2 SAMUEL 15:25 - Allah Wene Fano Wene Hupla Inane

²⁵ A'nogo werek kwelek, afuni arat wulifukwama at raja nen Zadok mel yagatikhe: ”Nineisena Tuhan an nebe endawit nabigin halok, an nambotkwe o Yerusalem wesimbik, Peti ebe inom, obalik welagarek oba inom, neilenggen ha wesuageluk wo'narek wesigin aro. Andi nen he, peti ari ambotkwe kota fei lani o.

2 SAMUEL 15:25 ပူးပေါင်းရင်းမြစ်များ

2 SAMUEL 6:17

A'nogo hilingirik wagaikhesik he, Peti Wene Warogo Allah nen wo'ninafikhe, iluk hilingik a'nogo obuluk at Daud en o su mene wutikheba andoma fesukwa. A'nogo fesukwasik, at Daud en wam nineisena Tuhan faget warogo noletik, Allah ninom lambulho, iluk warogo noletik, isikhe.

2 SAMUEL 7:2

A'nogo logolik, ap Natan Allah ane yagaisikhi lagaikhe mene a'nogoba mel yagatikhe: ”Yethan, Allah nen Peti Wene Warogo wo'ninafikhe iluk hilingik mene a'nogo re we o tenda wuri'mo andoma figimo werek kwelek oba nen he, an enek he nawi istana e laik o Libanon alima agayoba nek wuri'mo welagingge yi!” iluk yagatikhe.

MAZMUR 122:1

Wuni Daud en watikhe mene Allah awi wuri'mo lagakhi logolik fogerati lagaukwa awuni. It afuni ekhe nen he, nineisena Tuhan aiba lagauwogen eme! iluk yaganetunem nesanggo holhiresik he, an nendawimo hokhorogo nagaiyegeti lagi.

MAZMUR 122:9

Nit nineisena Tuhan Allah, awi wurik andi alisikhogo, Yerusalem fano mondok logouwageluk, Allah ayonggo fikhi lagi o, iluk wuni watikhe.

MAZMUR 26:8

Tuhan neisena, an he Hat hebe handungdang logolik welagen oba, Hat awi wuri'mo andoma nendawi hundik hilingiti lagi o, neisena.

MAZMUR 84:10

Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

KELUARAN 15:13

Haren wene wa'nisasigin mene higithogo hilingiten andi nen, Nit telninafendik wo'ninarek waga lagen, Homame hokho a'nogoba fetninarek welagen, Hat honggwarek hanggweang hore'ma wo'ninarek lageluk waga lagen.

KELUARAN 33:12

O inenggi ekhe sambul he, at Musa nen Tuhan oba mel yagatikhe: ”Neisena, haren he, an nen afuni yi woginarek o haren wo'nisageluk wene wa'nisasigin oba woginarek loageluk yaganeten. A'nogo meneat he, ap andi nen lebethoageluk ayonggo fembik lakfei wagi, iluk yaganeten lek andi. Neisena, haren he, An faget Hat hebe nelu, noba liok ili'lago, iluk yaganetigin andi.

KELUARAN 33:13

An hat faget hilingiti logolik, hendawimo hamolo mene nek hilingitu mondok logoigen he, haren yi'nogo hilingisigin iluk anggegen mene andi yaganom o, neisena. Haren he, afuni yi, an nagainafuri logouwageluk, wenagaisogo fisasigin a'nogo hendawimo ebesin o, neisena,” iluk yagatikhe.

YEREMIA 25:30

Yeremia ahwi, An nen hat hoba nane igi mene andem he haren mondogat yagaisano. It inoba yagaisikhi logolik, ”Tuhan ane re pogoroba nen pararak eri'lago o. At ebe werek oba obalik mondok fano hore'ma omanogo nen he againafuri inom weim yabigiluk hum liabi'logo. Ap anggur enggen perelharek oba nen abologet hugunem hilingiterek hak, Aren abologet hamo re yi afuni ti afuni o kweangma welagaikharek mene mondogaren holugun.

YEREMIA 7:4

Hit he aben lalhinafi logolik, ’Yi re o Tuhan Awi wuri'mo, eberogo yi Tuhan awi wuri'mo o,’ nit he ninailo legengge logogun iluk yagahisagarek mene andoma inoba re eberogo angga fugo.