2 SAMUEL 18:17 - Allah Wene Fano Wene Hupla Inane

¹⁷ A'nogo kamo isukwasik, at Absalom ebe warek a'nogo o leimo andoma kiling uan mene elema pelakfesukwasik, helep hokhondek meneba sibik-sebekhogo ambe hetokhogo helep som kololokhogo liakfesukwasik. Nen, it ap tentara Israel mene omanogo weim heise pikhit inailokwe lombok pugulhukwa.

2 SAMUEL 18:17 ပူးပေါင်းရင်းမြစ်များ

2 SAMUEL 19:5

Le a'nogo agu were'ma, at Yoab raja Daud oba lagaikhesik he mel yagatikhe: ”Hat hebe inom, hagainafuri inom, hagagwi ebe mene inom, hamingmingengge mene inom, hinoa'lep mene re hagoromi tentara nen telhinafa meneat he, yogondak haren inenggali warogo fisegen o.

2 SAMUEL 19:8

A'nogo yagatikhemo, at inoe raja a'nogo siakhogo menlagaikhesik he, leget pa'leget ambe palek oba era'lu wulibi wagaikhesik andoma welagaikhe. A'nogo hilingitikhemo, it ap ekhe nen he, ”At ebe andoma hurek werek,” iluk isukwama, agoromi tentara mene inesanggo holhukwasik he, at oba andogosi wagaukwa. A'nogo hilingitu kwelek, it ap tentara Israel mene omanogo inebe mondogat weim heise pikhit inailokwe lombok he'la lagaukwa.

2 SAMUEL 19:9

A'nogo agaikhemo re it afuni Israel mene werekwe a'nogo re inane hokhorogo sagalhi logolik, mel isukwa: ”At raja Daud en he, nit afuni Filistin mene nen inom, ninaselei mene ekhe nen inom, inawe a'ma fetninarek were'ma telninafikhe lek nogo? Arenat telninafikhe o. A'nogo meneat he, at ebe ap Absalom agaiserogo o yoma herakfisaluk heise wele'ma lagaikhe andi.

2 SAMUEL 20:1

O kota Gilgal andoma re ap weagerogo fisikhi lagaikkhe mene ekhe enu re Seba welagaikhe. At andi ebere hun Bikri amlogo, at unggulenu Benyamin mene welagaikhe. A'nogo were'ma, at Daud ebe inanggilukhogo waluk wagunem, at Seba nen he trompet furogo anethikhi logolik ane hokhoba yi'nogo ikhi lagaikhe, ”Nit he at Daud ninom hundik welago lek a'nogo. Ninggi'nogoluk niren at murok logoin nogo? Hit afuni Israel mene yi sani, inaiba louwogo!” iluk ane humeti lagaikhe.

2 SAMUEL 20:22

A'nogo yagatikhesik at he a'nogo inom, ap inawenggelek mene omanogo inom he lagaukwasik, at Yoab endawimo anggasikhe mene a'nogo yagaisa lagaukwama re, at Seba unggul a'nogo tegetukwasik he at Yoab ambit hugesi wagaukwama, Yoab en trompet ane futhasikhemo, it agoromi omanogo o kota a'nogo herakfisaluk he inawi lombok pugulhukwa. Nen, at Yoab ogore o Yerusalem raja ba yagasi lagain iluk lagaikhe.

2 RAJA-RAJA 14:12

Weim yabi lagaikhemo nen he, it tentara Yehuda mene re inomame lek agaukwasik it sikhe fisogo mene omanogo mondogat inawi lombok pugulhukwa.

2 RAJA-RAJA 8:21

Andiba re, at Yehoram angge kereta weim yaferek mene omanogo felelenghogo waluk wulibi lagaikhesik he o Zamin lagain iluk lagaikhe. Andoma lagaikhemo nen he it Edom inap sikhe fisogo mene nen hukhogo kwelakfisasukwa. Oba nen he o hubanggo at inom nen it agoromi sikhe fisogo mene inogogwi panglima kereta ba lagaikharek mene omanogo inom nen, ap selei mene nen hukhogo kwelaginarek were'ma omanogo nen healisaluk wulibi wagaukwama, it inagoromi sikhe fisogo mene omanogo inailo nen heise re inawi lombok lagaukwa.

AMSAL 10:7

Ap fano mene re inenu fanot fisugunem inoba eberek werek oba nen, ap weak hilingitarek mene re inoba weak weagat inonggot agarek.

ULANGAN 21:20

Waluk wagunem iren ap inogogwi o kota werek inap omanogo inoba ikhi logolik he, ’Nit ninomalik yi re endawinggen omamerek logolik nit ninoba yei liagaisogo nek hilingiti logolik, nit ninane mondok holhi legengge hilingitik, nen aren uang mondok legabetik, lugulugwi palhik. hilingitu nen waluk wagoo,”

ULANGAN 21:21

iluk a'nogo yagaisugunem, it afuni ap mene nek o kota andi werek mene omanogo nen omalik a'nogo helep oba tunghogo wasumo ebe pinggi wa'lasigin. A'nogo hilingisugun andiba re hiren weak mene andi lek hilingisogo foumo, it afuni Israel mene mondogaren inesanggo holimbik he inailo nek asigin,” iluk yagaisasikhe.

YOSUA 10:27

O mo ubuk ugu kwelek aremnogo re, at Yosua nen miminginafikhemo ap warek omanogo waluk lagaukwasik he, oumo it raja andem attak hinago welagaukwaba aremnogo hugisa lagaukwa. A'nogo hugisasukwasik helep hokho meneba oumo a'nogo kwe kugukwe te'met fesukwama re, helep andoma o yogondak huli nen inom andem werek.

YOSUA 7:26

A'nogo hilingitukwasik obuluk oba aremnogo iren helep hokho-pokhorogo kabokhogo wurogo fesukwama re yogondak huli nen andoma werek. Andiba re obalik andem faget enu re, Enggin-fenggin Tonggoma iluk salhukwa. A'nogo hilingitukwama re Tuhan anini a'nogo lombuk isikhe.

YOSUA 8:29

Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.

1 SAMUEL 4:10

A'nogo isukwasik, it ap Filistin mene a'nogo weim mondok aninirogo yafi logolik, ap tentara Israel mene mabenet fisasukwasik inoatukwa. A'nogo inoatukwama, ap Israel mene heise inawi tenda wurikwe lombok wagaukwa. Weim andi yafi logolik, ap tentara Israel mene mondok mabenet fisasukwasik, inebe mondok hokhorogo 30.000 nen inoatukwa.