2 SAMUEL 18:1 - Allah Wene Fano Wene Hupla Inane

¹ A'nogo wogosi wagaukwama, at raja Daud en he agoromi tentara andogorogo fisasikhesik he, aren inebe wendeberogo re esa 1.000 nen higik, esa ekhe 100 nen higik, hilingfisilik lagaikhe. A'nogo hilingfisasikhesik he it esa wendeberogo fisasikhe mene omanogo melalinafi logogun mene inogogwi kaindek perwira menfisilik lagaikhe.

2 SAMUEL 18:1 ပူးပေါင်းရင်းမြစ်များ

KELUARAN 17:9

A'nogo wagaukwama, at Musa nen Yosua mel yagatikhe: ”Ap Israel mene afuni Amelek mene inom weim yabuagen ekhe wendeberogo fisan o. A'nogo fisegen halok an ohealek nineisena Tuhan nen sige tomuk waluk lano, iluk yaganete mene a'nogo waluk tom oba lagambik fisogo logogin o,” iluk yagatikhe.

KELUARAN 18:21

Oba nen he, andi hilingiti logolik he haren ap inebe hebelek mene enogo fisambik iren ap inebe 1.000 nen mene faget inom, 100 nen mene faget inom, 50 nen mene faget inom, 10 nen mene faget inom, inobaget menla'luk lenggalinafi logouwakhogo yagaisano. It inebe re Allahba inailorogo logolik, ane hologo nek hilingitu mene, nen afuni nen at andi elok hilingisu hak iluk anggagarek mene, nen uang inendawimo fanorogo iluk wogisugun helagarek lek mene halok menfisano.

KELUARAN 18:25

it afuni Israel mene inanggelekwe omanogo nen ap inobabut hebelek mene nek heragaisogo fisilik lagaikhe. A'nogo hilingitikhesik he afuni inebe 1.000 mene faget inom, 100 mene faget inom, 50 mene faget inom, 10 mene faget inom, lenggalinafi logouwageluk yagaisilik lagaikhe.

BILANGAN 31:14

Lagaukwama, at Musa nen he ap tentara inogogwi Perwira inom, ap esa inebe 1.000 faget inogogwi kaindek welagaukwa omanogo inom, nen inebe 100 nen faget inogogwi kaindek welagaukwa omanogo inom, inoba wenagisasikhe.

ULANGAN 20:9

It sikhe fago mene inogogwi a'nogo nen a'nogo it inagoromi tentara omanogo yagaisaluk he ap esa logalek aremnogo hilingik higithogo inogogwi melalinafu mene iluk inenggi tum pilinghigik yagaisilik logoin.

YOSUA 8:10

Ohealek hubet-habet he Yosua siakhogo menlagaikhesik ap esa logalek mene a'nogo kabogesi wesuageluk yagaisasikhe. Andi nen at Yosua inom it kaindek afuni Israel mene inogogwi omanogo inomen he, ap esa logalek a'nogo woginarek o Ai lagaukwa.

1 SAMUEL 22:7

aren at agoromi sikhe fisogo mene inogogwi perwira omanogo inoba ikhi logolik he, ”Hit afuni Benyamin mene yoma hinesanggo holini! At Daud ikhi lagep mene a'nogo nen he, hit hineabu inom, anggur yabu inom wokhisagain a? Aren he at agoromi tentara faget hit hinebe abirengge kaindek perwira nek logouwageluk menhinobagagik, igin a?

1 SAMUEL 8:12

It ekhe tentara inebe 1.000 mene inogogwi logouwagaluk menfisigik, it ekhe tentara 50 mene inogogwi logouwagaluk menfisigik, ikhi logogun. A'nogo hilingiti logolik, hinagainafuri ekhe at eabu wokfisikhi logouwagaluk yagaisigik, it ekhe awi yago mene ebe tatik, palhik, ikhi logouwagaluk yagaisigik, it ekhe sige sikhe wutik, kabelhik, ikhi logouwagaluk yagaisigik, it ekhe yi mene ti mene kereta weim yafarek mene faget hilingiti logouwagaluk yagaisigik, ane ning-nanghogo yagaisikhi logogin aro.