2 SAMUEL 18:24 - Allah Wene Fano Wene Hupla Inane

²⁴ Lagaikhe hak he, at Daud ebe kwe ambe elonggokwe mene honggolek endakwe mene honggolek tulem andoma hurek were'ma, ap ekhe eilenggen peneti logolik welagaikhe mene a'nogo re pa'leget ambe palek a'nogo tum oba lagasikhesik welagaikhe. Logolik eilenggen yetha wagaikhe re, ap mene ekhe humusek lagunem hasikhe.

2 SAMUEL 18:24 ပူးပေါင်းရင်းမြစ်များ

2 SAMUEL 13:34

It a'nogo hilingitu kwelek a'nogo re at Absalom a'nogo ailo nen heise lagaikhemo re, it ekhe Daud aiba istana kagalek welagaukwa mene nen ineilenggen yethasukwa re, o Tom Hanoraim fikhit a'nogo nen afuni hokhorogo pelabek pi wagunem yethasukwasik at abo Yonatab a'nogo nen raja oba eluet fei lagaukwa.

2 SAMUEL 18:23

Andi yagatikhe mene at he, at Ahimaas en he, ”A'nogo lagain lek egen andi nenahalok? An lagain aro,” iluk yagatikhemo, at Yoab en he, ”Lagain anggegen halok he, lan o,” iluk yagatikhemo, at Ahimaas kwe i Yordan ima tonggokwe nen humusek mondok he, ap Yoab amingmingengge aiba Etiopia mene lagaikhe a'nogo hobugetfisaluk attak lagaikhe.

2 SAMUEL 18:25

A'nogo hasikhesik, ane hokhorogo at oe raja Daud yagati logolik he, ”Ap ekhe humusek weri'lago,” iluk yagatikhemo, at raja nen he, ”At amunek weri'lago halok he, wene fano mene waluk weri'lago o,” iluk yagatikhe. Nen, at ap yonggo lagaikhe mene a'nogo inoba horogat asi lagu kwelek,

2 SAMUEL 18:4

A'nogo yagatukwama, at raja nen he, ”Halok he, fano. Hirenaro,” iluk yagaisasikhesik, agoromi tentara mene inebe 1.000 huliba logalhik, 100 huliba logalhik, isukwa mene omanogo inebe o kota elonggoma nen erarogo leget pa'leget ambe palekwe nen wulibi wagu kwelek, at Daud ebe nek he kwe ambe palek oba mendek welagaikhe.

2 SAMUEL 19:8

A'nogo yagatikhemo, at inoe raja a'nogo siakhogo menlagaikhesik he, leget pa'leget ambe palek oba era'lu wulibi wagaikhesik andoma welagaikhe. A'nogo hilingitikhemo, it ap ekhe nen he, ”At ebe andoma hurek werek,” iluk isukwama, agoromi tentara mene inesanggo holhukwasik he, at oba andogosi wagaukwa. A'nogo hilingitu kwelek, it ap tentara Israel mene omanogo inebe mondogat weim heise pikhit inailokwe lombok he'la lagaukwa.

1 SAMUEL 4:13

A'nogo hilingitu kwelek he, at Eli re oba mondok lebelek agaikhesik,” Eige, Peti Wene Warogo Allah nen wo'ninafikhe iluk hilingik mene waluk lagaikha a'nogo fano waluk wesugun a? Athe, ninggi'nogo hilingfuluk wesugun e,” iluk he, kwe esanggoma kursi ba hurek logolik menenei ebeti lagaikhe. Nen, at a'nogo ebetu kwelek ap wagaikhe mene a'nogo nen it Israel mene inebe mondogat mul inoatukwama re, inalong lek agaukwa mene a'nogo tindeli wagaikhemo re, afuni o silikwe werek mene omanogo mondogat lenggu fesukwa.