2 SAMUEL 19:1 - Allah Wene Fano Wene Hupla Inane

¹ At Daud en a'nogo hilingitikhemo afuni nen he, ”At Daud amlogo Absalom faget fong wati logolik ouwak le agu werego,” iluk Yoab yagasi wagaukwa.

2 SAMUEL 19:1 ပူးပေါင်းရင်းမြစ်များ

KEJADIAN 37:35

A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.

2 SAMUEL 18:12

A'nogo yagatikhe meneat he, ap a'nogo nen he, ”Uang perak mene 1.000 nen onggo wo'nesumo mene ogore, ninoe raja amlogo andi, an nen ebe wasigin he, nabiro. At ninoe raja nen he, an nalisikhogo, Absalom ebe alage mene a'nogo watubo, iluk at onggwaregen noe hat hebe inom, Abisai inom, Itai inom, yagahisugunem nit mondogat arat ninesanggo holho anggigi.

2 SAMUEL 18:14

A'nogo yagatikhemo at Yoab en he, ”Arat egen. hat nemberek andi faget ninane uanhogo lirik louwok lek,” iluk isikhe. A'nogo isikhesik at Yoab a'nogo nen he arige kabelek ebe henagan mene wanhikhesik he at Absalom a'nogo re ebe elugengge e enggiba a'nogo hobalek logolik eiselogo pore'ma hilingitunem amigenggen tulem tanghogo wat fesikhe.

2 SAMUEL 18:20

A'nogo yagatikhemo, at Yoab en he, ”At ninoe raja amlogo ebeat wato andi nen he, yogondak wene waluk at yagasi logoin mondok lego. We, hobuk halok enek he higit yagasi lanogo,” iluk yagatikhe.

2 SAMUEL 18:33

A'nogo yagatikhemo, at raja wene andi esanggo holhikhesik, endawimo mondok weak agaikhesik he o senggelek ambolkwe meneba kwe ambe palek a'nogo amboloba le arik lagasikhesik mel isikhe: ”Namlogo e. Absalom, namlogo e. Absalom namlogo e. Hat hobali'mo an wa'lasu mene, Absalom namlogo e, namlogo e,” iluk le agaikhe.

2 SAMUEL 18:5

A'nogo menlagaikhesik, Yoab inom, Abisai inom, Itai inom, mel yagaisasikhe: ”An nalisikhogo, Absalom ebe alage oan mene andi, ebe warogo fugubo,” iluk yagaisasikhemo, agoromi tentara esa logalek omanogo mondogat wene isikhe mene andi inesanggo holhukwa.

2 SAMUEL 19:2

At Daud agoromi tentara mene omanogo afuni nen he, ”Daud amlogo faget ouwak le agu werego,” iluk isukwama inesanggo holhukwasik he, andi sambul weim inomame agaukwasik inagaiyegetukwangge a'nogo agaumhogo re inendawinggen heiselhikhe.

AMSAL 17:25

Omalik kembu mene andi re eisena enggin fenggin oba fikherek, agaisa endawimo wiik weakhogo hilingfikheregat.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.