2 SAMUEL 15:27 - Allah Wene Fano Wene Hupla Inane

²⁷ A'nogo yagatikhesik, wene ekhe Zadok mel yagatikhe: ”Hat hamlogo Ahimaas inom, Abyatar amlogo Yonatan emberek inom, hinomat lobagaigen yagaisilik lambik he, hinendawimo hambukhogoat hinambotkwe o kota kwini o.

2 SAMUEL 15:27 ပူးပေါင်းရင်းမြစ်များ

2 SAMUEL 15:34

A'nogo meneat he, hat hebe hambotkwe kota lagain halok, Absalom mel yaga'no: An attak heisena faget at ane hologo hilingitirek andi hak, hobuk hat faget hane hologoat hilingiti logogin o, iluk yaga'no. A'nogo yagati logogin andiba, at Ahitofel en raja faget komoti logogin mene andi ebe aga logogin lego.

2 SAMUEL 15:36

Zadok amlogo Ahimaas inom, Abiatar amlogo Yonatan inom, ineisugwi inom lagaikhasik andomaat werego. Andi nen he, wene hat hesanggo holhi logogin mene andi mondogat, iren an yaganesi wesuagaluk yagaisikhi logoino o,” iluk yagatikhe.

2 SAMUEL 17:17

A'nogo hilingitu kwelek andem sambul he, at Abyatar amlogo Yonatan inom, Zadok amlogo Ahimaas inom, emberek o kota kwi wagunem afuni nen ineilenggen isanogo iluk, wene waluk lagunem holuogoluk yerogo re, o kota Yerusalem esanggoma i enu En-Rogel elesimo horokhogo andoma hinago welagaukwa. Were'ma, wene at raja Daud yagasi logoin mene halok, hele yenggerek inamingmingengge mene ekhe nen yagaisa laga lagaikhe.

2 SAMUEL 18:19

A'nogo hilingitukwasik, hobuk at Zadok amlogo Ahimaas en Yoab mel yagatikhe: ”An humusek ninoe raja Daud oba lambik, at aselei mene nen ebe wa'lep mene nineisena Tuhan nen telogo fikhe wene yi endawimo agaiyek asuagen he, yagasi lageluk yagaheti o,” iluk yagatikhe.

2 SAMUEL 24:11

A'nogo yagatikhemo, At Tuhan nen hun Gad Tuhan hilingi'luk Daud hilingi'luk tulem wene waluk lagu mene faget welagaikhe agun a'nogo oba ikhi logolik he, ”Hat Daud ambit lambik he, Tuhan nen yi'nogo ikhe iluk yagasi lan, An nen he ero henagan mene menfigi andi, enggere aren ki mene helagain halok andi re An nen higithogo hilingisogo fagain ikhe ino,” iluk yagatikhe. Yagatikhemo re ohealekwe re at Daud a'nogo nogoli'lagoba nen eluk agaikhesik hilingitunemen he,

1RAJA-RAJA 1:42

Heinok a'nogo wanhunemen he, aremnogoat Yonatan imam Abyatar amlogo a'nogo lagaikhemo, at Andonia nen he, ”Kwi me o, namlogo. Hat hebe fano andi hak wene fano meneat waluk wagen logouwak,” iluk yagatikhe.

1 TAWARIKH 25:5

At Heman andi re Allah nen ane ugu mene a'nogo waluk at raja yagati logouwageluk, at raja onggwarek faget mene welagaikhe. Tuhan nen he at Heman amlogomi inebe 14 nen inom nen a'logomi inebe henagan inom wogetikhe andi re, At Tuhan nen wene abok yagati logolik, ”Hat heabu lego mene hilingiti logogin nen hut hobagagin, ”iluk wene waretikhemo a'luk he yabu andi mene wogetikhe.

1 TAWARIKH 6:8

Zadok, Ahimaas,

1 SAMUEL 9:6

A'nogo yagatikhemo, at amingmingengge a'nogo nen he, ”Ah, nenangot hambigen, ap o kota yi mene ebe Allah amingmingengge mene re, wene aren ugunem sugi agi'lek tibenek ugunem afuni nen agaugweratarek mene ekhe werego. Halok he, aren wam keledai longgoikhe mene andi, koma werek, iluk yaganisagain enggere, at oba louwogo,” iluk yagatikhe.

1 SAMUEL 9:9

A'nogo yagatikhemo, at Saul en he, ”Fano. Nit at oba louwogo,” iluk yagatikhesik, o kota ap Allah amingmingengge a'nogo were'ma lagaukwa. Lagaukwasik o kota lagauwogoluk tom oba lagasukwa hak he, helime silerik inebe fenakwe ekhe i mogo habuli'mo hinatunem inom ambi agaukwasik he, ”Ap heinogengge a'naga o kota yoma werega?” iluk heinok wogisasukwa. It afuni o andem oba welagaukwa andem sambul he, at ekhe nen wene ekhe Allah oba heinok wokhogoin halok, ”Nit ap Allah ane yagaisikherek mene oba louwok, u hak he, nit ap heinogengge oba louwok,” iluk ikhi lagaukwa andi nen, iren helime silerik omanogo a'nogo yagaisasukwa andi.