2 SAMUEL 2:8 - Allah Wene Fano Wene Hupla Inane

⁸ Abner hun Ner amlogo at Saul agoromi tentara inoe panglima welagaikhe mene a'nogo inom, Isyboset hun Saul amlogo a'nogo inom, emberek heise wulifukwasik he i Yordan palogo elikwe fikhit o Mahanaim andoma lagaukwa.

2 SAMUEL 2:8 ပူးပေါင်းရင်းမြစ်များ

KEJADIAN 32:2

Lagaukwama, at eilenggen isasikhesik he, mel isikhe: ”Yi Allah agoromi o tenda wurogo welagaikharek oba higi, iluk isikhesik, o andoma enu Mahanaim salhikhe.

KEJADIAN 32:3

A'nogo arat salhikhesik, agoromi Esau oba o Edom wesuageluk attagat yonggo lakfisasikhe.

2 SAMUEL 17:24

Nen, at Daud ebe o kota Mahanaim asi lagaikhe hak he, at Absalom agoromi tentara Israel mene nen inanggele'marogo re, i Yordan palogo wulifukwa.

2 SAMUEL 2:29

A'nogo hilingitukwasik he at Abner a'nogo agoromi inom he hup hundik lagaukwasik o Yordan tonggoma logali lagaukwasik, ohealekwe re linggene inukhogo a'nogo laga lagaukwasik he o Mahanaim asi lagaukwa.

2 SAMUEL 2:7

Nen hit hineisena raja Saul a'nogo ebe arat wa'lagaba nen he, it ap Yehuda inaben an nebe raja logouwageluk menfanha hilingi'mo re, hinendawinggen hambukhogo logolik hinailo legengge hinendawigngen serogo logoni o,” iluk wene warogo lakfesikhe.

2 SAMUEL 3:38

A'nogo hilingitu kwelek, at raja nen, it at inom era'lu hophogo lagaikharek mene aremnogo inoba ikhi logolik he, ”O yogondak yi sambul he nit afuni Israel mene ninoba nen ninoe melalninaferek mene misik ekhe kweangma hulambethe andi re hit he hinonggot nogo a?

2 SAMUEL 3:6

Weim it Daud ebikhit mene inom, Saul ebikhit mene inom omanogo re yafu mondok were'ma, at Abner en weim yafi lagaikhekwe a'nogo it Saul ebikhit mene a'nogoba inomame asuageluk hilingiti lagaikhe.

1 TAWARIKH 8:33

Raja Saul a'nogo eisena re hun Kis andi, nen omba re enu Ner. At Saul he amlogomi inebe enggaminogo welagaukwa; inenu re: Yonatan, Malkisua, Abinadab, Esybaal, inom andem.

1 TAWARIKH 9:39

Hun raja Saul a'nogo eisena enu re Kis nen omba enu re Ner. At Saul he amlogomi inebe enggaminogo welagaukwa mene inenu re: Yonatan inom, Malkisua inom, Abinadab inom, Esybaal inom andem.

1 SAMUEL 14:50

Agwe re, ap Ahimaas a'logo enu re, Ahinoam. Nen, Saul agoromi tentara mene inoe kain he, at Saul agailak, Ner amlogo Apner andi.

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 26:14

A'nogo lagaikhesik Daud en Abner inom tentara Saul mene omanogo inom inoba ane kweti logolik, ”Abner! Haren an nane hesanggo holhi lagen a?” iluk ane kwetikhemo, Abner en ogo ane kweti logolik he, ”Raja faget hane kwetu mondok welagen mene andi re hat sanogo?” iluk yagatikhe.