2 SAMUEL 2:1 - Allah Wene Fano Wene Hupla Inane

¹ At Daud le wuni a'nogo arat isikhesik, Tuhan oba mel yagatikhe, ”Neisena, hat endawimo nen he, at Daud en afuni Yehuda mene o kota ekhe ferinarek logouwagen loak, iluk anggegen halok he layoga?” iluk heinok wokhasikhemo, At Tuhan nen he, ”Fano, lano o,” iluk yagatikhemo, at Daud en he, ”O kota ki layok?” iluk heinok wokhasikhemo, Tuhan nen he, ”O kota Hebron lan o,” iluk yagatikhe.

2 SAMUEL 2:1 ပူးပေါင်းရင်းမြစ်များ

KEJADIAN 13:18

A'nogo yagatikhemo, at Abram en o sabu wutikhe mene a'nogo waluk, e Allah agayo afuni nen Allah faget hilingiti logogun oba era'lu enu Mamre andi re, o Hebron era'lu horogatma re, andoma wusi wagaikhesik, yi mene ti mene Tuhan faget warogo noleti logogun oba obalik mezbah wutfesikhe.

KEJADIAN 32:2

Lagaukwama, at eilenggen isasikhesik he, mel isikhe: ”Yi Allah agoromi o tenda wurogo welagaikharek oba higi, iluk isikhesik, o andoma enu Mahanaim salhikhe.

2 SAMUEL 15:7

A'nogo hilingitu werek kwelek 4 tahun hilinglagaikhemo, at Absalom en raja Daud oba yi'nogo yagatikhe: ”An nebe o Siria andoma o enu Gesur logolik, nineisena Tuhan oba wene wareti logolik he, haren an yaganeti logolik, hambotkwe Yerusalem lan, iluk yaganeten halok, lambigen he, o Hebron lambik hat fogethafi logolik hat faget hilingisigin o, iluk wene waretigi andi nen he, ebe hilingisigiluk o Hebron lagalugen yagaheti o,” iluk yagatikhe.

2 SAMUEL 2:11

nen at Daud ebere o Hebron logolik it afuni Yehuda mene melalinafu were'ma nen enek he tujuh setengah tahun hilingitikhe.

2 SAMUEL 5:19

Werek kwelek, at Daud en eisena Tuhan oba mel yagatikhe: ”An nen ap Filistin mene andi inoasi lagain anggegen a? Haren he, an nen it inoasuagaluk nenggiba fagain a? Lega,” iluk heinok wokhasikhemo, Aren he, ”Inoasi lan o. An nen it inebe henggiba fagain o,” iluk yagatikhe.

2 SAMUEL 5:23

A'nogo werek kwelek, at Daud eisena Tuhan nen, ”Yi'nogo hilingi'no,” iluk yagasuageluk heinok wokhasikhemo, At Tuhan nen he, ”Hat hebe yikwe nen inoasi lagun o. We, hebe inambotkwe higit kwanirogo lambik, e malibet hangge mene eroma andoma horokhogo lambik kwe andi kwe nen inoasi kwino o.

1RAJA-RAJA 2:11

Aren afuni Israel mene 40 tahun ferinarek welagaikhe. O Hebron logolik, 7 tahun welagaikhe, nen o Yerusalem logolik he 33 tahun welagaikhe.

1 TAWARIKH 29:7

A'nogo anggasukwasik he, Tuhan Awi wutu mene a'nogo faget iren wogetukwangge re yi: Emas re 170 ton ekhe inom mangorogo, perak 340 ton taganhogoat inom, nen perunggu 620 (ton) inom, nen posiemanggen mene re 3.400 ton taganhogo inom kabogetukwa.

2 TAWARIKH 11:10

Zora inom, Ayalon inom, Hebron inom andem.

MAZMUR 143:8

An he Hat hoba nek nendawi eberek welagimo re, o hubet ekhe sambul-ekhe sambul andoma Haren hendawi hundik hilingnafi logolik welagen mene andi faget ebetniikhi logoino. An nen samban Hat hoba yagaheti lagi andi nen he, an kwe loageluk Haren yaganeti logoino.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

YEHEZKIEL 36:37

Tuhan Lego Mondok welagarek mene a'nogo nen ikhi logolik, ”Hinunggulenu Israel mene yi sani, hit he An nen lebethinabuageluk kino yaganeti logoni, iluk yagahisagain aro, An nen hit hinebe hokho-pokhorogo domba esa welagarek andi hak hilinghinobagagin o.

BILANGAN 13:22

Attak-attak he it inebe o kweang andi nen abel selatan fikhit andoma lagaukwasik he o kota Hebron afuni Ahiman mene inom, Sesai mene inom, Talmai mene inom, hun Enak ambisangma mene andoma were'ma asi lagaukwa. O kota Hebron andi re o Zoan Mesir oba a'nogo oan wuti'lek logolik, o andi wutu kwelek 7 tahun nen hilingitukwa.

BILANGAN 27:21

Wogetunem he, at Eleazar en An namolo mene elu asigeluk inendawi wenggelagarek mene enu Urim inom Tumim inom wanimbik he, An heinok wo'niikhi logouwak. Heinok a'nogo wo'niugunem he, An nen yagasigin mene, at Eleazar en Yosua inom, afuni Israel mene mondogat inom, yi wene ti wene higithogo hilingisuageluk yagaisikhi logogun o,” iluk yagatikhe.

YOSUA 15:13

Tuhan nen wene melalogo Yosua yagatikhe mene higithogo re, it Yehuda mene inaiba o sili omanogo fena re at Kaleb hun Yefune amlogo unggulenu Yehuda mene a'nogoba wogetikhe. Nen ekhe re o Hebron kota hun Arba ap Enak eisena nen mene a'nogo wogetikhe.

HAKIM–HAKIM 1:1

Yosua mondogat wa'lagaikhemo re, afuni Israel mene nen Tuhan heinok wokhikhi logolik, ”Tuhan unggulenu ki mene tak lambik weim ap Kanaan mene inoba sineli kwigin nogo?”

1 SAMUEL 10:22

A'nogo legen he, it afuni omanogo nen nineisena Tuhan mel yagatukwa: ”Nineisena, ap Haren wenaten mene andi ebe yoma werega? Lega,” iluk heinok wokhasukwama aren he, ”At Saul ebere sunggwe andogorogo fegep oba ambotma andoma hinago werek a'naga o,” iluk yagaisasikhe.

1 SAMUEL 23:2

aren Tuhan heinok wokhikhi logolik he, ”An nen it afuni Filistin mene andi inoasi lagain fano a, lega?” iluk heinok wokhasikhemo, At Tuhan nen onggo yagati logolik he, ”Fano, haren it inoasi laga logolik he it afuni Kehila mene andi telinabi lan o,” iluk yagatikhe.

1 SAMUEL 23:4

Andiba re at Daud en ekhe inom Tuhan nen yi'nogo hilingisin iluk yaganesuageluk he kinotikhemo, At Tuhan nen onggo yagati logolik he, ”Hendawinggen fitun o, it Filisitin inap sikhe fisogo mene andoma re An nen hat henggiba fagain enggere o kota Kehila andi kwi lambik inoasi lan o,” iluk yagatikhe.