2 SAMUEL 16:5 - Allah Wene Fano Wene Hupla Inane

⁵ A'nogo iluk, at Daud o Bahurim lagaikhe hak he, ap enu Gera, aiba o andoma mene, at Saul eisok erokwe mene, amlogo enu Simei andi, afuni raja Daud inom lagaukwa mene omanogo inoba horokhogo waga logolik Daud homan filik wagaikhe.

2 SAMUEL 16:5 ပူးပေါင်းရင်းမြစ်များ

2 SAMUEL 16:14

At kain raja ebe inom, agoromi mondogat inom, i Yordan ima pisukwasik inomame mondok lek agaikhemo re, set andoma walasukwa.

2 SAMUEL 16:4

A'nogo yagatikhemo, at raja Daud en Ziba mel yagatikhe: ”Halok he, o yogondak huli nen he, yi mene ti mene at Mefiposet eise welagarek mene andi mondogat, hat eise a'no o,” iluk yagatikhemo, aren he, ”Noe halaboge, an nebe hat hoba liok ugu mondok logouwago, noe,” iluk yagatikhe.

2 SAMUEL 16:6

Daud ebe at agoromi tentara omanogo nen inom, inogogwi kabelek mene perwira ekhe nen inom, inomen tulemet fesukwasik fisogo werek kwelek meneat he, at Simei nen helep huk oba fuginabik-fuginabik wagaikhe.

2 SAMUEL 17:18

A'nogo hinago welagaukwa meneat he, alage yenggerek mene ekhe nen eilenggen isasikhesik, Absalom yagasi wagaikhe. Andi nen he, it weak-weak ap ekhe awi sili Bahurim mene aiba andoma hina'lasi lagaukwa. Lagaukwasik, at ap andi aiba era'lu i mogo ekhe habuli'mo re, andoma hina'lasi kwisukwasik welagaukwa.

2 SAMUEL 3:16

Oba nen he at Paltiel a'nogo re, he Mikhal a'nogo ombo'ne le arik lagaikhe. It a'nogo lagaukwasik he o kota Bahurim asi lagaukwasik at Abner en hun a'nogoba ikhi logolik he, ”Araro, yogondak he haiba lan o!” iluk yagatikhemo re, ap Pealtiel a'nogo aiba wagaikhe.

ESTER 2:5

O kota Susan oba andoma re, ap Yahudi mene misik ekhe enu Mordekhai hun Yair amlogo andi welagaikhe. At andi re unggulenu Benyamin mene, hun Kis inom, Simei inom inambisang mangge mene welagaikhe.

AYUB 30:11

At Allah nen noba lebelekhogo nomame lek mene hilingnobagaikhemo re, iren ina'mage lagagu mene a'nogo mondogat hilingisi weri'lagwi.

MAZMUR 102:8

An nebe re sue o tum oba amu nek eilmo weakhogo welagarek higit logolik, nogo u re nabit nabi'logo.

MAZMUR 109:28

Iren an homan nobagagun oba nen, Haren enek an fanot nobagakhi logogin o. It inebe weinama asi wesugun oba nen he inenggali asugun, oba nen he an hamingmingengge yi nek he nagaiyekhogo hilingnobagagin.

MAZMUR 69:26

We, it inawi tenda wurikwe andoma re obalik enek hilinglasuak. Nen it inawi wurikwe andoma re folugenek asuak.

KELUARAN 22:27

Su we misigenek mene hilingi'mo, ebe aganhanhogo iluk, andiba huli'liphogo nogoli'lagonggere, nen hiren at onggwarek wogosugun lek halok, at nogokhi logolik he nenanggeba huli'liphogo nogogin anggegep? Aren lebetnean o iluk An noba ane kwesigin mene andire, An nen elagaik hambik ane nesanggo holigin.

KELUARAN 22:28

Hiren hinaneweak Tuhan oba fou fuk, hit hinunggulenu mene hinanggele'ma andoma hinogogwi fethinarek mene inoba homan fisa fuk.

AMSAL 26:2

Sue nen tarogo lagaresik pogotkwe lagik wagik ikherek hak, afuni weak hilingiti'le'maat homan fisagarek mene andi re inoba asu lek hak.

PENGKHOTBAH 10:20

Hat hendawimo nen ogore raja abok palu fuk, nen hat honggwarek haiba nogokhi lagen oba nen ogore ap hokhondek mene inoba wenagisa fugat. A'nogo hilingisigin halok he sue misik ekhe nen holimbik, it ap haren inabok paligin mene omanogo inoba yagaisa lanogo.

YESAYA 8:21

Afuni ekhe yi enggin ti enggin inoba agik, sumburu nele agik, hilingisugun mene andi re o kweang andomaba ya lagik ta lagik, hilingiti logolik logogun. It a'nogo hilingiti logolik inamburu nele nen ina'makwe het periluk he inoe raja oba inom it ineisena Allah oba inom homan fisikhi logogun. A'nogo hilingiti logolik he ineil nayo hayo yi kwe ti kwe kumuthigik,

1 SAMUEL 17:43

Endo a'nogo aga logolik, mel yagatikhe: ”Sige tomuk ari ninggi'nogo hilingisigiluk waluk wagen? Hat hendawimo nen he, an nebe mene higit anggegen a?” iluk yagatikhesik, at andugwi kembuba hombuk palogo Daud homan fesikhe.