2 SAMUEL 18:19 - Allah Wene Fano Wene Hupla Inane

¹⁹ A'nogo hilingitukwasik, hobuk at Zadok amlogo Ahimaas en Yoab mel yagatikhe: ”An humusek ninoe raja Daud oba lambik, at aselei mene nen ebe wa'lep mene nineisena Tuhan nen telogo fikhe wene yi endawimo agaiyek asuagen he, yagasi lageluk yagaheti o,” iluk yagatikhe.

2 SAMUEL 18:19 ပူးပေါင်းရင်းမြစ်များ

2 SAMUEL 15:27

A'nogo yagatikhesik, wene ekhe Zadok mel yagatikhe: ”Hat hamlogo Ahimaas inom, Abyatar amlogo Yonatan emberek inom, hinomat lobagaigen yagaisilik lambik he, hinendawimo hambukhogoat hinambotkwe o kota kwini o.

2 SAMUEL 15:36

Zadok amlogo Ahimaas inom, Abiatar amlogo Yonatan inom, ineisugwi inom lagaikhasik andomaat werego. Andi nen he, wene hat hesanggo holhi logogin mene andi mondogat, iren an yaganesi wesuagaluk yagaisikhi logoino o,” iluk yagatikhe.

2 SAMUEL 17:17

A'nogo hilingitu kwelek andem sambul he, at Abyatar amlogo Yonatan inom, Zadok amlogo Ahimaas inom, emberek o kota kwi wagunem afuni nen ineilenggen isanogo iluk, wene waluk lagunem holuogoluk yerogo re, o kota Yerusalem esanggoma i enu En-Rogel elesimo horokhogo andoma hinago welagaukwa. Were'ma, wene at raja Daud yagasi logoin mene halok, hele yenggerek inamingmingengge mene ekhe nen yagaisa laga lagaikhe.

2 SAMUEL 18:20

A'nogo yagatikhemo, at Yoab en he, ”At ninoe raja amlogo ebeat wato andi nen he, yogondak wene waluk at yagasi logoin mondok lego. We, hobuk halok enek he higit yagasi lanogo,” iluk yagatikhe.

2 SAMUEL 18:23

Andi yagatikhe mene at he, at Ahimaas en he, ”A'nogo lagain lek egen andi nenahalok? An lagain aro,” iluk yagatikhemo, at Yoab en he, ”Lagain anggegen halok he, lan o,” iluk yagatikhemo, at Ahimaas kwe i Yordan ima tonggokwe nen humusek mondok he, ap Yoab amingmingengge aiba Etiopia mene lagaikhe a'nogo hobugetfisaluk attak lagaikhe.

2 SAMUEL 18:31

A'nogo menlasi lagaikhesik werek kwelek, at Yoab amingmingengge mene a'nogo ebe arat lagaikhesik he, at raja mel yagatikhe: ”An wene fano mene noe yagahesigiluk wagi o. Ap hat hebe inabiren hoasuogoluk ili'lagwi mene omanogo nineisena Tuhan nen omame wokhetemo, inebe mondogat mabenetfisegendik arat homame agen o,” iluk yagatikhe.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 10:18

It yenggerugwi suarek mene inom, afuni sebelogo fisagarek mene inom inawene re, afuni nen it inoba inailo mene hilingfisanogoluk he Harenat inebikhit aga lagen.

MAZMUR 7:6

we, it an naselei mene omanogo nen enek mu'narek senabi we'luk, nebe warogo kweangma andoma nobagauwago.

MAZMUR 9:16

Yi afuni ti afuni inunggulenu lombok Hat hebe inonggot mene re, it inonggwaregen kweang habul fakhagarek oba andoma pilagik, nen hele webet fakhagarek oba omanogo ke'nok igik, agarek.

MAZMUR 9:4

Hat helokhoma nen he, an naselei mene omanogo sugulogo inambotkwe heise lagunem, ineisok tunghogo waraluk inebe wa'lari'lagwi.

YEREMIA 51:31

O kota a'nogo unggut fena-fena pin kwi wagaikha o, iluk inoe raja Babel mene a'nogo yagasuogeluk he, ap yonggo hobugalep lagik wagik hilingiri'lagwi.

ROMA 12:19

Nerugwi nagaila'lak. Hinebe nendawi e. Afuni ekhe nen hit weagethinafu halok, hinonggwaregen onggo fugubo. We, Allah a'mage lagaluk, aren hilingisuagen he, at enggiba fikhi logoino. Wene a'nogo hilingiti logogun, iluk lisu yi'nogo palek werek: ”Wurep oba an nen inoatik, onggo an nen figik, igin o, iluk Nineisena Tuhan nen ikherek,” iluk lisu palogo fesukwa.