2 SAMUEL 20:13 - Allah Wene Fano Wene Hupla Inane

¹³ Ap warek a'nogo ebekhalem en lisogo wulakfesukwama nek he, afuni mondogat omanogo re inanggwe pikhit louwogeluk laga logolik he at Seba a'nogo murok lagaukwa.

2 SAMUEL 20:13 ပူးပေါင်းရင်းမြစ်များ

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

2 SAMUEL 20:11

A'nogo wa'lagaikhemo at Yoab agot ekhe at Amasa warek a'nogo era'lu andoma mendek welagaikhengge a'nogo ane kweti logolik, ”Ap sa nen at Yoab ogo Daud ogo inebikhit asigin anggikhe halok he, Yoab ombo'ne logoin o!” iluk isikhe.

2 SAMUEL 20:14

Nen, at Seba re it afuni inunggulenu Israel mene werekwe omanogo mondogat ya kwigik ta kwigik lagaikhesik he o Abel-Bet-Maakha asi lagunem it hun Bikri unggulenu mene omanogo re mondogat inom lagaukwa.

2 RAJA-RAJA 18:17

A'nogo lakfisasikhe meneat he, afuni Asyur mene inoe raja Sanherip a'nogo o Lakhis logolik at agoromi tentara esa misik hokho mene logalogo fisasikhesik afuni o Yerusalem mene inoasi wesuageluk lakfisa wagaikhe. Ap tentara esa hokho logalek wagaukwa mene andi re, inogogwi kaindek perwira inebe henagan mene nen woginarek wagaukwa. It andem at ekhe re, tentara inoe panglima mene, nen ekhe re, it kaindek inagai wogisikhi lagaukwa mene inoe, nen ekhe re, raja faget kagalek nikhi lagaukwa mene inoe. It andemen woginarek o kota Yerusalem arat wagaukwasik, inebe i mogo ponggwe higit habuli'mo nen anggwe halogo lakfei wagaukwaba era'lu leimo su sobalhi lagaukwaba andoma welagaukwa.

AMSAL 16:17

Ap higithogo hilingiterek mene re weak mene agaiseraterek, ap ineluk werek mene faget fut fikherek mene andi re at ebe eluk a'nogo halogo fakhikherek.

YESAYA 36:2

Andi mondogat hilingfesikhesik at ebe o Lakhis logolik he ap sikhe fisogo inap perwira lego mene agoromi tentara esa hokhorogo inom o Lakhis nen o Yerusalem raja Hizkia an na'ma asuagen yagasi lani o iluk lakfisa wagaikhe. Lakfisa wagaikhesik he, it inebe o Penatu yabumo yo eil munenogo wulatarek oba i elesimo mogo yenggele'ma nen wulibisogo lagarek oba horokhogo andoma wagaukwa.

YESAYA 62:10

Afuni Yerusalem mene re kwe sou ambe palekwe omanogo nen wulifi logoni o, afuni sugulogo wagu mene omanogo faget ebekwe yak fisikhi logoni. Ebekwe hokho mene ya'luk he helep wokhigik endakwe wulakfisaluk, inunggulenu ekhe mene ekhe mene omanogo inobaget bendera kelogo liakfilik lani o.

YESAYA 7:3

A'nogo hilingitukwama Tuhan nen Yesaya ba ikhi logolik, ”Hat hebe inom, hamlogo Syear Yasyub inom he raja Ahas ebe ebekwe i mogo yenggelek oba angwe halogo kwelabe'ma nen ambol fikhit su eil munenhigik kwaterek oba andem werek a'naga hinom ambiasubagaigen lan o.

YEREMIA 31:21

Ebekhe kwe enegenggerogo hilingfilik laluk he kwebene eilmo fanorogo alilingge wokhigik menerik lano. Nen o attak hat kwe laga-lagagin kwe a'nogo hera'no. Yago hat Israel he haiba eme o. Hawi kota eroma attak welagagin oba a'nogo eme o.

BILANGAN 20:19

A'nogo yagaisasukwama, it afuni Israel mene nen he, ”Nit he, kwe ebekwe hokho kwe yiba pikhithogo wesuogeluk ogo o. Waga logolik, ninebe inom, ninanggo inom, hit hinagai ekhe nunggu halok he, onggo wokhisogoin o, noe,” iluk yagaisasukwa.

MARKUS 10:46

At Yesus ebe inom, agoromi ane wanhi lagaukwa mene omanogo inom, wene a'nogo ilik pisukwa-pisukwa re, o Yeriko sili lekwe nen enda'ma wulifunem he afuni fena inebe hokhorogoat inombo'ne wulifukwa. Wulifunem, ap Timeus amlogo enu Bartimeus eilenggen mum mene yi mene ti mene ambe kino weak ikhi lagaikhe mene andi ebekhalem hurek were'ma wulifukwa.

HAKIM–HAKIM 21:19

Andi isukwama iren ikhi logolik, ”Kwe misik werek mene re, Tuhan faget o Silo tahun hundik-handik kabogetu mene a'nogoba nen hilingisu hago,” isukwasik he, iren ikhi logolik (o Silo ari nen abel ambol fikhit he o kota Betel andi werek, nen mo ubuk ikherek fikhit he kwe o Betel mene nen o Sikhem lagaikharek mene werek, nen abel ambol kwe utara fikhit he o kota Lebona werek.)

1 SAMUEL 6:12

A'nogo isukwama, wam sapi aremnogo o Bet-Semes kwe nen pikhit mondok wagaikhe. A'nogo waga logolik, kwe hokho meneba nen abel fena-fena kwigi'lek pikhit ane ilik wagaikhe. A'nogo wagunem, afuni Filistin mene inogogwi raja inebe 5 nen aremnogo hobuk ombo'ne laga lagaukwasik, o Bet-Semes huli-hulimo andoma lagaukwa.