2 SAMUEL 15:20 - Allah Wene Fano Wene Hupla Inane

²⁰ Hat an ninom ninenggi ekhe inomat hokhorogo welago le'ma re, an nen hat ninom o ekhema nen ekhema higilogo lagik nikhi logouwok, iluk yagahetu aplere elo'lego. An yi nebe o toma lageluk, iluk he tukhumhogo nonggwarek nonggot aro. Andi nen he, hat hagaila'lak hinunggulenu misik mene andi woginarek hambotkwe lan o. We At Tuhan nen hendawi hundik logolik, setharek mondok logouwago,” iluk yagatikhe.

2 SAMUEL 15:20 ပူးပေါင်းရင်းမြစ်များ

2 SAMUEL 2:5

ap ekhe inayonggo fesikhesik, lakfisikhi logolik, mel yagaisano isikhe: ”Hit hinobabut mandok fano higithoge hinoe raja ebe kweangma salhep andi nen he, At Tuhan nenat hit hinoba fanot hinobagakhi logouwago.

2 SAMUEL 2:6

A'nogo hilingitep andi nen he, At Tuhan nenat endawi hundik hilinghinafik sethinarek mondok welagik ikhi logouwak. Nen hiren a'nogo hilingitep andiba re, an nen ogo hit hinoba fanorogo nek hilinghinobagakhi logogin aro.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

MAZMUR 56:8

Neisena Allah, iren weak mene nek hilingiri'lagwi andiba it inebe telinabu hak mene ekhe werek nogo? Hat ha'mageba nek it inebe legetfisan o!

MAZMUR 57:3

An nane At Allah Lego Mondok welagarek mene a'nogoba humeti lagi o, At Allah an nobaget hilingiri'lago mene a'nogoba nane kweti lagi o.

MAZMUR 59:15

O hu'mo asi lagunem he, it omanogo nekhengge lagokhogo we'luk, o kota kwe omanogo maserik nikhi logolik he mene nen hakhogo kouwarik nikho.

MAZMUR 61:7

At raja ebe umur uanhogo were'ma, at ebe eluk mondok-mondok logogin.

MAZMUR 61:8

Neisena Allah, raja andi ebe harenat wenagaisogo fesigin mene hilingi'mo re, Haren hendawi hundik hilingitik, tiphogo nek hilingitik, egendek mene a'nogoba agap laberogo fisogo logoin o. A'nogo were'ma ninhup nanhup andoma re aren enek melalinafu mondok logogin.

MAZMUR 85:10

Aren he afuni wene melalek futfuluk hilingiri'lagwi mene re ibi-eberogo nenat inagap telinabigin werek, At Allah mondok andungdang werek mene andi re nit ninaiba yoma logogin.

MAZMUR 89:14

Hat he homame mondok hokho mene welagen, Nen Haren hilingiti lagen mene andoma re mondok elalin mene hilingitendek.

AMSAL 14:22

Ap ekhe nen fano mene andi walhagain iluk hilingitu halok afuni nen legeisogo fuluk fanot fikhi logogun, ap sa nen weak mene hilingisigin anggaluk wenggelek logolik werek halok, at andi ebe re kwe longgo i lagaikharek oba asi lagasik werek.

AMSAL 3:3

Hat hendawi hundik heisena Allah oba logolik tiphogo hilingiti lagen mene andi herakfuluk la fugo! Athe siong inalonggopma itarek higit itik, lisu palharek higit hendawinggenma peterogo fakhaluk, eberek mondok logoino.

AMOS 8:12

A'nogo hilingiti logolik, An nane andi herarik he yi awi ti awi o abel utara fikhiren he abel selatan fikhit lagik, nen abel timur fikhiren he barat fikhit lagik hilingiti logogun, oba nen he iren ekhe herati logogun mondok lego.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

1 SAMUEL 23:13

A'nogo yagatikhemo re at Daud inom agoromi inebe 600 mene hakhogo inom he, o Kehila a'nogo herakfuluk wulibi lagaukwasik o ekhema nen ekhema higilogo lagik lagaukwa. A'nogo lagaukwama at Saul yagati logolik he, at Daud a'nogo re o Kehila herakfisaluk heise wilifa o, iluk yagatukwama esanggo holhikhesik he inoasigin iluk inabok palhikhe a'nogo re sugwi agaikhe.