2 SAMUEL 2:9 - Allah Wene Fano Wene Hupla Inane

⁹ Andoma nen at Abner en he, Isyboset a'nogo o wilayah Gilead inom, Asyuri inom, Yizreel inom, Efraim inom, Benyamin inom andi nen it afuni Israel mene mondogat faget inom, inoe raja logouwageluk menfesukwa.

2 SAMUEL 2:9 ပူးပေါင်းရင်းမြစ်များ

KEJADIAN 30:13

A'nogo tatikhemo, at he Lea nen he, mel isikhe: ”Hemi mondogaren he, He Lea endawimo agaiyek hakhoago, iluk yaganesugun andi nen he, an nendawimo nagaiyek anggikhi lagi o,” iluk isikhesik, omalik andi enu Asyer salhikhe.

2 SAMUEL 2:10

At Isyboset ebe umur 40 tahun hilingik kwelek raja menfesukwama, aren tahun pire melalinafu welagaikhe. Oba nen he it inunggulenu Yehuda mene re at Daud oba lombokhogo logolik, ane hologo hilingiti lagaukwa,

2 SAMUEL 3:6

Weim it Daud ebikhit mene inom, Saul ebikhit mene inom omanogo re yafu mondok were'ma, at Abner en weim yafi lagaikhekwe a'nogo it Saul ebikhit mene a'nogoba inomame asuageluk hilingiti lagaikhe.

MAZMUR 108:8

At Allah ebe werek oba mondok fano hore'ma omanogo nen ane ikhi logolik he, ”An he nagaiyegen foget fakhikhi logolik kweang o Sikhem kweang oba omanogo sumbusigin o. Nen, o Sukot fanggong ele andi re ilirengge walesigin o.

YOSUA 16:5

Ombo'ne yi re kweang omanogo unggulenu Efraim mene ineisok erokwe lombok hulithigik wogisasikhe mene. Fena timur fikhiren kweang iren mene huli-huli re, Atarot-Adar en hiling-hiling laga lagasik o Bet-Horon-Hulu fikhit andoma.

YOSUA 16:8

Abel fena barat fikhit Efraim mene faget huli-huli re, o Tapuah nen laga-laga i endep mene Kana ima nen he, huli-huli re i Laut Tengah andoma hulirek. Andi re kweang it inunggulenu Efraim mene inanggweang asuageluk inebe ineisok erokwe lombok sumburisasikhe mene re,

YOSUA 16:9

o kota endep mene inom, o sili wilayah Manasye mene inanggelekwe welagaukwa mene inom andoma.

YOSUA 17:1

O kweang i Yordan abel barat fikhit omanogo nen fena re it hun Manasye hun Yusuf amlogo manggusa mene a'nogo ambisangma mene ineisok erokwe omanogo inoba wogisasikhe. Hun Makhir, abo Gilead eisena andire, at Manasye amlogo manggusa mene. Nen at ebe re weim yafu aple faget amururu weak agun hilingi'more o kweang Gilead oba inom Basan oba inom i Yordan fena timur fikhit andoma re at wogetikhe.

YOSUA 18:11

Attak-attak he it inunggulenu Benyamin mene ineisok erokwe omanogo faget sumburisasikhe. Kweang it agaukwa mene andoma re inunggulenu Yehuda mene nen hilingi'luk Yusuf ambisangma nen hilingi'luk tulem andoma wogisasikhe.

YOSUA 18:20

Abel mo lagai wagarek fikhit huli-huli re i Yordan andi huli hilingik. Huli-huli a'nogo it inunggulenu Benyamin meneba ineisok erokwe hilingik mene omanogo it mene asuageluk sumburisasikhe.

YOSUA 19:18

O it inaiba kweang andi inom he o Yisreel, Khesulot, Sunem,

HAKIM–HAKIM 1:32

Andiba nen he ap Kanaan inap o andoma inonggwarek inap he ap Asyer mene inom seberogo welagaukwa.

1 SAMUEL 29:1

Afuni Filistin inap inagoromi sikhe fisogo mene mondogat o Afek kabogetukwa, nen, it Israel mene re i elesi horokhogo o Yizreel tonggoma andoma o sabu tenda ba salhukwa.