2 SAMUEL 16:12 - Allah Wene Fano Wene Hupla Inane

¹² We At Tuhan eilenggen werek kwelek a'nogo yaganeri'logo halok, Arenat onggo fikhi logolik, homan nobagaikhe mene andi onggo fano hilingnabigin weregat anggigi o,” iluk yagaisasikhe.

2 SAMUEL 16:12 ပူးပေါင်းရင်းမြစ်များ

2 SAMUEL 16:13

A'nogo yagaisasikhesik, at agoromi inom he pikhit pi lagaukwama, at Simei a'nogo inombo'ne weak-weagat tom alemkwe nen muginarek pikhi logolik, helep inom kweang inom fugerisilik pisikhe.

2 RAJA-RAJA 19:4

Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 109:28

Iren an homan nobagagun oba nen, Haren enek an fanot nobagakhi logogin o. It inebe weinama asi wesugun oba nen he inenggali asugun, oba nen he an hamingmingengge yi nek he nagaiyekhogo hilingnobagagin.

MAZMUR 132:1

Allah awi wuri'mo lagakhi logolik wuni watukwa awuni. Tuhan neisena, At Daud ebe inom, nen at oba yi enggin ti enggin hikhi lagaikhe mene andoma inom, haren oba ebe'no o.

MAZMUR 25:18

Nendawi fit lagu nen hilingiti lagi mene andi inom, enggin-fenggin hikhi lagi mene andoma inom, Harenat fut nobagaluk, naweak mondogat legaphogo nobagain o.

AMSAL 25:22

Hit hinobabut a'nogo hilingisugun andiba it inenggali agik, nen nineisena Tuhan nen hobuk hit fanothinafik, igin werek.

AMSAL 26:2

Sue nen tarogo lagaresik pogotkwe lagik wagik ikherek hak, afuni weak hilingiti'le'maat homan fisagarek mene andi re inoba asu lek hak.

YESAYA 27:7

Tuhan nen afuni At unggulenu mene unggum wogisagain andi re afuni inunggulenu Israel mene inom weim palek mene inoba unggum wogisikhi lagaikhe andoma hakhogore fuk. Aren aselei mene inoati lagaikhe hak At againafuri a'nogo inoasigin he legat.

YOEL 2:14

Hineisena Tuhan Allah nen he, wene hinoba feigeluk endawimo ebete mene andi sebelogo fuluk, hobuk endawimo hunogoat mene ebesimbik, hokhorogo fanothinabigin logou hago. A'nogo fanothinafe halok, hiren anggur inom, gandum inom, hineisena Tuhan Allah faget elok fisikhi logogun aro.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

ULANGAN 23:5

A'nogo hilingitukwaba nen he, At hineisena Tuhan Allah re Bileam ane ikhe mene andi esanggo holhikhe fuk. Oba nen Aren he hit hinobaget endawi hundik hilinghinafi logolik homan hinobagagu mene a'nogo hebekhogore hinenggi werek hilinghinobagakhi lagaikhe andi.

ULANGAN 23:6

Hit hineluk logolik inom, nen logogun huli andoma inom ogore it afuni andi inunggulenu lombok logogun mene andoma leberisigik, inenggi werek hilinginafik u fuk.

IBRANI 12:10

Iren he, ”Fano hilingisugun mene yi higi,” iluk elama faget we endebat komorinafarek meneat he, nineisena Allah nek he, at weak hilingiti'lek tegelek welagarek andi hak, nit ninom a'nogoat tegelek logouwageluk komotninaferek.

1 SAMUEL 1:11

Werek kwelek, at Hana nen samban Allahba wene yi'nogo waretikhe: ”Neisena Tuhan Homame Mondok Hokho mene a'nogo nen an hamingmingengge heilenggen wo'nabin o, neisena. An hamingmingengge yi mondok weak welagi andi heilenggen neambik hera'nobagagi'lek, noba ebe'no o, neisena. Haren an neak ap ekhe wo'neten halok, an nen at andi ebe hat faget mondok logouwageluk ambotkwe wokhesigin o, neisena. Nen, at ebe ta'laga halok, esi re palhi'lek herakfikhi logogiluk wene watheti o, neisena,” iluk yagatikhe.