2 SAMUEL 19:21 - Allah Wene Fano Wene Hupla Inane

²¹ A'nogo yagatunem, Zeruya amlogo Abisai a'nogo nen esanggo holhikhesik he, Daud mel yagatikhe: ”At Simei andi re ap Tuhan nen wenagaisogo fikhe mene oba homan fesikhe agun hilingi'mo re, at ane onggo ebe pinggi wasugun fano,” iluk isikhe.

2 SAMUEL 19:21 ပူးပေါင်းရင်းမြစ်များ

2 SAMUEL 16:13

A'nogo yagaisasikhesik, at agoromi inom he pikhit pi lagaukwama, at Simei a'nogo inombo'ne weak-weagat tom alemkwe nen muginarek pikhi logolik, helep inom kweang inom fugerisilik pisikhe.

2 SAMUEL 16:5

A'nogo iluk, at Daud o Bahurim lagaikhe hak he, ap enu Gera, aiba o andoma mene, at Saul eisok erokwe mene, amlogo enu Simei andi, afuni raja Daud inom lagaukwa mene omanogo inoba horokhogo waga logolik Daud homan filik wagaikhe.

2 SAMUEL 16:9

A'nogo wenagetikhemo, ap Zeruya amlogo Abisai Yoab agot andi nen he, Daud mel yagatikhe: ”Noe. Ap obabut wam obabut hangge mene ari, hat hebe weagerogo homan hobagagu kwelek alelogo herakfiki lagen andi nenahalok? An nen alonggop tekhogo wasigen yaganom o!,” iluk yagatikhe.

MAZMUR 84:9

Neisena Tuhan, Allah Homame Hokho mene, Allah Yakub eisena a'nogo hayonggo fikhi lagi andi, an nane hesanggo holin o.

KELUARAN 22:28

Hiren hinaneweak Tuhan oba fou fuk, hit hinunggulenu mene hinanggele'ma andoma hinogogwi fethinarek mene inoba homan fisa fuk.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

1 SAMUEL 24:6

A'nogo tiliphogo wanhikheba nen, hobugen at Daud endawimo nen he eige an nen a'nogo hilingiti andi re weagat hilingiti o, iluk anggasikhe.

1 SAMUEL 26:9

Oba nen he Daud en ikhi logolik, ”Haren at oba yi'nogo ti'nogo ekhe hilingfou fuk! Afuni nen ap raja Tuhan nen wenagaisogo menfikhe meneba weak mene hilingfisugu halok he Tuhan nen unggum wogisikherek enggere.