2 SAMUEL 19:14 - Allah Wene Fano Wene Hupla Inane

¹⁴ Wene a'nogo lakfei wagaikhe andiba, at Daud en afuni Yehuda mene mondogat inendawinggen wanhikhemo, iren he, at Daud ebe inom, agoromi tentara mene inebe mondogat inom, inomat inambotkwe o at Daud ebe welagaikheba wesuagaluk wene warogo lakfesukwa.

2 SAMUEL 19:14 ပူးပေါင်းရင်းမြစ်များ

2 SAMUEL 17:25

(At Absalom en he, ap Amasa andi Yoab obali'mo agoromi tentara esa logalhi logogun mene inoe menfesikhe. Ap Amasa andi ap Yitra unggulenu Ismael mene andi amlogo. Nen, agaisa re enu Abikail ap Nahas a'logo andi. At he Abikail andi ap Yoab agaisa enu Zeruya andi agailak.)

2 SAMUEL 20:4

At raja a'nogo nen Amasa oba wene fikhi logolik, ”Afuni Yehuda mene andogerisaluk we hinenggi henaganek mene andiba re hat hinomat we'ni o,” iluk isikhe.

2 SAMUEL 22:44

Haren an afuni Hat hane sagalogo fuluk hilingiri'lagwi mene inoba nen fikhalogo wulak nobagagik, afuni inunggulenu hokhorogo inoe kain lego logouwageluk nobagagik ikhi lagen. Afuni inunggulenu amu mene an inonggot meneba nen ogore, an na'ma namingmingengge asi weri'lagwi.

2 SAMUEL 3:9

An he at Daud ebikhit a'luk hilingiti logogin. Tuhan nen ogo at abok wene yagati logolik he, kerajaan arire Saul oba nen inom, at againafuri inoba nen inom waganogo re Daud afuni Israel mene inom, Yehuda mene inom faget raja logouwageluk menhobagagin, iluk yagahete hilingi'mo re. An nen At Allah nen Daud oba abok wene warete mene andi hilingisigin lek halok he we At Allah nenat an nebe noasuago!” iluk isikhe.

2 SAMUEL 5:1

A'nogo hilingi'luk, afuni inunggulenu Israel mene inogogwi mondogat Daud ebe o Hebron were'ma oba wagaukwasik he, mel yagatukwa: ”Helurogo, nit yoma re hat ninom ninamep minggilik mene welago o.

KISAH PARA RASUL 4:32

It wene eberogoat iluk wanhukwa mene andi, inebe hokhorogoat he, inendawinggen misigat welagaukwa. Logolik he, inagarek yi mene ti mene mondogat, ”Yi an mene,” iluk igi'legat he, ”Ninebe mondogat ninagarek mene,” iluk, ikhi lagaukwa.

HAKIM–HAKIM 20:1

Andiba re afuni Israel mondogat mene o Dan abel utara fikhiren he o Bersyeba selatan fikhit oba nen, o Gilead mo liabi wagarek fikhit andoma nen he it inebe misik seberogo yonggo fesukwa mene a'nogo hologo o Mizpa Tuhan elokhoma andogotukwa.