2 SAMUEL 19:29 - Allah Wene Fano Wene Hupla Inane

²⁹ A'nogo yagatikhemo at raja nen he, ”An nen, Saul angge yi mene ti mene mondogat hat inom, Ziba inom, hemberek wokhisagaluk wene arat igimo hilingi'mo re, haren wene yi'nogo ti'nogo ekhe ugun o,” iluk yagatikhe.

2 SAMUEL 19:29 ပူးပေါင်းရင်းမြစ်များ

2 SAMUEL 19:28

An hamingmingengge neisena inom, nagainafuri inom inebe mondogat haren wene ninoba fesigindik felelenghogo ninoatigin meneat he, it inoati logolik, an enek he, hat haiba sumburu ninggi logouwagaluk yaganetigin andi. A'nogo mene re, yogondak an hamingmingengge nen yi'nogo ti'nogo hat kino ekhe yagahesu re elo'lego, noe,” iluk yagatikhe.

2 SAMUEL 19:30

A'nogo yagatikhemo at Mefiboset en he, ”Esin he, hat hebe fano hambotkwe wagenma ninendawinggen yamuk ikhesi'mo re, yi mene ti mene egen andi mondogat he, at Ziba amunek heloago. An he nabit, noe,” iluk yagatikhe.

2 SAMUEL 9:2

A'nogo heinok wogisasikhemo, Saul againafuri inamingmingengge mene ekhe enu Ziba were'ma kain Daud oba wesuageluk yagatukwa. A'nogo yagatukwama wagaikhemo re, Daud en mel yagatikhe: ”Hat he Ziba a?” iluk heinok wokhasikhemo, aren he, ”I o, an hamingmingengge nebe yi o,” iluk yagatikhe.

2 SAMUEL 9:7

A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

2 SAMUEL 9:9

A'nogo yagatikhemo, at kain Daud en he, ap Ziba Saul amingmingengge a'nogo woletikhemo, wagaikhemo re, mel yagatikhe: ”Yi mene ti mene Saul againafuri inom inaminingengge inom andoma mondogat he hoe omba yi wogosigin o.

MAZMUR 101:5

Ap ekhe nen wene ero le'maat linglong engge are ekhe abok palogo weaget fagain mene andi re, an nen eiloak leget fagain. It ap inendawimo leget fakhikhi logolik wonoget fakhagarek mene re, An nen ekhe fisikhi logogin mondok lek.

MAZMUR 82:2

”Hiren wene aiyo wurinafi logolik henarogo weneba tegesu fugo, nen hiren he ap weak hilingitu mene inebikhit asu fugaro.

AMSAL 18:13

Wene ebe heinok wogisugu mene holhi'legengge nen onggo weak-weak agarek mene andi re, afuni inendawimo wusu lek hak kembu mene nen agarek ili'lagwi.

KISAH PARA RASUL 18:15

Mene re, wene yi hit hinonggwarek hinane faget inom, hinenu faget inom, hit hilingiti lagep mene faget inom, oba fegepsik waluk wagepma re, hit hinoba lombogen halini o. Wene ariginik mene, an nen pilingisigin lego. Nabit,” iluk yagaisasikhe.