2 SAMUEL 15:23 - Allah Wene Fano Wene Hupla Inane

²³ At Daud agoromi tentara omanogo inom o kota inebe welagaukwa ba a'nogo herakfuluk wulifunem he, it afuni o andoma welagaukwa mene omanogo inebe mondogat inane hokhorogo le agaukwa. A'nogo le agu kwelek, at Daud agoromi tentara esa logalek woginarek nikhi lagaikhe mene omanogo mondogat inom i Kidron palogo wulifukwasik, o leimo afuni le'ma higit andoma lagaukwa.

2 SAMUEL 15:23 ပူးပေါင်းရင်းမြစ်များ

2 SAMUEL 15:22

A'nogo yagatikhemo, at Daud en he, ”A'nogo egen halok he fano, ninom louwogo,” iluk yagatikhe. A'nogo yagatikhemo, at Itai agoromi tentara esa woginarek nikhi lagaikhe mene inom inagainafuri inom lagaukwa.

2 SAMUEL 15:28

Nen, an he o leimo i palogo wulibi lagaikharek oba andoma lambik logolik, hat hane holek logogin o. Nen, an nebe i palogo wulibi laluk o lei fikhit andoma asi lagi'lek werek kwelek he o Yerusalem oba wene ekhe werek halok he haren yaganesi we'no o,” iluk yagatikhe.

2 SAMUEL 16:2

Lagaikhemo at raja Daud en mel yagatikhe: ”Yoma mondogat he, nena mene faget waluk wagen,” iluk heinok wokhasikhemo, at Ziba nen he, ”Wam keledai ya re, hat hagainafuri hinom amboroba lagaluk lagu mene iluk waluk wagi o. Nen, roti inom, e enggen inom yoma re, hat hagoromi noageluk waluk wagi ya. Nen, i anggur amusu keralek yoma re, it ekhe o leimo afuni le'ma yoma nugunem inomame lek agu halok nunggu mene iluk waluk wagi o,” iluk yagatikhe.

1RAJA-RAJA 15:13

Aren he, ombalo he Maakha a'nogo nen kembu he mene dewi Asyera yi mene ti mene heiselherek mene iluk mondok elokhe weak mene wutikhe a'nogoba re, he andi hun raja agwe a'nogo agaisa iluk welagaikhe mene a'nogoba nen sanokhogo pelakfesikhe. At Asa nen he kembu wurik mene a'nogo moluluk isasikhesik he o Kidron tonggoma andoma nen endu nolhikhe.

1RAJA-RAJA 2:37

Nen haren hailo legengge wulibi lambik i endep mene enu Kidron andi palogo lagain halok he hat hebe hoasugun o, Nen a'nogo hilingisugun mene andi re hat honggwaregen enek ambisangma saburagain o,” iluk yagatikhe.

YEREMIA 31:40

O tonggo andi mondogat afuni salinafukwe iluk welagarekwe andoma inom, weak-weak engge hugesi lagukwe andoma inom he, i Kidron ima nen yabu waganekwe andoma kwe nen he kwe ambe palek enu Pintu Gerbang Kuda abel timur fikhit andoma re An nobaget enogo fogoin. Kota Yerusalem andi re afuni nen hobuk molulukhogo figik, wolelenggenhogo lakfigik ugun mondok lego,” ikhe.

MATIUS 3:1

A'nogo hilingitukwasik oba nen he, at Yohanes ima pelaginafi lagaikhe mene a'nogo, o Yudea tonggwe leimo afuni le'ma andoma wagaikhesik wene yagaisikhi logolik, yi'nogo ikhi lagaikhe:

MATIUS 3:3

Andi ikhi lagaikhe andi re, at Yesaya Allah ane yagaisikhi lagaikhe mene a'nogo nen yagaisikhi logolik he, ”Ap ekhe o leimo afuni le'ma andoma ane ngai eti logolik he, Eiga! Ninoe Enupogot wesigin kwe, kwe fanorogo tegelhik, kwanirek mene higithogo yatik, ikhi logoni o, iluk wolisili'logo,” iluk Yesaya nen ikhi lagaikhe a'nogo, at Yohanes ebeat wagaikhe andi.

LUKAS 1:80

Nen, at Zakharia amlogo a'nogo ebe alue agaikhesik endawinggen mondok wurik agaikhesik, afuni Israel mene oan eilenggen isa lagi'lek logolik he, o leimo afuni mondok le'ma andoma welagaikhe.

YOHANES 18:1

At Yesus nen samban a'nogo arat isikhesik he, at agoromi ane wanhi lagaukwa mene omanogo at ebe inom wulibi lagaukwasik, i enu Kidron aik elikwe yabu e enggen nenggarek mene awi yagokwe wulifukwasik Yesus agoromi inomat andoma kwisukwa.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.