2 SAMUEL 17:23 - Allah Wene Fano Wene Hupla Inane

²³ Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

2 SAMUEL 17:23 ပူးပေါင်းရင်းမြစ်များ

2 SAMUEL 15:12

At Absalom a'nogo lagaikhesik Allah anggo warogo noleti logolik, ap ekhe inayonggo fesikhesik, it ap Daud agoromi kaindek, ”Wene andi weak, yi higit,” iluk yagati lagaukwa mene ekhe enu Ahitofel, o Gilo were'ma wolesi loagaluk lakfisasikhe. A'nogo hilingiti logolik, Absalom en afuni inendawimo kagalhi logolik, ”Nit ninoe raja Daud he ninabit, at he Absalom andi aro,” iluk uageluk inendawimo kagalik nikhi lagaikhe re, andi. A'nogo inendawimo kagalhunem, afuni at Absalom ebikhit mene re inebe hokho arik hokho arik mondok hokhorogoat hilinglagaukwa.

2 SAMUEL 15:31

A'nogo lagakhi logolik, afuni nen he, Daud mel yagatukwa: ”Ahitofel ogo re, Absalom en, Daud nabit, noe Absalom aro, iluk uagaluk endawimo kagalhemo aro,” iluk yagatukwama, at Daud en he, samban mel isikhe: ”Neisena Allah. At Ahitofel en wene komorinafi logogin mene andi, ekhe ebe aga logoinogoluk hilingfikhi logoino o, neisena,” iluk yagatikhe.

2 SAMUEL 16:23

Andem sambul he, Ahitofel en, ”Yi'nogo hilingi'no,” iluk komorinafunem, wene Allah ebe nen ugu mene hanggeat hologo hilingiti lagaukwa. Andi re, at Daud en hologo hilingiti lagaikhe hak, at Absalom en a'nogoat hilingiti lagaikhe.

2 SAMUEL 17:22

A'nogo yagatukwama, at Daud agoromi inom i Yordan palogo wulibi lagaukwasik, i aik elikwe wulifukwa hak he, o hil arat lakfei wagaikhe.

1RAJA-RAJA 16:18

A'nogo hilingitukwama re, at Zimri nen hasikhe re kota a'nogo iren mondogat sebel fakhasukwama hasikhesik he, at ebe awi istana ba omanogo kwi lagaikhesik, at ebe inom, o at ebe werek oba omanogo inomat endu fakfesikhemo ninggi logolik at ebe inomat nasikhe.

2 RAJA-RAJA 20:1

A'nogo agaikheba andem he raja Hizkia oumo pot mene oba agaikhemo re at ebe wa'lasu hak agaikhe. A'nogo agaikhesik were'ma re at Yesaya hun Amos amlogo a'nogo nen ha wagaikhesik wene yagati logolik mel yagatikhe, ”Noe Tuhan nen ikhi logolik hat hebe fano asigin lego, we eil misik logombik hebe wa'lasigin, iluk ikhenggere noe haren yabu ekhe mene ekhe mene hilingiti lagen mene omanogo mondogat halogo feino o,” iluk yagatikhe.

AYUB 31:3

Afuni inobabut weak hilingitarek mene andi At Allah nen he, inebe alomarinafik, weagerinafik, ikherek mene inoba lakfei wagarek.

MAZMUR 109:20

Tuhan neisena, unggum andi it afuni an noba hikhibet niigik, nen iren an nobaget weak mene hilingitik, hilingiri'lagwi mene andoma inoba feino o.

MAZMUR 5:10

It afuni an naselei mene andoma nen inane agarek mene re eberogo ili'lagwi iluk angga lek hak, it inendawimo re weak mene hilingisugun mene nek peterogo werek. It inane ugunem he, inane pugun pagansek logolik afuni inendawinggen wanu hak, oba nen he, it inendawinggenma re fili mene nek peterek logoligen agarek andi.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

AMSAL 16:18

Wonoget fakhagarek oba re ambisangma al perelinaferek, nen foget fakhagarek oba re ambisangma re talorogo pagarek.

AMSAL 19:3

Afuni inonggwarek kembu nen weaget fakhalugen, wene andi faget Tuhan weak iluk agarek.

YESAYA 38:1

Andem sambul he, Hizkia ou hokho mene oba agaikhesik ebe wa'lasigiluk ugunem he, nabi Yesaya hun Amos amlogo a'nogo nen ha lagaikhesik mel yagatikhe, ”Tuhan en ikhi logolik, noe hebe fano asigin lek enggere, yabu haren hilingiti lagen mene andoma mondogat hal fein o. Hun hat hebe re welagi'legat wa'lasigin o,” ikhe iluk yagatikhe.

MATIUS 27:5

at Yudas nen uang perak mene 30 nen wogetukwa a'nogo Allah awi wuri'mo woukhogo kwelakfisaluk he, onggwaregen alonggop hele kelogo ebe pinggi waralagaikhe.