2 SAMUEL 15:29 - Allah Wene Fano Wene Hupla Inane

²⁹ A'nogo yagatikhemo, at Zadok Abyatar emberek Peti a'nogo waluk inambotkwe o Yerusalem wagaukwasik welagaukwa.

2 SAMUEL 15:29 ပူးပေါင်းရင်းမြစ်များ

2 SAMUEL 15:28

Nen, an he o leimo i palogo wulibi lagaikharek oba andoma lambik logolik, hat hane holek logogin o. Nen, an nebe i palogo wulibi laluk o lei fikhit andoma asi lagi'lek werek kwelek he o Yerusalem oba wene ekhe werek halok he haren yaganesi we'no o,” iluk yagatikhe.

2 SAMUEL 15:30

A'nogo wagaukwama, at Daud eisok sepatu laberek mene nonggologo fesikhesik, afuni inom lagaukwa mene mondogat inom punu Zaitun oba lagakhi logolik, ”Nit fong wati lago,” iluk enegat asuagaluk, su inunggul oba yanggulogo le arik lagasukwa.

2 SAMUEL 19:11

Wene a'nogo isukwa mene andi, it ekhe nen raja Daud arat yagasi lagaukwama esanggo holhikhe. Esanggo a'nogo holhikhesik, ap Allah eisewerek mene Zadok Abyatar emberegen afuni Yehuda mene inogogwi wene heinok yi'nogo wogisoagaluk inoba lakfisa wagaikhe: ”It ekhe nen, at raja Daud aiba ambotkwe wesuageluk nebe wo'nabuogoluk ugu kwelek, hit hinebe noe nagot an werekwe mene meneat he, a'nogo igi'lek ebe hobugen wo'nabuogeluk welagep andi nenahalok, iluk ikhe,” iluk yagaisoagaluk lakfisa wagaikhe.

MARKUS 2:26

At Daud en he, ap Abyatar it ap Allah eisewerek mene inoe kain logolik Allah awi wuri'mo Allah faget hilingitunem oba kuluk he, sumburu roti Allah faget fisagarek mene hesanggeat nogoin mondok lek. We, it Allah eisewerek mene nek nogoin, iluk wene palek meneat he, at Daud en nasikhesik he, agoromi ombo'ne lagaukwa mene omanogo wogisasikhemo nasukwaat, iluk lisu palek werek a'nogo enu salhi'lek welagep nogo?” iluk yagaisasikhesik wene ekhe mel yagaisasikhe: