe a'nogo inom, it ap Naftali inaben inawi wilayah mondogat inom sebelhukwa.

2 RAJA-RAJA 15:29

At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.

2 RAJA-RAJA 19:32

At Tuhan nen afuni Asyur mene inoe raja faget ikhe mene wene ebe yi: Afuni Asyur mene inoe raja andi, o kota Yerusalem yoma kwi wesigin legat. Nen andok Yerusalem higithogo pisinghogo lakfei wesigin legaro. Nen at agoromi sing ugu laberek mene o kota Yerusalem horokhogo yoma wagik, o kwe yagarogo hinoasi kwi wesuogeluk kwe pelatik, ugun mondok lego.

PENGKHOTBAH 9:14

O kota misik ekhe afuni we endebengge were'ma, inenggi ekhe sambul he ap raja omame hokho mene ekhe o kota andi inoasi kwigin iluk wagaikhe. Wagaikhesik he aren o kota a'nogo walinget hikhi logolik leget fak waganek mene meisalogo kwigin iluk fikfougeti lagaikhe.

YESAYA 37:33

Nen, Tuhan nen raja Asyur mene faget ikhe mene re yi: Aren he o Yerusalem kwi wagik, o kota andiba tok pisinghogo kwelabi wagik igin lego. Ap sikhe fisogo inap tok kwepalengge senegeisogo re o kota andi horokhogo andoma ekhe asi wesugun mondok legat, nen o andi haningisogo andoma re aben maserogo kwelaginabi wagukwe obalik ekhe wurik logogin legaro.

YEREMIA 32:24

Ap Babel inaben he o kota sebeli kugun iluk leget pa'leget maserogo wanhasik he yogondak it pin kwili'lagwi. Weim en inom, sumburu ouwagen inom, ou amben weak meneba nen inom inoba foumo inomame legasumo re o kota yi it inenggiba asigiluk werek. Haren hane egen mene omanogo mondogat tiphogo nek hilinglarik lagunem yogondak Hat heilenggen enegat hikhi lagen andi o, neisena.

YEREMIA 33:4

O raja Yehuda mene ebe were'ma inom o Yerusalem oba wurik mene inom he ap selei mene nen kwi wagu mene a'nogo omamerogoluk he mondogat meisalogo lakfaga. Oba nen An Tuhan, Allah Israel en ikhi logolik,

YEREMIA 6:6

At Tuhan Omame Mondok Hokho mene a'nogo nen ap inenu werek welagaikharek inap omanogo nen e mutik, o Yerusalem pin kugun kwe e mugusogo kweang punurogo filik lagagik, hilingisuageluk inyonggo fikhe. Nen Tuhan ane ikhi logolik he, ”kota yi elonggoma andoma nen afuni mondok sebelogo fisikhi laga andiba re An nen unggum wogosigin o.

YEHEZKIEL 4:2

A'nogo hilingfuluk he kota andi aben haningisogo kwelabi wesugun mene inom, i kalok esanggokwe habulugun mene inom, kweang kabogerik lagagun mene inom, it inawi tenda wusugun mene inom, o pa'leget waganek mene andi maserogo andoma hou salfembik kuogeluk fik-fouk esugun mene inom, mondogat ilirenggerogo feino.

LUKAS 19:43

Allah nen fanothinabigeluk hinoba waga meneat he, hit futfigi'lek welagep andi nen, hit hobuk hinaiba nen heise wulibi lanogo iluk he, hinaselei mene nen leget walingisogo waganogo hinobagambik he, fena-fena nen petet hinobagaluk horok-horok kwi wesugun o. Kwi wesimbik he, hinawi helep meneba ambolma a'ma wurik andoma ekhe obali'mo wurik herakfigi'lek meisalhi logolik hinebe mondok felelenghogo hinagainafuri hinom wulil tagalogoat hinoasugun o,” iluk inobaget le agaikhe.