2 SAMUEL 18:31 - Allah Wene Fano Wene Hupla Inane

³¹ A'nogo menlasi lagaikhesik werek kwelek, at Yoab amingmingengge mene a'nogo ebe arat lagaikhesik he, at raja mel yagatikhe: ”An wene fano mene noe yagahesigiluk wagi o. Ap hat hebe inabiren hoasuogoluk ili'lagwi mene omanogo nineisena Tuhan nen omame wokhetemo, inebe mondogat mabenetfisegendik arat homame agen o,” iluk yagatikhe.

2 SAMUEL 18:31 ပူးပေါင်းရင်းမြစ်များ

2 SAMUEL 18:19

A'nogo hilingitukwasik, hobuk at Zadok amlogo Ahimaas en Yoab mel yagatikhe: ”An humusek ninoe raja Daud oba lambik, at aselei mene nen ebe wa'lep mene nineisena Tuhan nen telogo fikhe wene yi endawimo agaiyek asuagen he, yagasi lageluk yagaheti o,” iluk yagatikhe.

2 SAMUEL 18:28

A'nogo yagatunem he, at Ahimaas a'nogo arat lagaikhesik, ane hokhorogo at raja oba hai watikhesik he eindep awi yagaisogo wene yi'nogo yagatikhe: ”Ap noe hebe inabiren hoasuogoluk ikhi lagaikha mene omanogo heisena Tuhan Allah nen inebe hat henggiba fikhe andi nen, At hai wasuogo,” iluk yagatikhe.

2 SAMUEL 18:30

A'nogo yagatikhemo, at raja nen he, ”Hebe esanggoma a'lem menlasi lan o,” iluk yagatikhemo Ahimaas ebe esanggoma andem menlasi lagaikhe.

MAZMUR 58:10

Alok-alok engge oan engga heiselogo wilifi logolik hokho agi'lek were'ma nen, sogoien engga iringik mene furogo waluk lagarek a'nogo higit asuak, it inebe oan fut fisigi'le'ma nen he inebe mondogat lek asuak.

DANIEL 4:19

A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.