2 SAMUEL 18:9 - Allah Wene Fano Wene Hupla Inane

⁹ A'nogo inoarik wagunem, at Absalom wam enu bagal ambot oba hurek lagaikhe hak he, ap tentara Daud agoromi mene inom ambi agaukwasik, heise wesigin ha'ma nen he, e pai hokho mene a'makwe humusek wagunem anggo bagal a'nogo nek e enggi sebelek a'makwe nen lokhogo wagu kwelek he, at Absalom a'nogo alonggop e enggiba hobalagaikhe. A'nogo hobalagaikhemo omanogo werek kwelek he, anggo bagal a'nogo nek he uarek hela wagaikhe.

2 SAMUEL 18:9 ပူးပေါင်းရင်းမြစ်များ

2 SAMUEL 13:29

A'nogo komorinafikhemo re, it amingmingengge omanogo nen he at Absalom en melalfisasikhe aple aremnogo higithogo re iren at Amnon a'nogo ebe watukwa. A'nogo watunem he it Daud againafuri fena omanogo nen ineilenggan hasukwasik he weak-weak inanggo bagal omanogoba lagasukwasik he heise linggi-longgo i lagaukwa.

2 SAMUEL 14:26

Esi re mondogat hikweak hilingi'mo re enggin agu aple nen he tahun misik oba re inenggi misigam palhi lagaukwa. At esi palogo fugu mene andi re raja nen ilirengge enggin walhikherek mene a'nogoba walhugunem he 2 kilo hilinglaga lagaikhe.

2 SAMUEL 17:23

Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

2 SAMUEL 18:10

A'nogo werek kwelek Daud agot tentara mene ekhe eilenggen haluk Yoab mel yagasi lagaikhe: ”Noe, ap Absalom a'nogo e hokho mene enggiba hobalek were'ma neilenggen higi o,” iluk yagatikhe.

2 SAMUEL 18:14

A'nogo yagatikhemo at Yoab en he, ”Arat egen. hat nemberek andi faget ninane uanhogo lirik louwok lek,” iluk isikhe. A'nogo isikhesik at Yoab a'nogo nen he arige kabelek ebe henagan mene wanhikhesik he at Absalom a'nogo re ebe elugengge e enggiba a'nogo hobalek logolik eiselogo pore'ma hilingitunem amigenggen tulem tanghogo wat fesikhe.

2 SAMUEL 18:8

Weim o andoma liak figik, pelak figik mondok hokhorogo yafi logolik, inoatukwa mene andoma we endebat hangge mene at he, enggama inoak agaukwasik wa'lagaukwa mene nek he mondok hokhorogoat wa'lagaukwa.

AYUB 31:3

Afuni inobabut weak hilingitarek mene andi At Allah nen he, inebe alomarinafik, weagerinafik, ikherek mene inoba lakfei wagarek.

AMSAL 20:20

Ap ekhe eisena agaisa homan fisikherek mene andi re eluk longgo igin, andi re o hubanggo esage nagul fugunem o hup kiruak teng ikherek andi hak hilinglasigin.

AMSAL 30:17

Ap ineisugwi inagaisalak yaman a'luk were'ma puliaphogo fisagarek mene andi re it inebe hambokhogo enda'ma wulak fisa wesumo sue kuri nen ineilenggen hulelogo ninggik, nen sue rajawali nen inebe warek fili omanogo ninggik igin andi re inobabut obaat hilingisigin.

YEREMIA 48:44

Ap sikhenggela abologen heise logoin mene re kweang habuli'mo pugun, nen kweang habuli'mo andi nen wulibugun mene re sabnaba ke'nok ugun. Andoma mondogat he An nen Moab wolelenggenhogo fagain iluk hilingfigi sambul andiba hilinglasigin.

MATIUS 27:5

at Yudas nen uang perak mene 30 nen wogetukwa a'nogo Allah awi wuri'mo woukhogo kwelakfisaluk he, onggwaregen alonggop hele kelogo ebe pinggi waralagaikhe.

MARKUS 7:10

Inenggali watikhesik he, wene ekhe yagaisikhi logolik, mel isikhe: ”At Musa nen he hineisena hinagaisalak agaugwerinafi logoino o,” iluk isikhesik he, ekhe mel isikhe: Sa nen eisena agaisa abok weak palhe halok he, at andi ebe mondogat wasigin o, iluk komotninafikhe meneat he,

GALATIA 3:13

Allah aneba lisu palogo fikhi logolik he, mel isukwa: ”Inebe eba menfisaluk inoasumo, it inebe wa'lasugun mene andi, Allah nen homan inobagagin werego,” iluk, lisu palogo fesukwa hagat, wene Allah nen komotninafikhe wene andiba re, homan inoba feigiluk were'ma, at Kristus nen ninonggo palogo telninabigeluk wene nit ninoba mene korogo at oba fakhasikhe andi.

ULANGAN 21:23

ebe warek engge andiet herakfisamo hup inukhogo logoinogo, we linggene a'nogo sambulat enek sali lano. Ap warek eba logogin mene andiba re At Allah nen hit hinawi hinebe welagep kwe homan fagain enggere, o at hineisena Tuhan Allah nen wokhisikheba andoma weagerogo fegep hanogo re ap warek andi weak-weak salino.

ULANGAN 27:16

’Ap ekhe ineisugwi inagaisawi legeisogo fisigi'lek sebelfisili'lagwi mene andi re homan ugu logouwak,’ ugunem. ’Amin!’ ikhi logogun.

ULANGAN 27:20

’Ap ekhe nen eisena agwe inom orouwe laguba eisena enu sebelogo fagainmo, ap andi homan ugu logouwak,’ ugunem. ’Amin!’ ikhi logogun.