2 SAMUEL 15:32 - Allah Wene Fano Wene Hupla Inane

³² A'nogo yaga'luk, Daud ebe tom punu ebeba afuni nen samban nineisena Tuhan fogerati logolik hilingitarek oba andoma lagasikhe hak he, ap ekhe Daud oba lombokhogo welagaikhe mene ap unggulenu Ariki mene enu Husai andi asu libilogo lakfisasikhesik, wul unggul ebene yugulogo oba wagaikhe.

2 SAMUEL 15:32 ပူးပေါင်းရင်းမြစ်များ

2 SAMUEL 1:2

A'nogo were'ma, ohealekwe re ap alage mene misik ekhere at Saul awi tenda wurogo welagaikheba omanogo nen he, Inoatama waga, iluk futfouwagaluk he asu tiliphogo lakfisigik, fesi unggul oba yugulhik, isikhesik he, at Daud elokhoma omanogo wagaikhesik eindep awi yagaisogo fogeratikhe.

2 SAMUEL 13:19

At hele Tamar a'nogo re asu jubah a'nogo tilip-talaphogo lakfisasikhesik he wul unggul oba yugul fesikhesik, enggi pire nen elokhe salogo le mondok weakhogo le arik lagaikhe.

2 SAMUEL 15:30

A'nogo wagaukwama, at Daud eisok sepatu laberek mene nonggologo fesikhesik, afuni inom lagaukwa mene mondogat inom punu Zaitun oba lagakhi logolik, ”Nit fong wati lago,” iluk enegat asuagaluk, su inunggul oba yanggulogo le arik lagasukwa.

2 SAMUEL 16:1

At Daud tom punu ebeba herakfuluk abel elikwe pisikhe hak he, aremnogoat at Ziba Mefiboset amingmingengge a'nogo wam keledai helou mene inom ai mene inom emberek wuthogo wanhikhesik, roti werago mene 200 nen inom, anggur enggen eiselek-maiselek iringik mene ebe 100 nen inom, e enggen fano mene hele yelela mene 100 nen inom, i anggur amusu su misik meneba kwalegengge inom, wam andem amboroba liak fesikhesik waluk lagaikhe.

2 SAMUEL 16:15

A'nogo werek kwelek, at Absalom inom, ap Israel mene ekhe at ombo'ne lagaukwa mene mondogat inom, Ahitofel inom, inom he o kota Yerusalem kwi wagaukwa.

2 SAMUEL 17:5

A'nogo isukwa meneat he at Absalom en he yi'nogo yagaisasikhe: ”At Husai endawimo nen ninggi'nogo anggagain. Heinok wokhouwogen he, ebe wole'ni o,” iluk yagaisasikhemo wolesi lagaukwa.

1RAJA-RAJA 11:7

O Yerusalem en fena mo lagai wagarek fikhit tom oba andoma re, at Salomo nen he Moab mene nen fogerati lagaukwa mene dewa enu Kamos inom, afuni Amon mene nen fogerati lagauka mene dewa Molokh inom andoma obalik fogerati logogun oba faget wutikhe. Dewa andem ebe pirenet he hebak ina'ma asu hak mene nek welagaikhe.

1 TAWARIKH 27:33

Ahitofel he at raja ebe komotu mene welagaikhe, nen hun Husai awi Arki agun andi re at raja agailak endawi hundik mene logolik komotu mene welagaikhe.

MAZMUR 3:7

It afuni an naselei mene inebe mondok hokho pokhorogo logolik, nabel fena-fena inom nambotkwe nen inom maserogo kwelaknabi weri'lagwi oba nen he, an nen it faget nailorinafi lagi mondok lego.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

LUKAS 19:29

Lagakhi lagaikhesik, tom Zaitun a'ma o sili ekhe enu Betfage, ekhe enu Betania, andoma higit asi lagasikhesik he, at agoromi ane wanhi lagaukwa mene ekhe inebe pire wene warogo attagat lakfisikhi logolik he,

YOSUA 16:2

Betel huli nen lagasik, o Lus huliba nen o Atarot kwe nen he ap Arki mene were'ma andoma.

1 SAMUEL 4:12

A'nogo hilingitukwama, ap ekhe unggulenu Benyamin mene, weim yafukwaba nen humusek o Silo hari andibaat wagaikhe. A'nogo waga logolik, inoatama nen endawimo weak agasik waga higi, iluk futfouwagaluk asu laberek mene libik-labakhogo nen he, fesi ungguloba yugulogo wagaikhe.