2 SAMUEL 2:6 - Allah Wene Fano Wene Hupla Inane

⁶ A'nogo hilingitep andi nen he, At Tuhan nenat endawi hundik hilinghinafik sethinarek mondok welagik ikhi logouwak. Nen hiren a'nogo hilingitep andiba re, an nen ogo hit hinoba fanorogo nek hilinghinobagakhi logogin aro.

2 SAMUEL 2:6 ပူးပေါင်းရင်းမြစ်များ

2 SAMUEL 10:2

A'nogo menlagaikhemo at raja Daud en ikhi logolik he, ”At Nahas andi re nagailak ninom mondok hundik welago mene hilingi'mo re, an nen at amlogo Hanun andi ninom pali wasigiluk welagi,” iluk isikhe. A'nogo isikhesik at Daud en he hun Hanun eisena wa'lagaikhemo endawimo konogo iluk he ap o Amon kweang oba omanogo lakfisasikhe.

2 SAMUEL 15:20

Hat an ninom ninenggi ekhe inomat hokhorogo welago le'ma re, an nen hat ninom o ekhema nen ekhema higilogo lagik nikhi logouwok, iluk yagahetu aplere elo'lego. An yi nebe o toma lageluk, iluk he tukhumhogo nonggwarek nonggot aro. Andi nen he, hat hagaila'lak hinunggulenu misik mene andi woginarek hambotkwe lan o. We At Tuhan nen hendawi hundik logolik, setharek mondok logouwago,” iluk yagatikhe.

2 SAMUEL 2:7

Nen hit hineisena raja Saul a'nogo ebe arat wa'lagaba nen he, it ap Yehuda inaben an nebe raja logouwageluk menfanha hilingi'mo re, hinendawinggen hambukhogo logolik hinailo legengge hinendawigngen serogo logoni o,” iluk wene warogo lakfesikhe.

2 SAMUEL 9:3

A'nogo yagatikhemo, at Daud en he, ”Saul againafuri mene ekhe werega? Lega! An nen, it yi'nogo hilinginafi logogin, iluk wene Allah waretigi higithogoat, at andi fanot feigilugen heinok wanhi o,” iluk yagatikhemo, at Ziba nen he, ”Ap Yonatan amlogo ebe awe wut warek mene werego,” iluk yagatikhe.

2 SAMUEL 9:7

A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

MAZMUR 57:3

An nane At Allah Lego Mondok welagarek mene a'nogoba humeti lagi o, At Allah an nobaget hilingiri'lago mene a'nogoba nane kweti lagi o.

KELUARAN 34:6

A'nogo yagatikhesik, hobuk Tuhan ebe Musa elokhoma asi lagaikhesik mel yagatikhe: ”An he Tuhan, hineisena Allah nendawinggen lek lebekhogo wogisigik, inebe nendawirinafik, igirek mene a'nogo Anaro. An nobabut he, oba heilarogo nendawirinafi logolik, hombunhogo welagik, na'mage weak-weak inoba figi'lek hilingitik, igirek mene o.

AMSAL 14:22

Ap ekhe nen fano mene andi walhagain iluk hilingitu halok afuni nen legeisogo fuluk fanot fikhi logogun, ap sa nen weak mene hilingisigin anggaluk wenggelek logolik werek halok, at andi ebe re kwe longgo i lagaikharek oba asi lagasik werek.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

MATIUS 5:44

A'nogo meneat he, an nen wene ekhe yi yagahisak. At nineisena Allah pogoroba mene mo eisewerek logolik kweangma selekhogo afuni inobabut weak mene inom, fano mene inom, mondogat faget yaginafik, nen, meiso pelakfei wagarek andi re, it higit hilingiri'lagwi mene inom, weak hilingiri'lagwi mene inom, mondogat faget pelakfisa wagik, ikherek andi hak, hit hineisena Allah pogoroba mene againafuriat asubagaigeluk, afuni hinom weak mene andi hinendawirinafi logolik he, it weagethinabi'lagwi mene andi, Allah nen fanorinabuageluk it faget samban ikhi logoino.

MATIUS 5:7

Nen, afuni inebe inendawirogo welagaikharek mene andi, nineisena nen it endawirinabigin andi nen he, inendawimo inagaiyek hikhi logouwak.

YOSUA 2:14

A'nogo yagaisasikhemo re, it ap inebe pire aremnogo nen he, mel yagatukwa: ”Haren nit ninabok afuni ekhe yagaisagain mondok lek halok, nit nineisena Tuhan nen o yoma nit ninenggiba fugunem hilingiti logolik he, hit fano hilinghinabugun o, iluk wene watheto o. A'nogo wene watheto meneat he, niren eberogoat fano hilinghinafi'lek halok he, nit nineisena Tuhan nen homan ninobagauwago,” iluk Allah enu hombuk palogo wene waretukwa.

RUT 1:8

at Naomi nen a'logomi amlogomi inagagwi inebe pire aremnogo mel yagaisasikhe: ”Hit hemberek he, hinagaisawi inoba hinambotkwe lani o. Hit hinobabut fano an neagwi wa'lagaikha a'nogo ninom logolik fano lebetnisikhi lagagipsik, yogondak an lebetniugu welagep andi hak, nineisena Tuhan obabut fano nen lebethisikhi logouwagaro.