2 SAMUEL 19:19 - Allah Wene Fano Wene Hupla Inane

¹⁹ ”Haren an hamingmingengge yi, an nebe weak asuagaluk yaganetikhe mene, iluk yaganetun o, noe. An nen hat o Yerusalem herakfuluk wagunem hebe weak asuagaluk yagahetigi mene andi, haren hendawimo enggen figi'lek sebel fisano o, noe.

2 SAMUEL 19:19 ပူးပေါင်းရင်းမြစ်များ

2 SAMUEL 13:20

A'nogo le arik lagunem at Absalom a'nogo nen eilenggen hasikhesik heinok wokhikhi logolik he, ”Hat he eberogo Amnon nen weaget hobagaikhemo a? Arat nagot, haren hobuk ekhe wenggelu fuk. At andi re hat hoe hilingi'mo re it afuni amu mene ekhe yagaisa fuk,” iluk yagatikhe. Andi nen at Tamar a'nogo re at oe Absalom aiba omanogo amunek oba sinurogo endawimo weak agaikhesik welagaikhe.

2 SAMUEL 13:33

Enggere, neisena raja haren it hagainafuri inebe mondogat omanogo wa'lagaikha iluk he eberogo angga fugo, we at Amnon a'nogo nek watama wa'laga o” iluk yagatikhe.

2 SAMUEL 19:18

A'nogo lagaukwasik were'ma, at raja Daud ebe wagaikhemo, iren Daud againafuri i Yordan palogo woginarek wulibi wagaukwa. A'nogo woginarek wulibi waga logolik, at kain Daud en it leberisoagaluk yagaisugunem, at endawimo anggasikhe hagat leberisasukwa. Raja Daud a'nogo i palogo wulibi wesigiluk ugunem, at Simei eindep awi yagaisogo Daud awe a'ma kwisikhesik hai wati logolik, mel yagatikhe,

MAZMUR 32:2

It afuni weak hilingitarek mene Tuhan nen, inaweak oba ebeti'lek herak fisagain mene inom, it ekhe ineranen wene lalinafu aple inabit mene inom, inendawimo inagaiyek hikhi logouwago.

MAZMUR 79:8

It ninombawi nen weak hilingiti lagaukwa mene andiba nit wene ninoba fugun o. Nit he ninendawinggen mondogat nonghong ugunem welago hilingi'mo re, Haren weak-weak hendawit ninabin o.

PENGKHOTBAH 10:4

Hat hoba ap ekhe omame logogin mene nen wenakhetu halok he, yabu hilingiti logogin mene herak fisagain iluk yagasu fuk. Hat weak hilingiten mene hokhorogo werek kwelek oba nen, hafe morogo sebel haluk logogin halok he aren sagalogo legetfisagain.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

BILANGAN 12:11

Arigini'mo hasikhesik aren Musa yagati logolik, ”Ninoe nit lebetnisano, nit ninendawi kembu nen hilingito mene andi, weak hilingitoma re, nit hilingito mene andiba ninoba ou-pou mene andoma hilingfisoageluk herakfisagun o.

MATIUS 27:4

”Eige! Ap andi weak hilingiti'le'maat wasubagaigeluk yonggo wagimo o. Halok he, weagat hilingitimo higi o,” iluk, yagaisasikhemo, it omanogo nen he ”Wene andi nit ninoba agama anggegen? Lego. Andi hat hoba lombogaro,” iluk yagatukwama re,

2 KORINTUS 5:19

Wene ninoba fesikhe andi ebe re yi. At Kristus ebe hulisanem logolik hilingitikhe andiba, Allah nen yi afuni ti afuni mondogat at onggwarek inom lambukhogo ninobagasikhe. Aren a'nogo ninobagakhi logolik, nit afuni nen weak hilingitorek mene wene ninoba figi'lek sebelogo herakfisasikhe andi. Aren a'nogo hilingitikhe wene andi niren yagaisilik nikhi logouwageluk ninoba fesikhe.

1 SAMUEL 22:15

An hamingmingengge nen Allah yi'nogo hilingisin iluk yaganesuageluk andi re eberogo nen kinotiba nen, an hamingmingengge andi sambul enek attak-attak hilingiti'lek. Nen at ninom ninane misik makfuluk hun haren noasugun iluk hilingiti lagep egen mene andi re, an hamingmingengge re wene andi faget he mondok nonggot enggere neisena, haren he an hamingmingengge noba ogo, athe, an neisok erokwe ap misik oba iluk ogo, hikhibet nisa fuk!” iluk yagatikhe.

1 SAMUEL 25:25

Neisena haren at Nabal aren fano mene ekhe hilingisu lek mene onggwarek enu higithogo mondok kembu mene andi faget wenggelu fugo! Neisena haren ap lakfisa wagen mene andoma re an hamingmingengge neilenggen endep ekhe isigi lego.

1 SAMUEL 26:21

A'nogo isikhemo at Saul en onggo ikhi logolik, ”An weak mondok hilingiti lagi o, andi nen he Daud namlogo e hebe sugulogo eme o! Haren yogondak hup yiba an neluk ekhe inom logouwageluk nobagegenma re, an nen weak mene hat hoba ekhe hilinghobagagin lego. An nobabut he mondok morue. An he we ibi-eberogo nen nonghonghogo hilingiti o,” iluk yagatikhe.