2 SAMUEL 16:2 - Allah Wene Fano Wene Hupla Inane

² Lagaikhemo at raja Daud en mel yagatikhe: ”Yoma mondogat he, nena mene faget waluk wagen,” iluk heinok wokhasikhemo, at Ziba nen he, ”Wam keledai ya re, hat hagainafuri hinom amboroba lagaluk lagu mene iluk waluk wagi o. Nen, roti inom, e enggen inom yoma re, hat hagoromi noageluk waluk wagi ya. Nen, i anggur amusu keralek yoma re, it ekhe o leimo afuni le'ma yoma nugunem inomame lek agu halok nunggu mene iluk waluk wagi o,” iluk yagatikhe.

2 SAMUEL 16:2 ပူးပေါင်းရင်းမြစ်များ

KEJADIAN 21:29

Abimelekh en Abraham heinok wokhiki logolik, ”Nenahalok haren wam domba 7 nen yi wendeberogo fegen?” iluk isikhe.

KEJADIAN 33:8

Hai watukwama at Esau nen heinok wokhikhi logolik, ”It fena inebe fageat ninom ambi ago mene andoma re nenahalok?” iluk heinok wokhasikhe. Heinok wokhasikhemo at Yakub en ikhi logolik he, ”We, hat noe nen hendawit nabinogen ilu lakfisa wagi mene o,” yagatikhe.

2 SAMUEL 15:1

A'nogo wanhikhemo, at Absalom onggwarek faget kereta weim yafarek mene a'nogo misik ekhe inom, nen wam kuda inom andogorogo fesikhesik, ap inebe 50 nen inom nikhi logogun mene inayonggo fesikhe.

2 SAMUEL 15:23

At Daud agoromi tentara omanogo inom o kota inebe welagaukwa ba a'nogo herakfuluk wulifunem he, it afuni o andoma welagaukwa mene omanogo inebe mondogat inane hokhorogo le agaukwa. A'nogo le agu kwelek, at Daud agoromi tentara esa logalek woginarek nikhi lagaikhe mene omanogo mondogat inom i Kidron palogo wulifukwasik, o leimo afuni le'ma higit andoma lagaukwa.

2 SAMUEL 19:26

A'nogo yagatikhemo, at Mefiboset en he, ”Noe halaboge. An hamingmingengge yi nawe wut warek andi, hat helu o. Andi nen he, an nebe wam keledai ambot oba lagaluk hurek hat hombo'ne nikhi logogiluk an namingmingengge Ziba a'nogo oba wam keledai ekhe an faget tegelogo fanuagaluk yagatigi meneat he, aren lalnafikhe o.

YEHEZKIEL 37:18

A'nogo hilingfagain halok it hat hunggulenu mene andoma nen heinok wokhikhi logolik yi ebe ninggi'nogo faget,

HAKIM–HAKIM 10:4

At amlogomi ap mene re inebe 30 nen welagaukwa, nen it inanggo keledai amboloba hu'la'luk lagaikharek mene lambukhogo re 30 nenat welagaikhe. O sili andoma re at Yair awi sili ikhi lagaukwa.

HAKIM–HAKIM 5:10

Hit ap wam keledai kut mene amboloba talfuluk laga-lagep mene andi inom, hit hinasu wam oroa'ma talfuluk laga-lagep mene andi inom, Nen hit afuni ekhe hineisok oba laga lagep mene andi inom ninomame ago wene andi yagaisilik laga logoino!

1 SAMUEL 14:28

A'nogo nasikhemo, ap tentara omanogo mene ekhe nen he, mel yagatikhe: ”Nit mondogat sumburu nele nen ninomame mondok lek agosik ninggi'nogo hilingisu heat hilingninafe o. A'nogo meneat he, hat heisena nen Allah nen nit weaget ninabuageluk At enu hombuk palogo yi'nogo yaganisikhe: Sa nen o yogondak yiba sumburu yi mene ti mene ekhe nagain halok, Allah nen homan fouwago, iluk yaganisikhe,” iluk yagatikhe.

1 SAMUEL 25:27

Ariginik enggere an hamingmingengge nen yeligengge endebat neisena hat hobaget inom, hat agoromi inobaget inom ya helani.