2 SAMUEL 20:1 - Allah Wene Fano Wene Hupla Inane

¹ O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

2 SAMUEL 20:1 ပူးပေါင်းရင်းမြစ်များ

KEJADIAN 46:21

Benyamin againafuri re: Bela inom, Bekher inom, Asybel inom, Gera inom, Namaan inom, Ehi inom, Ros inom, Mupim inom, Hupim inom, Ared inom, taginafikhe.

2 SAMUEL 15:10

A'nogo meneat he, at ebe oan lagi'lek logolik, ap ekhe inayonggo fesikhesik lakfisikhi logolik, ”Hiren afuni Israel mene inunggulenu lombok mondogat mel yagaisilik lano: Pinggong hokho a'nogo mene ane pak ikhe halok he, hiren he, o Hebron andoma Absalom nit afuni Israel mene ninoe raja hilinglaga o, iluk hinane hokhorogo ino o, iluk yagaisilik lano o,” iluk wene warogo lakfisasikhe.

2 SAMUEL 16:11

A'nogo yagaisasikhesik, hobuk at Abisai inom, at Daud agoromi mondogat inom, yi'nogo yagaisasikhe: ”An namlogo nonggwaregen tati mene ogore, nebe noasigiluk walhili'lago andi. Nen, ap Benyamin mene yi hunogo meneat hilingi'mo re, u hagat yaganeri'logo o. At nineisena Tuhan nenat, yi'nogo ino, iluk yagatemo nen ili'lago logou hak. Halok, at oba yi'nogo ti'nogo ekhe hilingitubo. We, aren homan nobagauwageluk herakfisani.

2 SAMUEL 16:7

A'nogo fugerisilik waga logolik, Daud oba homan yi'nogo fesikhe: ”Hobabut mondok weak, afuni inoare mene yi ri, yoma logogin mondok lek, helalan-helalan o.

2 SAMUEL 18:17

A'nogo kamo isukwasik, at Absalom ebe warek a'nogo o leimo andoma kiling uan mene elema pelakfesukwasik, helep hokhondek meneba sibik-sebekhogo ambe hetokhogo helep som kololokhogo liakfesukwasik. Nen, it ap tentara Israel mene omanogo weim heise pikhit inailokwe lombok pugulhukwa.

2 SAMUEL 20:2

A'nogo humetunem it afuni Israel mene omanogo nen at Daud a'nogo herakfuluk he at Seba ombo'ne lagaukwa. Oba nen it Yehuda inap enek he at Daud oba tipsek logolik i Yordan ima nen waga lagaukwasik pikhit o Yerusalem kwi wagaukwa.

2 SAMUEL 20:22

A'nogo yagatikhesik at he a'nogo inom, ap inawenggelek mene omanogo inom he lagaukwasik, at Yoab endawimo anggasikhe mene a'nogo yagaisa lagaukwama re, at Seba unggul a'nogo tegetukwasik he at Yoab ambit hugesi wagaukwama, Yoab en trompet ane futhasikhemo, it agoromi omanogo o kota a'nogo herakfisaluk he inawi lombok pugulhukwa. Nen, at Yoab ogore o Yerusalem raja ba yagasi lagain iluk lagaikhe.

2 SAMUEL 23:6

A'nogo meneat he, it afuni ekhe nineisena Tuhan ane hologo hilingiri'lagwi lek mene andi re, alok-alogengge woukhogo lakfisagarek mene hangge hilingi'mo re, afuni inenggi nen senesu mo re, mondok elo'lek,

1RAJA-RAJA 12:16

At raja a'nogo inane holu abiren herakfisasikhe andi nen he, it inane hokhorogo mel isukwa: ”At Daud ebe inom, aren tagomangge mene inom, inebe nit ninoe raja logogun he, mondok ninabiro. Iren nit faget yi mene ti mene hilingnisikhi lagaikha nogo? Mondok lego. Andi nen he, at Rehabeam onggwarek faget hilingirikhi logouwagen he, hit ap Israel mene yi sani! Ninambotkwe louwogen he, we'ni o,” iluk isukwasik inambotkwe inaiba lagaukwa.

1RAJA-RAJA 21:10

A'nogo yagasimbik he, ap inebe pire inobabut mondok weak mene at Nabot elokhoma hu'lasimbik, enggali warogo wene oba fikhi logolik, mel yagasuak: Haren Allah inom, raja Ahab inom, inenu weak hilingisogo fisegen andi, mondok weak hilingiten o, iluk o kota leget pa'leget abel endakwe waluk wulibi lambik, ebe helep oba fukhogo mondok pinggi wasuagen yagaisano o,” iluk lisu palogo lakfesikhe.

2 TAWARIKH 10:16

It afuni Israel mene omanogo nen kwelakhasukwa re, it afuni nen hilingitu mene omanogo at raja nen esanggo hohi'lek obakhenigik hilingitunem hasukwasik he, iren inane ami'mit sup ikhi logolik, ”Eiga! Hit afuni Israel hinap ari re nenahalok hun ari ane mungurik kwikhi lageba? Herak fisaluk ninaiba louwogen we'ni a! At Daud inom, aren tagomangge mene inom oma nen he nit ninobaget ninggi'nogo mene ekhe hilingninafama? At Rehabeam andi re onggwaregen hilingirikhi logouwakhogo herakfisani o!” iluk a'mit lagakhi lagaukwa. A'nogo hilingitukwsik he it afuni Israel mene a'nogo inaiba lagaukwama re,

2 TAWARIKH 10:6

It a'nogo pugulhu kwelek he it ap hokho inap attak at eisena Salomo wene komo wene yagati logouwageluk welagaukwa mene omanogo yagaisikhi logolik he, ”Ap andoma inoba an nen onggo ninggi'nogo yagaisigi aplerek?” iluk isikhesik he, ”An noba ninggi'nogo hilingisin iluk yaganesugun?” iluk heinok wogisasikhe.

MAZMUR 17:13

Neisena Tuhan, Hat hebe feisakhogo menla'luk he, an naselei mene oma hinom wal-wal iluk it inomame legetfisikhi logoino o. It afuni weak hilingitarek mene andi nen an noasuogeluk wagunem andi, Hat henggarok oba an nagap telogo nobagakhi logoino.

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

AMSAL 25:8

Hiren wene ferekhogo aremnogo waluk wene higithogo palharek oba andoma la fuk. A'nogo hilingisumo nen he hat hane heranen wene ugunem herakhobagambik he ninggi'nogo hilingisu hak nogo?

AMSAL 26:21

Endu enggen inom e inomen seberogo hilingi'mo endu amulok lagaikherek andi hak he, ap yei wene nek agarek mene andi re inendawimo ina'mage kwelafarek.

MARKUS 3:24

Nen, ap kain enupogot misigat mene agoromi awe a'ma ferinarek welagarek mene it-it hulit fakhaluk weak logogun halok, misigat lambulogo logolik inomame welagaukwa hak logogun lek. Maben asugun o.

LUKAS 19:14

Lagu kwelek he, it oe agot omanogo ap andi inabiren he, wene palhukwasik, at ap andi ninoe kain enupogot logogin he, ninabit, iluk yagaisa lano, iluk, yonggo ombo'ne lakfisasukwa.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

YOHANES 13:8

at Petrus nen he, mel yagatikhe: ”Noe. Haren an neisok ebene sobalnabigin mondok lego,” iluk yagati lagaikhemo, at Yesus nen he, mel yagatikhe: ”An nen hat sobalhabigin lek halok he, hat hebe an eisewerek logogin lego,” iluk yagati lagaikhemo,

ULANGAN 13:13

afuni hit hinunggulenu mene kwanirogo hilingitarek mene omanogo nen, afuni o kota werek mene omanogo inoba allah amu mene ap-ap hilingisogo fuluk fogeratarek mene omanogo hiren ogo mondok hinonggorat mene a'nogo oba fogerasuageluk yagahisogoin aro.

HAKIM–HAKIM 19:22

A'nogo hilingiti logolik inagaiyekhogo werek kwelek he, ferekhogo aremnogo ap inobabut weak mene o kota andi mene nen o a'nogo labesi lagaukwasik iren kwe sou henambik telhi logolik he ap yaman mene a'nogoba re, ”Ap haren hondoginarek haiba fisa wagen mene andi niren hilingisuogen he nit wo'nisan o,” isukwa.

HAKIM–HAKIM 3:27

At a'nogo it Efraim mene inandom kwe nen omanogo asi lagaikhesik weak-weak he, ap Israel mene weim yabi wesuageluk trompet futhasikhe. It a'nogo wagaukwama re aren it hondoginapluk o tom oba omanogo nen pi wagaukwa.

RUT 2:3

Andi yagatikhemo, at he Rut a'nogo afuni ekhe mene ineabumo lagain ha'ma nen he, ap Boas eabumoat lagaikhesik, afuni jelai enggen palik lagunem inombo'ne laga logolik andogorik lagaikhe.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 2:12

A'nogo hilingitu kwelek, ap Eli againafuri inobabut mondok weak logolik, Tuhan agaugwerati'lek hilingiti lagaukwa

1 SAMUEL 30:22

Oba nen he, at Daud agoromi ap inom lagaukwa mene omanogo inanggele'ma re fena inobabut haferek logolik he, an namu nangge nek anggugu mene lagaukwa. It ariginik mene omanogo nen ikhi logolik he, ”It ap yoma re ninom lagi'lek enggere yi mene ti mene telho mene omanogore it ekhe helogoin lek. We it he, it inagagwi inom, inagainafuri inom enek helaluk logoin fano,” iluk isukwa.