2 SAMUEL 18:3 - Allah Wene Fano Wene Hupla Inane

³ A'nogo yagaisasikhe meneat he, it agoromi nen he, mel yagatukwa: ”Iren hat hebeat herakhabik nikho andi nen he, Ninom louwok, iluk ugun o, noe. Iren he, nit mu'nisikhi logolik heise pugulogo wulakninobagagun he a? At he, ninebe ekhe minggilogo ninoasugun he a. Nit a'nogo hilingninabimbik, it inendawinggen yamuk ugun mondok elo'lego. It inendawimo nen anggikhi logolik he, Daud agoromi inebe 10.000 mene inoasumo andi elo'lek. At he, at ebe esin mene andi wasimbik enek he, fano, iluk anggili'lagwi andi nen he, hat hebe o kota yoma logolik lebetnisikhi logogin o,” iluk yagatukwa.

2 SAMUEL 18:3 ပူးပေါင်းရင်းမြစ်များ

2 SAMUEL 10:11

At Yoab en agot oba ikhi logolik he, ”An ambi it Siria mene ninom walhugunemen nomame lek agu halok he hat weak-weak an lebetnea we'no. Nen harogo it Amon mene hinom walhugunemen homame lek agu halok he an nen weak-weagat lebethea wesigin.

2 SAMUEL 17:2

A'nogo lambik, it seren inomame lek asimbik were'ma inoba wulifi logolik, youk la'lak laga logolik, agoromi inebe pugulogo wulakfisambik, it inoe raja Daud amunek he ebe pinggi wasigin o.

2 SAMUEL 21:17

Oba nen he Abisai hun Seruya amlogo a'nogo nen at Daud lebetha wagaikhe. Aren he hun oagese uan agun a'nogo oba herogo sagali ikhi logolik he, ebe pinggi warogo fesikhe. A'nogo watikhe mo, at Daud agoromi nen he inoe ebe faget agap telogo mel isukwa, ”Afuni israel mene inebe mondogat lek hilingisogo ninobagau ha'ma re, ninoe hat he weim ninom yabi logoin legenggere, hane tekhogo wene watnisan o,” iluk yagatukwa.

1RAJA-RAJA 22:31

Andi sambul he, it afuni Siria mene inoe raja nen agoromi kereta oba lagaluk weim yafi lagaukwa mene inogogwi panglima inanini mene inebe 32 nen omanogo inoba melalfisikhi logolik, ”Hiren he, ap amu mene inoati'lek, afuni Israel mene inoe raja andi ebeat hineil waluk-waluk mondok wa'no o,” iluk yagaisasikhe.

RATAPAN 4:20

Iren ap raja Tuhan nen wenago mene a'nogo seneta, ap iren anggikhi logolik nineluk wo'nisa mene, nen nit ninaselei mene inoba nen aren telninabu mene. iluk anggikhi lago mene a'nogo re iren seneta.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

1 SAMUEL 18:7

A'nogo wati logolik yi'nogo isukwa: At Saul en ninaselei mene beribu-ribu nek inoate, oba nen he, at Daud en enek he, perpuluh-puluh ribu nen inoate,” iluk ilik wulibi waga lagaukwa.